ମୁମ୍ବାଇ: ବଲିଉଡର ମିଷ୍ଟର ପରଫେକ୍ସନିଷ୍ଟ ଅମିର ଖାନ୍ଙ୍କ ମୁହଁରେ ଖୁସିର ଝଲକ । ହେବନି ବା କେମିତି । ଶେଷରେ ଝିଅ ଇରା ଖାନ ପ୍ରେମିକ ନୁପୁର ଶିଖରେଙ୍କ ସହ ନିର୍ବନ୍ଧ ଯେଉଁ କରିଛନ୍ତି । ଶୁକ୍ରବାର ସନ୍ଧ୍ୟାରେ ଉଭୟଙ୍କ ନିର୍ବନ୍ଧ କାର୍ଯ୍ୟ ସଂପନ୍ନ ହୋଇଥିଲା । ଏହି ସମୟର ଅନେକ ଫଟୋ ଏବଂ ଭିଡିଓ ସୋସିଆଲ ମିଡିଆରେ ସାମ୍ନାକୁ ଆସିଥିଲା । ନାଲି ଅଫ୍ ସୋଲ୍ଡର ଗାଉନରେ ଇରା ଖାନ୍ ବହୁତ ସୁନ୍ଦର ଦେଖାଯାଉଥିଲେ । ଯେତେବେଳେ କି, ନୁପୁର ଶିଖର ଏକ କଳା ଟକ୍ସିଡୋ ସୁଟ୍ ପିନ୍ଧିଥିଲେ । ଉଲ୍ଲେଖନୀୟ ଯେ, ନୁପୁର ଶିଖରେ କିଛି ମାସ ପୂର୍ବରୁ ଇରା ଖାନଙ୍କୁ ବିବାହ ପାଇଁ ପ୍ରସ୍ତାବ ଦେଇଥିଲେ । ଏହି ସମୟରେ ଅନେକ ଫଟୋ ଏବଂ ଭିଡିଓ ଭାଇରାଲ ହୋଇଥିଲା ।
- " class="align-text-top noRightClick twitterSection" data="
">
ଝିଅ ନିର୍ବନ୍ଧରେ ଡ୍ୟାନ୍ସ କଲେ ଅମିର
ବର୍ତ୍ତମାନ ଅମିର ଖାନଙ୍କ ଏକ ଡ୍ୟାନ୍ସ ଭିଡିଓ ସୋସିଆଲ ମିଡିଆରେ ବହୁତ ଭାଇରାଲ ହେବାରେ ଲାଗିଛି । ଝିଅ ଇରାଙ୍କ ନିର୍ବନ୍ଧରେ ସେ ନିଜ ଗୀତ 'ପାପା କେହେତେ ହେଁ ବଡା ନାମ କରେଗା'ରେ ନାଚୁଥିବାର ନଜର ଆସିଛନ୍ତି । ପାର୍ଟିରେ ଯୋଗ ଦେଇଥିବା ଅତିଥିମାନେ ତଳେ ଅଛନ୍ତି ଏବଂ ଅମିର ଖାନ ଚଟାଣରେ ଠିଆ ହୋଇ ଏହି ଗୀତରେ ନାଚୁଥିବାର ନଜର ଆସିଛନ୍ତି । ତାଙ୍କ ସହିତ ଆଉ ଜଣେ ବ୍ୟକ୍ତି ଅଛନ୍ତି, ତାଙ୍କୁ ଧରି ସେ ନାଚୁଛନ୍ତି ।
ଅମିର ଖାନଙ୍କ ଲୁକ୍
ଅମିର ଧଳା ଶିମିରି ପଠାନି କୁର୍ତ୍ତା-ପାଇଜାମାରେ ବହୁତ ଡ୍ୟାନ୍ସିଂ ଦେଖାଯାଉଛନ୍ତି । ତା' ସାଙ୍ଗକୁ ଧଳା ଦାଢି ତାଙ୍କ ଲୁକ୍କୁ ଆହୁରି ମାନୁଛି । ଝିଅ ଇରାଙ୍କ ନିର୍ବନ୍ଧ ଖୁସି ଅମିର ଖାନଙ୍କ ମୁହଁରେ ସ୍ପଷ୍ଟ ଦେଖାଯାଉଛି । ଯେତେବେଳେ ଅମିର ଖାନ 'ପାପା କେହେ ହେଁ ବଡା ନାମ କରେଗା' ରେ ନାଚୁଥିଲେ, ଝିଅ ଇରା ତାଙ୍କ ପାଇଁ ଚିୟର କରୁଥିଲେ । ହାତରେ ଏକ ପାନୀୟ ଗ୍ଲାସ୍ ସହିତ ଇରା ହୁଟିଂ କରୁଥିବା ଦେଖିବାକୁ ମିଳିଥିଲା । ଇଣ୍ଟରନେଟରେ ଅମିର ଖାନଙ୍କ ଏହି ଡ୍ୟାନ୍ସ ଭିଡିଓକୁ ପ୍ରଶଂସକମାନେ ବହୁତ ପସନ୍ଦ କରିଛନ୍ତି ।
ଇରାଙ୍କ ନିର୍ବନ୍ଧ କାର୍ଯ୍ୟକ୍ରମରେ ତାଙ୍କ ପିତାମାତାଙ୍କ ବ୍ୟତୀତ ଭାଇ ଜୁନୈଦ ଖାନ, କିରଣ ରାଓ ଏବଂ ସାନଭାଇ ଆଜାଦ ରାଓ ଖାନ ମଧ୍ୟ ଏହି ସମାରୋହରେ ପହଞ୍ଚିଥିଲେ । ଇରାଙ୍କ ଜେଜେମା ଜେନଚ ହୁସୈନ୍ ଏବଂ ସମ୍ପର୍କୀୟ ଭାଇ ଇମ୍ରାନ ଖାନ ମଧ୍ୟ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିଥିବା ନଜର ଆସିଥିଲେ । ଅମିର ଖାନଙ୍କ ଦୁଇ ଭଉଣୀ ନିଖତ ଏବଂ ଫରହତ ମଧ୍ୟ ଏଠାରେ ପହଞ୍ଚିଥିଲେ । ଅଭିନେତ୍ରୀ ଫତିମା ସନା ଶେଖ ମଧ୍ୟ ଏହି ନିର୍ବନ୍ଧରେ ଯୋଗ ଦେଇଥିଲେ ।
ଉଲ୍ଲେଖନୀୟ ଯେ, ନୂପୁର ଶିଖରେ ଓ ଇରାଙ୍କ ମଧ୍ୟରେ ୨୦୨୦ରେ ପ୍ରେମ ସମ୍ପର୍କ ଗଢ଼ି ଉଠିଥିଲା । ଦୁଇ ବର୍ଷ ହେଲା ଦୁହେଁ ଦୁହିଙ୍କୁ ଭଲପାଇବା ପରେ ଶୁକ୍ରବାର ଏହି ପ୍ରେମ ପକ୍ଷୀଙ୍କର ନିର୍ବନ୍ଧ ହୋଇଛି । ନୂପୁରୁ ଜଣେ ଫିଟନେସ ଟ୍ରେନର । ଜିମ୍ରେ ସେଲିବ୍ରିଟିମାନଙ୍କୁ ଟ୍ରେନିଂ ଦିଅନ୍ତି ।
