ହାଇଦ୍ରାବାଦ: ସାଉଥ୍ ଇଣ୍ଡଷ୍ଟ୍ରିର ଲୋକପ୍ରିୟ ଅଭିନେତା ରବି ତେଜା ତାଙ୍କ କ୍ୟାରିଅରରେ 30 ବର୍ଷରୁ ଅଧିକ ଚଳଚ୍ଚିତ୍ର ଦେଇଛନ୍ତି । ଯାହା ଗୋଟିଏ ପରେ ଗୋଟିଏ ହିଟ୍ ହୋଇଛି । ରବି ତେଜାଙ୍କ ହିଟ୍ ଚଳଚ୍ଚିତ୍ର ହିନ୍ଦୀ ଦର୍ଶକଙ୍କ ମନକୁ ବେଶ ଛୁଇଁଥାଏ । ଏହିପରି ଅଭିନେତାଙ୍କ ଅନେକ ହିନ୍ଦୀ ଫ୍ୟାନ୍ସ ରହିଛନ୍ତି । ତେବେ ବର୍ତ୍ତମାନ ରବି ତେଜାଙ୍କ କ୍ୟାରିଅରରେ ପ୍ରଥମ ଥର ପାଇଁ ତାଙ୍କର ପ୍ରଥମ ପାନ ଇଣ୍ଡିଆ ଫିଲ୍ମ 'ଟାଇଗର ନାଗେଶ୍ୱରା ରାଓ' ମୁକ୍ତିଲାଭ କରିବାକୁ ଯାଉଛି । ଏହି ଚଳଚ୍ଚିତ୍ର ଚଳିତ ବର୍ଷ ମୁକ୍ତିଲାଭ କରିବ । ପୂର୍ବରୁ ଫିଲ୍ମର ପୋଷ୍ଟର ରିଲିଜ ହୋଇଥିବା ବେଳେ ଆଜି ଫିଲ୍ମର ଟିଜର ତେଲୁଗୁ ଏବଂ ହିନ୍ଦୀରେ ମଧ୍ୟ ମୁକ୍ତିଲାଭ କରିଛି ।
- " class="align-text-top noRightClick twitterSection" data="">
ସୋସିଆଲ ମିଡିଆରେ ଫିଲ୍ମର ଟିଜର ରିଲିଜ ହୋଇଛି । ଏଥିରେ ଅନୁପମ୍ ଖେରଙ୍କୁ ମଧ୍ୟ ଏକ ଗୁରୁତ୍ବପୂର୍ଣ୍ଣ ଭୂମିକାରେ ଦେଖିବାକୁ ମିଳିବ । ଫିଲ୍ମରୁ ମୁକ୍ତିଲାଭ କରିଥିବା ଟିଜରରେ କେବଳ ରବି ତେଜାଙ୍କ 'ଟାଇଗର ନାଗେଶ୍ୱର ରାଓ' ଚରିତ୍ରରେ ନଜର ଆସିଛନ୍ତି । ଯାହା ଦମଦାର ରହିଛି । 1.22 ମିନିଟର ଟିଜରରେ ରବି ତେଜାଙ୍କ ଦମଦାର ଆକ୍ସନ କରୁଥିବାର ଝଲକ ଦେଖିବାକୁ ମିଳିଥିବା ବେଳେ ମନୋଜ ଯୋଶୀ ଏବଂ ଅନୁପମ ଖେରଙ୍କ ଭୂମିକାର ଝଲକ ବି ଦେଖିବାକୁ ମିଳୁଛି । ଏହି ଫିଲ୍ମରେ ଅନୁପମ ମୁର୍ଲି ଯୋଶୀ ଭୂମିକାରେ ନଜର ଆସିଛନ୍ତି । ଏହି ଟିଜରକୁ ଫ୍ୟାନ୍ସ ବେଶ ପସନ୍ଦ କରିବା ସହ ପ୍ରତିକ୍ରିୟାରେ ଫିଲ୍ମକୁ ନେଇ ଉତ୍ସାହିତ ଥିବା କହିଛନ୍ତି ।
ଏହା ମଧ୍ୟ ପଢନ୍ତୁ: ଟଲିଉଡକୁ ଫେରିଲେ ଅନୁପମ, ରବି ତେଜାଙ୍କ ସହ ଏହି ଫିଲ୍ମରେ ଆସିବେ ନଜର
ଭାମସି ଫିଲ୍ମ 'ଟାଇଗର ନାଗେଶ୍ୱରା ରାଓ'ର ନିର୍ଦ୍ଦେଶନା ଦେଇଛନ୍ତି । କାଶ୍ମୀର ଫାଇଲ୍ସର ନିର୍ମାତା ଅଭିଷେକ ଅଗ୍ରୱାଲ ନିର୍ମାଣ କରୁଛନ୍ତି । ଏହି ଚଳଚ୍ଚିତ୍ରରେ ବଲିଉଡ୍ର ସବୁଠାରୁ ସୁନ୍ଦର କ୍ରିତି ସାନନଙ୍କ ଭଉଣୀ ନୁପୁର ସାନନ ମୁଖ୍ୟ ଭୂମିକାରେ ନଜର ଆସିବେ । ଏଥି ସହିତ ଜନ୍ ଆବ୍ରାହମଙ୍କୁ ମଧ୍ୟ ଏହି ଫିଲ୍ମରେ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଦେଖିବାକୁ ମିଳିବ ବୋଲି କୁହାଯାଉଛି । ଅଭିନୟ ନୁହଁ ବରଂ ଜନ୍ ଆବ୍ରାହମ ଏହି ଫିଲ୍ମର ହିନ୍ଦୀ ଭର୍ସନରେ ରବି ତେଜାଙ୍କ ପାଇଁ ଭଏସ ଦେଇଛନ୍ତି । ନିକଟରେ ସୋସିଆଲ ମିଡିଆରେ ନିର୍ମାତା ଜନଙ୍କ ସହ ଭଏସ ରେକର୍ଡିଂ କରୁତିବାର ଏକ ଭିଡିଓ ସେୟାର କରିଥିଲେ। ଯେଉଁଥିରେ ଜନ ଭଏସ୍ ଦେବା ସହ ଫିଲ୍ମର ପୁରା ଟିମକୁ ଶୁଭକାମନା ଜଣାଇଥିଲେ । ତେବେ ଅନୁପମ ଖେର ଏହି ଫିଲ୍ମ ସହ ସାଉଥରେ ଡେବ୍ୟୁ କରିବାକୁ ଯାଉଛନ୍ତି । ଚଳିତ ବର୍ଷ ଅକ୍ଟୋବର 20ରେ ତାମିଲ, ତେଲୁଗୁ, କନ୍ନଡ, ମାଲାୟାଲମ୍ ଏବଂ ହିନ୍ଦୀ ଭାଷାରେ ଏହି ଫିଲ୍ମ ରିଲିଜ ହେବାକୁ ଯାଉଛି ।
