ହାଇଦ୍ରାବାଦ: ରଣବୀର କପୁର ଏବଂ ଆଲିଆ ଭଟ୍ଟଙ୍କ ବିବାହକୁ ନେଇ ସମସ୍ତେ ଚୁପଚାପ୍ ରହିଥିଲେ। ବର୍ତ୍ତମାନ ବିବାହକୁ ନେଇ ଚାରିଆଡେ ଚର୍ଚ୍ଚା ଲାଗି ରହିଛି। ରଣବୀର କପୁର ଏବଂ ଆଲିଆ ଭଟ୍ଟଙ୍କ ଘନିଷ୍ଠ ବନ୍ଧୁ ଅୟାନ୍ ମୁଖାର୍ଜୀ ଏବେ ଏହି ଚର୍ଚ୍ଚାରେ ମୋହର ମାରିଛନ୍ତି । ଆୟାନ ରଣବୀର ଏବଂ ଆଲିଆଙ୍କ ପାଇଁ ଏକ ସୁନ୍ଦର ଭିଡିଓ ସେୟାର କରିଛନ୍ତି । ଏହା ସହିତ ବ୍ରହ୍ମାସ୍ତ୍ରର ପୂରା ଟିମ ସେମାନଙ୍କୁ ଅଭିନନ୍ଦନ ଜଣାଇଛି ।
କେବଳ ଏତିକି ନୁହେଁ, ଆୟାନ୍ ମୁଖାର୍ଜୀ ଉଭୟଙ୍କ ପାଇଁ ଏକ ବଡ଼ ନୋଟ୍ ଲେଖିଛନ୍ତି। ଏଥିରେ 'ଜୀବନର ଏକ ନୂଆ ଅଧ୍ୟାୟ' ଆରମ୍ଭ ପାଇଁ ଶୁଭେଚ୍ଛା ମଧ୍ୟ ଦିଆଯାଇଛି । ଅୟାନଙ୍କ ଏହି ପୋଷ୍ଟରେ ଆଲିଆ ଭଟ୍ଟ ଅନେକ ହୃଦୟ ଇମୋଜି ଦେଇଛନ୍ତି। ଆଲିଆ ଏବଂ ରଣବୀରଙ୍କ ବିବାହକୁ ନେଇ ତାଙ୍କର କିଛି ସମ୍ପର୍କୀୟ ଅଭିନନ୍ଦନ ଜଣାଇସାରିଛନ୍ତି। ବର୍ତ୍ତମାନ ସୋସିଆଲ ମିଡିଆରେ ଅଫିସିଆଲ୍ ଭାବେ ପ୍ରଥମ ପୋଷ୍ଟ ଆସିଛି, ଯାହା ତାଙ୍କର ଘନିଷ୍ଠ ବନ୍ଧୁ ଅୟାନ ମୁଖାର୍ଜୀ ସେୟାର କରିଛନ୍ତି।
- " class="align-text-top noRightClick twitterSection" data="
">
ଆୟାନ୍ ବ୍ରହ୍ମାସ୍ତ୍ର ଚଳଚ୍ଚିତ୍ରରୁ 'କେଶରିଆ' ଗୀତ ପୋଷ୍ଟ କରିଛନ୍ତି। ଏହା ଲେଖିଛନ୍ତି, ରଣବୀର ଏବଂ ଆଲିଆଙ୍କ ପାଇଁ ଏବଂ ତାଙ୍କର ପବିତ୍ର ଯାତ୍ରା ପାଇଁ...। ରଣବୀର ଏବଂ ଆଲିଆ ... ଦୁନିଆର ସବୁଠୁ ନିକଟତମ ଏବଂ ପ୍ରିୟ ଲୋକ ... ଯିଏ ମୋ ଜୀବନରେ ସବୁକିଛି ଦେଇଛି ଏବଂ ମୋ ଚଳଚ୍ଚିତ୍ର ପାଇଁ ନିଜକୁ ପୂରାପୂରି ଉତ୍ସର୍ଗ କରିଦେଇଛି ।
ଆୟାନ ଆହୁରି ଲେଖିଛନ୍ତି, ଆମର ଗୀତ ତାଙ୍କ ପାଇଁ ଏକ ଉପହାର । ଯେହେତୁ ଦୁହେଁ ସେମାନଙ୍କ ଜୀବନର ଏକ ନୂଆ ଅଧ୍ୟାୟ ଆରମ୍ଭ କରିବାକୁ ଯାଉଛନ୍ତି, ସେମାନଙ୍କୁ ଅନେକ ଆଶୀର୍ବାଦ, ଅନେକ ଖୁସି ମିଳୁ। ଅୟାନଙ୍କ ଏହି ପୋଷ୍ଟରେ ୟୁଜରଙ୍କ ଅଭିନନ୍ଦନ ଆସିବା ଆରମ୍ଭ ହୋଇଯାଇଛି । ଆଲିଆ ଭଟ୍ଟ ମଧ୍ୟ ଅନେକ ହୃଦୟ ଇମୋଜି ସହିତ ଆୟାନଙ୍କୁ ଧନ୍ୟବାଦ ଦେଇଛନ୍ତି । ତେବେ କହିରଖୁଛୁ ଯେ, ରଣବୀର ଏବଂ ଆଲିଆଙ୍କ ପ୍ରେମ କାହାଣୀ ଅୟାନ ମୁଖାର୍ଜୀଙ୍କ ସେଟରୁ ଆରମ୍ଭ ହୋଇଥିଲା ।
