ହାଇଦ୍ରାବାଦ: ଜାତୀୟ ପୁରସ୍କାର ବିଜେତା ଅଭିନେତ୍ରୀ କ୍ରିତି ସାନନ୍ ବଲିଉଡ ଜଗତରେ ବହୁତ ପ୍ରସିଦ୍ଧ । ସେ ବ୍ୟାକ୍ ଟୁ ବ୍ୟାକ୍ ଫିଲ୍ମ କରୁଛନ୍ତି । ଜଣେ ଅଭିନେତ୍ରୀ ଭାବରେ ନିଜର ସ୍ବତନ୍ତ୍ର ସ୍ଥାନ ସୃଷ୍ଟି କରିବା ପରେ କ୍ରିତି ସାନନ୍ ବର୍ତ୍ତମାନ ନିର୍ମାତା ଭାବରେ ତାଙ୍କ କ୍ୟାରିୟର ଆରମ୍ଭ କରିବାକୁ ପ୍ରସ୍ତୁତ । କିଛି ସମୟ ପୂର୍ବରୁ, ଅଭିନେତ୍ରୀ ତାଙ୍କ ପ୍ରଶଂସକଙ୍କୁ ଏକ ଖୁସି ଖବର ଦେଇଥିଲେ ଯେ, ବର୍ତ୍ତମାନ ସେ ଜଣେ ନିର୍ମାତା ଭାବରେ ନିଜ କ୍ୟାରିୟର ଆରମ୍ଭ କରିବାକୁ ପ୍ରସ୍ତୁତ ଅଛନ୍ତି । ସେ ତାଙ୍କ 'ବ୍ଲୁ ବଟରଫ୍ଲାଇ ଫିଲ୍ମସ୍' ବ୍ୟାନରରେ ଫିଲ୍ମ 'ଦୋ ପତ୍ତି' ଘୋଷଣା କରିଥିଲେ ଯେଉଁଥିରେ ସେ ଏବଂ କାଜଲ ନଜର ଆସିବେ । ବର୍ତ୍ତମାନ ଏହି ଫିଲ୍ମ ବିଷୟରେ ଏକ ବଡ ଖବର ଆସୁଛି ।
ଫିଲ୍ମରେ ହେଲା ଶାହିର ଶେଖଙ୍କ ଏଣ୍ଟ୍ରି
କାଜଲରେ ଏବଂ କ୍ରିତି ସାନନଙ୍କ ଫିଲ୍ମ 'ଦୋ ପତ୍ତି'ରେ ଶାହିର ଶେଖ ମଧ୍ୟ ସାମିଲ ହୋଇଛନ୍ତି । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେବେ ଚଳଚ୍ଚିତ୍ର ନିର୍ମାତା ଶଶାଙ୍କ ଚତୁର୍ବେଦୀ। ଏକ ସାକ୍ଷାତକାରରେ ଶାହିର ସିକ୍ରେଟ୍-ଥ୍ରୀଲର ଫିଲ୍ମରେ ତାଙ୍କର ଭୂମିକା ନିଶ୍ଚିତ କରିଛନ୍ତି । ସବୁଠାରୁ ଲୋକପ୍ରିୟ ଟିଭି ଅଭିନେତାମାନଙ୍କ ମଧ୍ୟରୁ ଶାହିର ଶେଖ ଅନ୍ୟତମ । ନିକଟରେ ତାଙ୍କୁ ନିର୍ମାତା କାନିକା ଢିଲୋଙ୍କ ଜନ୍ମଦିନ ପାର୍ଟିରେ ଦେଖିବାକୁ ମିଳିଥିଲା, ଯାହା ପରେ ଅଭିନେତା ତାଙ୍କ ଫିଲ୍ମ 'ଦୋ ପତ୍ତି'ର ଅଂଶ ବୋଲି ଗୁଜବ ପ୍ରଚାରିତ ହୋଇଥିଲା । ବର୍ତ୍ତମାନ ଶାହିର ଶେଖ ନିଜେ ଏହା ନିଶ୍ଚିତ କରିଛନ୍ତି।
ଏକ ମିଡିଆ ସଂସ୍ଥା ସହ କଥାବର୍ତ୍ତା କରି ଶାହିର କହିଛନ୍ତି, "ମୋତି ଅନେକ ଶେଡ୍ସ ଥିବା ଚରିତ୍ରକୁ ନିଭାଇବାର ରୋମାଞ୍ଚ ଏବଂ ଆହ୍ବାନ ପସନ୍ଦ । କନିକା ଜଣେ ଉଜ୍ଜ୍ୱଳ କାହାଣୀକାର ଏବଂ ମୁଁ ତାଙ୍କ ଦୃଷ୍ଟିକୋଣକୁ ଜୀବନ୍ତ କରିବାକୁ ଉତ୍ସାହିତ । ଏହିପରି ଲୋକଙ୍କ ସହ କାମ କରିବା ଏକ ଗୌରବର ବିଷୟ । ମୁଁ ଦୁନିଆକୁ ଏହା ଦେଖାଇବା ପାଇଁ ଆଉ ଅପେକ୍ଷା କରିପାରିବି ନାହିଁ କି ଆମେ କ’ଣ ତିଆରି କରୁଛୁ । ଏହା ମଧ୍ୟ କୁହାଯାଉଛି ଯେ ଶାହିର ଏହି ପ୍ରୋଜେକ୍ଟ ପାଇଁ ସୁଟିଂ ଆରମ୍ଭ କରିଛନ୍ତି ।"
ଏହା ମଧ୍ୟ ପଢନ୍ତୁ: କଣ୍ଠଶିଳ୍ପୀ ସୌରିନଙ୍କ ବଢ଼ିଲା ଅଡ଼ୁଆ, NBW ପାଇଁ କୋର୍ଟରେ ଆବେଦନ କରିବ ପୋଲିସ
ଇନ୍ଷ୍ଟାଗ୍ରାମରେ କଲେ ଘୋଷଣା
ଶାହିର ଶେଖ ମଧ୍ୟ ତାଙ୍କ ଅଫିସିଆଲ ଇନ୍ଷ୍ଟାଗ୍ରାମ ହ୍ୟାଣ୍ଡେଲରେ 'ଦୋ ପତ୍ତି'ରେ ନିଜର ଉପସ୍ଥିତି ଘୋଷଣା କରିଛନ୍ତି । ସେ ଲେଖିଛନ୍ତି, 'ଆମ ଇଣ୍ଡଷ୍ଟ୍ରିର ସର୍ବୋତ୍ତମ କାହାଣୀକାର କାନିକାଙ୍କ ସହ ଦୋ ପତ୍ତିରେ କିଛି ଯାଦୁ ସୃଷ୍ଟି କରିବା ।' ସିକ୍ରେଟ୍ ଥ୍ରୀଲର 'ଦୋ ପତ୍ତି' କ୍ରିତି ସାନନ୍, କାନିକା ଢିଲୋ ଏବଂ ନେଟଫ୍ଲିକ୍ସ ଦ୍ୱାରା ନିର୍ମିତ । ଏଥିରେ କ୍ରିତି ସାନନ୍ ଏବଂ କାଜଲ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ଉତ୍ତର ଭାରତର ପାହାଡ଼ିଆ ଅଞ୍ଚଳରେ 'ଦୋ ପତ୍ତି' ସୁଟିଂ କରାଯାଉଛି ।
