ହାଇଦ୍ରାବାଦ: ବଲିଉଡର ଚର୍ଚ୍ଚିତ ଅଭିନେତ୍ରୀ ଶିଳ୍ପା ଶେଟ୍ଟୀଙ୍କ ଭଉଣୀ ଶମିତା ଶେଟ୍ଟୀ ସୋସିଆଲ ମିଡିଆରେ ବୟଫ୍ରେଣ୍ଡ ରାକେଶ ବାପତଙ୍କ ସହ ବ୍ରେକଅପ୍ ଘୋଷଣା କରିସାରିଛନ୍ତି । ବ୍ରେକଅପ୍ ପରେ ବର୍ତ୍ତମାନ ଏହି ଚର୍ଚ୍ଚିତ ଲଭବାର୍ଡଙ୍କ ଏକ ନୂଆ ଗୀତ 'ତେରେ ଭିଚ୍ ରବ୍ ଡିସଦା' (Tere Vich Rab Disda) ରିଲିଜ୍ ହୋଇଛି ।
- " class="align-text-top noRightClick twitterSection" data="">
ବ୍ରେକଅପ୍ ପରେ ଶମିତା ଶେଟ୍ଟୀ ଏବଂ ରାକେଶ ବାପତ୍ଙ୍କୁ ପ୍ରଥମ ଥର ଭିଡିଓ ଆଲବମ୍ 'ତେରେ ଭିଚ୍ ରବ୍ ଡିସଦା'ରେ ଦେଖିବାକୁ ମିଳିଛି । ଏହାପୂର୍ବରୁ ଶମିତା ଶେଟ୍ଟୀ ଏହି ଗୀତର ଏକ ପ୍ରୋମୋ ସେୟାର କରି କହିଥିଲେ, 'ଆମେ ଆପଣଙ୍କ ହୃଦୟକୁ ଭଲପାଇବାର ସହିତ କବଜା କରିବାକୁ ଆସୁଛୁ, ଏହି ଗୀତଟି ଅଗଷ୍ଟ 5 ରେ ମୁକ୍ତିଲାଭ କରୁଛି ।
ଶମିତା ଏବଂ ରାକେଶ ନିଜ ନିଜ ଇନଷ୍ଟା ଷ୍ଟୋରୀରେ ଏକ ନୋଟ୍ ସେୟାର କରି ସେମାନଙ୍କର ବ୍ରେକଅପ୍ ଘୋଷଣା କରିଥିଲେ । ଉଭୟଙ୍କ ବ୍ରେକଅପ୍ ଘୋଷଣା ପରେ ସୋସିଆଲ ମିଡିଆରେ ହଇଚଇ ସୃଷ୍ଟି ହୋଇଥିଲା ଏବଂ ପ୍ରଶଂସକମାନେ ଏହାର କାରଣ ପଚାରିଥିଲେ। ଏଥିସହିତ ଉଭୟେ ପରୋକ୍ଷରେ ନିଜ ନୋଟରେ ଏହା ପ୍ରକାଶ କରିଥିଲେ। ବିଗ୍ ବସ୍ ସମୟରେ ଉଭୟ ଖୋଲାଖୋଲି ଭାବେ ପରସ୍ପର ପ୍ରତି ଥିବା ଭଲପାଇବାକୁ ପ୍ରକାଶ କରିଥିଲେ ।
ସୋ' ପରେ ମଧ୍ୟ ଉଭୟଙ୍କୁ ଅନେକ ଇଭେଣ୍ଟ ଏବଂ ପାର୍ଟିରେ ଏକାଠି ଦେଖିବାକୁ ମିଳିଥିଲା । ମାତ୍ର 1 ବର୍ଷ ପରେ ଦୁହିଁଙ୍କ ମଧ୍ୟରେ ମତଭେଦ ଆରମ୍ଭ ହେଲା ଏବଂ ସମ୍ପର୍କ ଶେଷ ହେଲା । ଏନେଇ ଶମିତା ତାଙ୍କ ଇନଷ୍ଟା ଷ୍ଟୋରୀରେ ଲେଖିଥିଲେ, 'ମୁଁ ଭାବୁଛି ଏହାକୁ କ୍ଲିଅର କରିବା ଆବଶ୍ୟକ… ରାକେଶ ଏବଂ ମୁଁ ବର୍ତ୍ତମାନ ଏକାଠି ନାହୁଁ… ଏବଂ ଗତ କିଛି ଦିନରୁ ଆମେ ଏକାଠି ନାହୁଁ କିନ୍ତୁ ଏହି ମ୍ୟୁଜିକ୍ ଭିଡିଓ ସମସ୍ତ ପ୍ରଶଂସକଙ୍କ ପାଇଁ, ଯେଉଁମାନେ ଆମକୁ ଏତେ ଭଲପାଇବା ଏବଂ ସମର୍ଥନ ଦେଇଥିଲେ । ଆମ ଉପରେ ଆପଣଙ୍କ ଭଲପାଇବା ଏମିତି ରହୁ । ତାହା ହେଉଛି ସକରାତ୍ମକତା । ଆପଣ ସମସ୍ତଙ୍କୁ ଭଲପାଇବା ଏବଂ କୃତଜ୍ଞତା ।'
ଉଲ୍ଲେଖନୀୟ ଯେ, ପୂର୍ବରୁ ଏହି ଗୀତ ଅଗଷ୍ଟ 2 ରେ ମୁକ୍ତିଲାଭ କରିବାର ଥିଲା, କିନ୍ତୁ ହୋଇ ନଥିଲା । ଏହି ଗୀତଟି ରଚନା ଏବଂ ସଚ୍ଚେତ-ପରମ୍ପରା କମ୍ପୋଜ କରିଛନ୍ତି । ଏହି ଗୀତର ଲିରିକ୍ସ ପ୍ରସିଦ୍ଧ ଗୀତିକାର ମନୋଜ ମୁନ୍ତାଶିର ଲେଖିଛନ୍ତି । ବର୍ତ୍ତମାନ ଦେଖିବାକୁ ବାକି ରହିଲା, ଭିଡିଓ ଆଲବମ୍ର ଲୋକପ୍ରିୟତା ପାଇଁ ଏହି ଦମ୍ପତି ଏହା କରିଛନ୍ତି ନା ଦୁହେଁ ଅଲଗା ହୋଇଯାଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
