ନ୍ୟୁୟର୍କ: ଜାତିସଂଘର ସ୍ଥାୟୀ ବିକାଶ ଲକ୍ଷ୍ୟ (UN SDG Moment) ହାସଲ କରିବାକୁ କେବଳ ଆଠ ବର୍ଷରୁ କମ୍ ସମୟ ବାକି ଅଛି । ମିଳିତ ଜାତିସଂଘର ସାଧାରଣ ସଭାରେ 2022 ସ୍ଥାୟୀ ବିକାଶ ଲକ୍ଷ୍ୟ (SDG) ମୁମେଣ୍ଟର ଉଦବୋଧନରେ ଆନ୍ତର୍ଜାତୀୟ ଅଭିନେତ୍ରୀ ପ୍ରିୟଙ୍କା ଚୋପ୍ରା କହିଛନ୍ତି ଯେ, “ନ୍ୟାୟପୂର୍ଣ୍ଣ, ନିରାପଦ ଏବଂ ସୁସ୍ଥ ଦୁନିଆ” ପ୍ରତ୍ୟେକ ବ୍ୟକ୍ତିଙ୍କ ଅଧିକାର, ଯାହା ବିଶ୍ବର ଏକତା ମଧ୍ୟରେ ଏକ ବାସ୍ତବିକତା ହୋଇପାରିବ । 'କ୍ବାଣ୍ଟିକୋ' ତାରକା ବିଶ୍ୱର କେତେକ ଗୁରୁତ୍ବପୂର୍ଣ୍ଣ ପ୍ରସଙ୍ଗ ଉପରେ ଧ୍ୟାନ ଦେଇଥିଲେ ଯେପରିକି COVID-19 ମହାମାରୀ, ଜଳବାୟୁ ସଙ୍କଟ ଏବଂ ଦାରିଦ୍ର।
ସେ କହିଛନ୍ତି ଯେ, ଆମର ବିଶ୍ୱ ଆଜି ଏକ ଗୁରୁତ୍ୱପୂର୍ଣ୍ଣ ସ୍ଥାନରେ ଠିଆ ହୋଇଛି ଯେଉଁଠାରେ ବିଶ୍ୱ ଏକତା ପୂର୍ବ ଅପେକ୍ଷା ଅଧିକ ଗୁରୁତ୍ୱପୂର୍ଣ୍ଣ। ଜାତିସଂଘ ସୋମବାର ୟୁଟ୍ୟୁବ୍ ମାଧ୍ୟମରେ ସେୟାର କରାଯାଇଥିବା ଏକ ଅଭିଭାଷଣରେ କହିଛି କି, ଯେମିତି କି ଦେଶଗୁଡିକ COVID-19 ମହାମାରୀର ଭଳି ଭୟଙ୍କର ପ୍ରଭାବ ସହ ସଂଗ୍ରାମ ଜାରି ରଖିଛନ୍ତି, ଜଳବାୟୁ ସଙ୍କଟ ଜୀବନ ଏବଂ ଜୀବିକା ସଂଗ୍ରାମ ପାଇଁ ନୂଆ ଦ୍ୱାର ଖୋଲିଛି । ଦାରିଦ୍ର୍ୟ ଏବଂ ବିସ୍ଥାପନ, କ୍ଷୁଧା ଏବଂ ଅସମାନତା ଏକ ନ୍ୟାୟପୂର୍ଣ୍ଣ ଜଗତର ମୂଳଦୁଆକୁ କ୍ଷତି ପହଞ୍ଚାଉଛି । ଯାହା ବିରୁଦ୍ଧରେ ଆମେ ଦୀର୍ଘ ସମୟ ଧରି ସଂଗ୍ରାମ କରି ଆସୁଛୁ ।
ୟୁନିସେଫ୍ ଶୁଭେଚ୍ଛୁ ରାଷ୍ଟ୍ରଦୂତ କହିଛନ୍ତି ଯେ, ଆମ ଦୁନିଆରେ ସବୁ କିଛି ଠିକ୍ ନାହିଁ। ଏହି ସଙ୍କଟଗୁଡିକ ସଂଯୋଗରୁ ଆସିନାହାନ୍ତି ଏବଂ ଏକ ଯୋଜନା ପ୍ରସ୍ତୁତ କରି ସେମାନଙ୍କ ସହ ଲଢା ଯାଇପାରିବ । ଆମର ସେହି ଯୋଜନା ଅଛି ... ମିଳିତ ଜାତିସଂଘର ସ୍ଥାୟୀ ବିକାଶ ଲକ୍ଷ୍ୟ । ଦୁନିଆର ଟୁ-ଡୁ ତାଲିକାରେ ସବୁଠାରୁ ଗୁରୁତ୍ୱପୂର୍ଣ୍ଣ । ସେ କହିଛନ୍ତି ଯେ, ଏହି ଲକ୍ଷ୍ୟ 2015 ରେ ବିଶ୍ବର ଲୋକଙ୍କ ସହ ତିଆରି କରାଯାଇଥିଲା। ଏହା ସହିତ ଆମ ପାଖରେ ସେହି ଦୁନିଆକୁ ପରିବର୍ତ୍ତନ କରିବା ପାଇଁ ଏକତ୍ର ଆମର ଏକ ଅସାଧାରଣ ସୁଯୋଗ ଅଛି, ଯେଉଁଥିରେ ଆମେ ରହୁଛୁ । ମିଳିତ ଜାତିସଂଘ ଅନୁଯାୟୀ, ଦାରିଦ୍ର୍ୟ ଦୂର କରିବା, ପୃଥିବୀକୁ ରଜ୍କ୍ଷା କରିବା ଏବଂ ପ୍ରତ୍ୟେକ ସ୍ଥାନରେ ସମସ୍ତଙ୍କ ଜୀବନ ଏବଂ ଭବିଷ୍ୟତକୁ ସୁଦୃଢ଼ କରିବା ପାଇଁ SDGs ଏକ ସର୍ବଭାରତୀୟ ଆହ୍ୱାନ ।
ସ୍ଥାୟୀ ବିକାଶ ପାଇଁ 2030 ଏଜେଣ୍ଡାର ଅଂଶ ଭାବରେ ଜାତିସଂଘର ସମସ୍ତ ସଦସ୍ୟ ରାଷ୍ଟ୍ର ଦ୍ୱାରା 2015 ରେ 17 ଟି ଲକ୍ଷ୍ୟ ଗ୍ରହଣ କରାଯାଇଥିଲା। ଯାହା ଲକ୍ଷ୍ୟ ହାସଲ କରିବା ପାଇଁ 15 ବର୍ଷର ଯୋଜନା ସ୍ଥିର କରିଥିଲା । ଏସଡିଜି ହାସଲ କରିବାର ସମୟ ସୀମା ଶୀଘ୍ର ପାଖେଇ ଆସୁଛି ବୋଲି ଗୁରୁତ୍ୱ ଦେଇ ପ୍ରିୟଙ୍କା କହିଛନ୍ତି ଯେ, ଦୁନିଆର ବର୍ତ୍ତମାନ ଏବଂ ଭବିଷ୍ୟତ ଆମ ହାତରେ । ଆମେ ଆମର ଲୋକମାନଙ୍କ ପାଇଁ ଋଣୀ, ଆମର ପୃଥିବୀ ପାଇଁ ଋଣୀ ।
ଆମେ ସମସ୍ତେ ଏକ ନ୍ୟାୟପୂର୍ଣ୍ଣ, ନିରାପଦ ଏବଂ ସୁସ୍ଥ ଦୁନିଆର ଯୋଗ୍ୟ ଅଟୁ । ଆଜିର କାର୍ଯ୍ୟ ଉଚ୍ଚାଭିଳାଷ ଏବଂ ଆଶା ବିଷୟରେ ବୋଲି ସେ କହିଛନ୍ତି। SDG ଗୁଡ଼ିକୁ ହୃଦୟଙ୍ଗମ କରିବା ପାଇଁ ଆମେ ଏକତ୍ର କଣ କରିବା ଉଚିତ ତାହା ବିଷୟରେ ସେ କହିଛନ୍ତି ଯେ, ସ୍ଥାୟୀ ବିକାଶ ଲକ୍ଷ୍ୟ ଉପରେ ବାର୍ଷିକ ମୂଲ୍ୟାଙ୍କନ କରିବାର SDG ମୁହୂର୍ତ୍ତ ହେଉଛି ଏକ ସୁଯୋଗ। ଯେତେବେଳେ ବିଶ୍ୱ ଏକ ଗଭୀର ଜୀବିକା ସଙ୍କଟର ସମ୍ମୁଖୀନ ହୁଏ, ସେତେବେଳେ ଏହା ଘଟୁଛି ।
