ହାଇଦ୍ରାବାଦ: ଆଗାମୀ ସିରିଜ୍ ସିଟାଡେଲର ପ୍ରମୋସନାଲରେ ବ୍ୟସ୍ତ ଥିବା ଗ୍ଲୋବାଲ ତାରକା ପ୍ରିୟଙ୍କା ଚୋପ୍ରା ଜୋନସ ଝିଅ ମାଲତୀ ମେରିଙ୍କ ସହ ପ୍ରଥମ ଥର ଭାରତ ଆସିଛନ୍ତି । ଏହି ସମୟରେ ଗୁରୁବାର ପ୍ରିୟଙ୍କା ଚୋପ୍ରା ଝିଅ ସହ ମୁମ୍ବାଇ ସ୍ଥିତ ସିଦ୍ଧିବିନାୟକ ମନ୍ଦିର ପରିଦର୍ଶନ କରି ଭଗବାନ ଗଣେଶଙ୍କ ଆଶୀର୍ବାଦ ନେଇଛନ୍ତି । ମନ୍ଦିର ପରିଦର୍ଶନର ଫଟୋ ଅଭିନେତ୍ରୀ ସୋସିଆଲ ମିଡିଆରେ ସେୟାର କରିଥିଲେ । ଫଟୋ ସେୟାର କରିବାର କିଛି ସମୟ ପରେ କିଛି ଫ୍ୟାନ୍ସ ପ୍ରିୟଙ୍କାଙ୍କୁ ଦିଆଯାଇଥିବା ସୁବିଧାକୁ ନେଇ ମନ୍ଦିର କର୍ତ୍ତୃପକ୍ଷଙ୍କ ଉପରେ ଅସନ୍ତୋଷ ଥିବା ଦେଖିବାକୁ ମିଳିଛି ।
- " class="align-text-top noRightClick twitterSection" data="
">
ପ୍ରିୟଙ୍କା ନିଜ ଇନଷ୍ଟାଗ୍ରାମରେ ମନ୍ଦିର ଦର୍ଶନର ଫଟୋ ସେୟାର କରି କ୍ୟାପସନରେ ଲେଖିଛନ୍ତି ଯେ ଭଗବାନ ସିଦ୍ଧିବିନାୟକଙ୍କ ଆଶୀର୍ବାଦରେ ତାଙ୍କ ଝିଅ ମାଲତୀ ମେରୀଙ୍କ ପ୍ରଥମ ଭାରତ ଗସ୍ତ ସମ୍ପୂର୍ଣ୍ଣ ହୋଇଛି । ହନୁମାନ ଜୟନ୍ତୀ ଏବଂ ଗଣପତି ବାପା ମୋରିୟା । ତେବେ ଉଭୟଙ୍କ ସିଦ୍ଧବିନାୟକ ଗସ୍ତର ଫଟୋ ଏବଂ ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ଏହି ପୋଷ୍ଟଟି ପ୍ରିୟଙ୍କାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲରେ 2 ମିଲିୟନରୁ ଅଧିକ ଲାଇକ୍ ପାଇଥିବାବେଳେ କିଛି ଫ୍ୟାନ୍ସ ପ୍ରତିକ୍ରିୟା ଦେଇଥିବା ଦେଖିବାକୁ ମିଳିଛି । ଅନେକ ଫ୍ୟାନ୍ସ ଅଭିନେତ୍ରୀଙ୍କୁ ଦିଆଯାଇଥିବା ସୁବିଧା ନେଇ ଅସନ୍ତୋଷ ପ୍ରକାଶ କରିଛନ୍ତି ।
ଅନେକ ଫ୍ୟାନ୍ସ ତାଙ୍କ ଝିଅକୁ ପ୍ରିୟଙ୍କା ଭାରତୀୟ ସଂସ୍କୃତିର ପରିଚୟ ଦେଇଥିବାରୁ ଅଭିନେତ୍ରୀଙ୍କ ପ୍ରଶଂସା କରୁଥିବା ଦେଖିବାକୁ ମିଳିଛି । ତେବେ ଅନ୍ୟପକ୍ଷରେ ଆଉ କିଛି ଫ୍ୟାନ୍ସ ଅଭିନେତ୍ରୀଙ୍କ ଉପରେ ନୁହେଁ ବରଂ ମନ୍ଦିର କର୍ତ୍ତୃପକ୍ଷଙ୍କ ଉପରେ ଅସନ୍ତୋଷ ପ୍ରକାଶ କରିଛନ୍ତି । ଜଣେ ଫ୍ୟାନ୍ସ କହିଛନ୍ତି, "ସେମାନେ ଆମକୁ ଫଟୋ ଉଠାଇବାକୁ ଅନୁମତି ଦିଅନ୍ତି ନାହିଁ । ସେ କିପରି ଫଟୋ ନେଇଥିଲେ ?" ସେହିପରି ଅନ୍ୟଜଣେ କହିଛନ୍ତି, "ବାପ୍ପାଙ୍କ ଆଶୀର୍ବାଦ ଆପଣଙ୍କ ସମସ୍ତଙ୍କ ସହ ରହୁ କିନ୍ତୁ ସାଧାରଣ ଲୋକମାନେ ମଧ୍ୟ ଶାନ୍ତିପୂର୍ଣ୍ଣ ଦର୍ଶନ ପାଇବାକୁ ଯୋଗ୍ୟ ଅଟନ୍ତି। " ଏହି ସମୟରେ, ପ୍ରିୟଙ୍କାଙ୍କ ସପକ୍ଷରେ ଜଣେ ଫ୍ୟାନ୍ସ ଲେଖିଛନ୍ତି ଯେ ଏହା ପ୍ରଥମ ଥର ପାଇଁ ଘଟୁନାହିଁ, କାହିଁକି ପ୍ରିୟଙ୍କାଙ୍କୁ ଟାର୍ଗେଟ କରୁଛନ୍ତି ?
ପ୍ରିୟଙ୍କାଙ୍କ ୱାର୍କ ଫ୍ରଣ୍ଟ କଥା କହିବାକୁ ଗଲେ, ଆଗାମୀ ଆକ୍ସନ୍ ଥ୍ରୀଲର ସିରିଜ ସିଟାଡେଲରେ ନଜର ଆସିବାକୁ ଯାଉଛନ୍ତି ଅଭିନେତ୍ରୀ ପ୍ରିୟଙ୍କା । ସର୍ବଭାରତୀୟ ସିରିଜର ପ୍ରଥମ ସିଜନରେ 6ଟି ଏପିସୋଡ୍ ରହିଛି । ଯେଉଁଥିରେ ଏପ୍ରିଲ୍ 28ରେ ପ୍ରାଇମ୍ ଭିଡିଓରେ ଦୁଇଟି ଏପିସୋଡ୍ ରିଲିଜ୍ ହୋଇଛି । ଏବଂ ତା ପରଠାରୁ ଗୋଟିଏ ଏପିସୋଡ୍ ମେ 26 ପର୍ଯ୍ୟନ୍ତ ସାପ୍ତାହିକ ରିଲିଜ୍ ହେବ । ସେହିପରି ଅଭିନେତା ଜନ୍ ସିନା ଏବଂ ଇଡ୍ରିସ୍ ଅଲବାଙ୍କ ସହ ତାଙ୍କର ଆଗାମୀ ଫିଲ୍ମରେ ନଜର ଆସିବେ ପ୍ରିୟଙ୍କା । ଆମାଜନ୍ ଷ୍ଟୁଡିଓର ଆକ୍ସନ୍ ଫିଲ୍ମ ହେଡସ୍ ଅଫ୍ ଷ୍ଟେଟରେ ଦୁଇଜଣଙ୍କ ସହ ପ୍ରିୟଙ୍କାଙ୍କୁ ସ୍କ୍ରିନ୍ ସେୟାର୍ କରୁଥିବା ଦେଖିବାକୁ ମିଳିବ । ଏହି ଫିଲ୍ମକୁ ଲ୍ୟାୟା ନାଇସୁଲାର ନିର୍ଦ୍ଦେଶନା ଦେବେ।
