ହାଇଦ୍ରାବାଦ: ନେଟଫ୍ଲିକ୍ସ ସିରିଜ୍ ଦ ଫାବୁଲୁସ୍ ଲାଇଭ୍ ଅଫ୍ ବଲିଉଡ୍ ୱିଭସ୍ ସିଜନ୍ 2 ର (Fabulous Lives Of Bollywood Wives Trailer Release) ଟ୍ରେଲର ମୁକ୍ତିଲାଭ କରିଛି । ଏହି ସିରିଜ୍ କରଣ ଜୋହର ଏବଂ ଅପୂର୍ବା ମେହେଟ୍ଟା ଦ୍ୱାରା ନିର୍ମିତ । ଏହି ଧାରାବାହିକ ବଲିଉଡ ସେଲିବ୍ରିଟିମାନଙ୍କ ବ୍ୟକ୍ତିଗତ ଜୀବନ ସହିତ ଜଡିତ । ଏହି ସିରିଜର ମୁଖ୍ୟ ଷ୍ଟାରକାଷ୍ଟ ହେଉଛନ୍ତି ବଲିଉଡ ଅଭିନେତା ଚଙ୍କି ପାଣ୍ଡେଙ୍କ ପତ୍ନୀ ଭବନା ପାଣ୍ଡେ, ସଞ୍ଜୟ କପୁରଙ୍କ ପତ୍ନୀ ମହିପ କପୁର, ଅଭିନେତା ସମୀର ସୋନିଙ୍କ ପତ୍ନୀ ନୀଲମ କୋଠାରୀ ଏବଂ ସୋହେଲ ଖାନ୍ଙ୍କ ପୂର୍ବତନ ପତ୍ନୀ ସୀମା ସଜଦେହ।
- " class="align-text-top noRightClick twitterSection" data="">
ଟ୍ରେଲରର ଆରମ୍ଭ ଚଙ୍କି ପାଣ୍ଡେଙ୍କ ପତ୍ନୀ ଭବନା ପାଣ୍ଡେଙ୍କଠାରୁ ହୋଇଛି ଏବଂ ପରବର୍ତ୍ତୀ ମୁହୂର୍ତ୍ତରେ ଚାରି ଜଣ ସାଇକେଲ ଚଳାଉଥିବାର ନଜର ଆସିବେ । ଟ୍ରେଲରରେ ଜ୍ୟାକି ଶ୍ରଫ, ଚଙ୍କି ପାଣ୍ଡେ, ସଞ୍ଜୟ କପୁର, ସମୀର ସୋନି ଏବଂ ଶାହରୁଖ ଖାନଙ୍କ ପତ୍ନୀ ଗୌରୀ ଖାନ ମଧ୍ୟ ନଜର ଆସିଛନ୍ତି ।
ଏହି ଷ୍ଟୋରୀରେ, ବଲିଉଡ ପତ୍ନୀଙ୍କ ଜୀବନରେ 4ଟି ନୂଆ କ୍ରସ୍ଙ୍କ ଏଣ୍ଟ୍ରି ହେଉଛି, ଯେଉଁଥିରେ ରାପ୍ ବାଦଶାହ ଅର୍ଜୁନ କପୁର, ଜ୍ୟାକି ଶ୍ରଫ, ବବି ଦେଓଲ ଅଛନ୍ତି । ଏହା ବ୍ୟତୀତ ଚଳଚ୍ଚିତ୍ର ନିର୍ମାତା ଜୋୟା ଅଖତର ଏବଂ ଅଭିନେତ୍ରୀ ଅନନ୍ୟା ପାଣ୍ଡେ ମଧ୍ୟ ଏହି ଶୋ’ରେ ନଜର ଆସିଛନ୍ତି। କରଣ ଜୋହର ଏହି ପୁରା କାହାଣୀ ଉପରେ ଆଲୋଚନା କରୁଛନ୍ତି । ଏହି ସିରିଜ୍ 2 ସେପ୍ଟେମ୍ବରରେ OTT ପ୍ଲାଟଫର୍ମ ନେଟଫ୍ଲିକ୍ସରେ ମୁକ୍ତିଲାଭ କରୁଛି। ସିରିଜର ପ୍ରଥମ ସିଜନ୍ 2020ରେ ମୁକ୍ତିଲାଭ କରିଥିଲା ।
