ମୁମ୍ବାଇ: କଙ୍ଗନା ରାଣାୱତ ଷ୍ଟାରର ଫିଲ୍ମ ‘ ତେଜସ୍’ ସିନେମା ହଲରେ କିଛି ଖାସ ପ୍ରଦର୍ଶନ କରିପାରି ନାହିଁ । ଦର୍ଶକ ଓ କ୍ରିଟିସ୍ସଙ୍କଠାରୁ ଏହି ଫିଲ୍ମ କିଛି ଖାସ୍ ରେସପନ୍ସ ପାଇ ପାରି ନାହିଁ । 30 ଅକ୍ଟୋବରରେ ‘ତେଜସ୍’ ଫିଲ୍ମର କଲେକ୍ସନ୍ ଗ୍ରାଫ୍ ବହୁତ ତଳକୁ ଖସିଯାଇଛି । ତେବେ ଫିଲ୍ମ 30 ତାରିଖରେ ମାତ୍ର 50 ଲକ୍ଷ କଲେକ୍ସନ୍ କରିପରିଛି । କଙ୍ଗନାଙ୍କ ଫିଲ୍ମ ତେଜସକୁ ପଛରେ ପକାଇଛି ବିକ୍ରାନ୍ତଙ୍କ ଫିଲ୍ମ ‘12th ଫେଲ୍’ ।
ସବେଶ ମେବାଡାଙ୍କ ନିର୍ଦ୍ଦେଶିତ ଫିଲ୍ମ ‘ତେଜସ୍’ 27 ଅକ୍ଟୋବରରେ ସିନେମା ହଲ୍ରେ ରିଲିଜ ହୋଇଥିଲା । ଯାହା ପରେ ବକ୍ସ ଅଫିସ୍ରେ ଫିଲ୍ମର ଖରାପ ପ୍ରଦର୍ଶନ ଜାରି ରହିଛି । ଫିଲ୍ମର ମୋଟ ବକ୍ସ ଅଫିସ୍ କଲେକ୍ସନ ହେଉଛି 4.25 କୋଟି ଟଙ୍କା । ଗଣମାଧ୍ୟମ ରିପୋର୍ଟ ଅନୁଯାୟୀ, ଏହି ଚଳଚ୍ଚିତ୍ରଟି ପଞ୍ଚମ ଦିନରେ ଅର୍ଥାତ୍ 31 ଅକ୍ଟୋବରରେ 0.56 କୋଟି ଟଙ୍କା ରୋଜଗାର କରିପାରେ ।
ଫିଲ୍ମରେ କଙ୍ଗନା ବାୟୁସେନା ପାଇଲଟ ଭୂମିକାରେ ନଜର ଆସିଛନ୍ତି । ତେବେ ଫିଲ୍ମକୁ ନେଇ ଲୋକେ ସୋସିଆଲ ମିଡିଆରେ ପ୍ରତିକ୍ରିୟା ଦେଇଛନ୍ତି । ଦେଶଭକ୍ତି ଭରା ଏହି ଫିଲ୍ମର ଆକ୍ସନ୍ ଅନେକ ଜଣଙ୍କୁ ପସନ୍ଦ ଆସିଥିବା ବେଳେ ଅନେକ ଏହାର ଆକ୍ସନ୍ ଓ vfx ନିମ୍ନମାନର ବୋଲି କମେଣ୍ଟ କରିଛନ୍ତି । କଙ୍ଗନା ଏହି ଚଳଚ୍ଚିତ୍ରରେ ମୁଖ୍ୟ ଭୂମିକାରେ ଅଭିନୟ କରିଛନ୍ତି, ତାଙ୍କ ବ୍ୟତୀତ ଅନସୁଲ ଚୌହ୍ବାନ, ବରୁଣ ମିତ୍ର, ଆଶିଷ ବିଦାର୍ଥୀ, ବିଶାକ ନାୟାର, କାଶ୍ୟପ ଶାନଗରୀ, ସୁନୀତ ଟଣ୍ଡନ୍, ରିଓ କାପାଡିଆ, ମୋହନ ଆଗାଶେ ଏବଂ ମୁସ୍ତାକ୍ କାକ ମଧ୍ୟ ଗୁରିତ୍ବପୂର୍ଣ୍ଣ ଭୂମିକାରେ ନଜର ଆସିଛନ୍ତି ।
ବିକ୍ରାନ୍ତ ମେସିଙ୍କ ଷ୍ଟାରର '12th ଫେଲ୍' ଫିଲ୍ମ ବିଷୟରେ କହିଲେ ଅକ୍ଟୋବର 27ରେ କଙ୍ଗନା ରାଣାୱତଙ୍କ ଫିଲ୍ମ 'ତେଜସ୍' ସହିତ ଏହି ଫିଲ୍ମ ରିଲିଜ ହୋଇଥିଲା । ଫିଲ୍ମଟି ତେଜସ୍ ଅପେକ୍ଷା ବେଶ ଭଲ ପ୍ରଦର୍ଶନ କରୁଛି । ଏହି ଚଳଚ୍ଚିତ୍ରଟି ଚତୁର୍ଥ ଦିନରେ ପ୍ରାୟ 1.20 କୋଟି ଟଙ୍କା କଲେକ୍ସନ କରିଛି । ଫିଲ୍ମର ମୋଟ ବକ୍ସ ଅଫିସ କଲେକ୍ସନ 9.59 କୋଟି ରହିଛି । ‘12th ଫେଲ୍’ ଅନୁରାଗ ପାଠକଙ୍କ ଉପନ୍ୟାସ ଉପରେ ଆଧାରିତ । ଯେଉଁଥିରେ ଆଇପିଏସ୍ ଅଧିକାରୀ ମନୋଜ କୁମାର ଶର୍ମା ଏବଂ ଆଇଆରଏସ୍ ଅଧିକାରୀ ଶ୍ରଦ୍ଧା ଯୋଶୀଙ୍କ ଜୀବନ ଉପରେ ଆଧାରିତ । ଏହି ଫଲ୍ମରେ ବିକ୍ରାନ୍ତ ମେସି ମୁଖ୍ୟ ଭୂମିକାରେ ନଜର ଆସିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
