ହାଇଦ୍ରାବାଦ: ନିକଟରେ ବଲିଉଡ ଲଭବାର୍ଡ ତମନ୍ନା ଭାଟିଆ ଏବଂ ବିଜୟ ଭର୍ମା ପରସ୍ପରକୁ ଡେଟିଂ କରୁଥିବା ନେଇ ଘୋଷଣା କରିଥିଲେ । ଏହି ଯୋଡି ଲଷ୍ଟ ଷ୍ଟୋରୀ 2ରେ ଡେବ୍ୟୁ କରିବାକୁ ଯାଉଛନ୍ତି । ଫିଲ୍ମ ପାଇଁ ଉଭୟ ବର୍ତ୍ତମାନ ପ୍ରମୋସନ କରିବାରେ ବ୍ୟସ୍ତ ଅଛନ୍ତି । ଏହାରି ମଧ୍ୟରେ ମଙ୍ଗଳବାର ଦିନ ବିଜୟ ଏବଂ ତମନ୍ନା 'ଲଷ୍ଟ ଷ୍ଟୋରୀ 2'ର ସ୍କ୍ରିନିଂରେ ଏକାଠି ନଜର ଆସିଥିଲେ । ଉଭୟ ଏକାଠି ପୋଜ ମଧ୍ୟ ଦେଉଥିବା ଦେଖିବାକୁ ମିଳିଛି । ଉଭୟଙ୍କ ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି ।
ମୁମ୍ବାଇରେ ଆୟୋଜିତ 'ଲଷ୍ଟ ଷ୍ଟୋରୀ 2' ପ୍ରିମିୟର କାର୍ଯ୍ୟକ୍ରମରେ ତମନ୍ନ ଏବଂ ବି଼ଜୟ ଏକାଠି ପହଞ୍ଚିଥିଲେ । ପ୍ୟାପଙ୍କ ସାମ୍ନାରେ ଏକାଠି ପୋଜ ଦେଇଥିଲେ । ଏହି ସମୟରେ ତମନ୍ନା ବ୍ଲାକ ଏବଂ ହ୍ବାଇଟ ରଙ୍ଗର ଏକ ସର୍ଟ୍ସରେ ନଜର ଆସିଥିବା ବେଳେ ବିଜୟ ଏକ ବ୍ଲାକ ଆଉଟଫିଟରେ ଖୁବ ସୁନ୍ଦର ଲାଗୁଛନ୍ତି । ତେବେ ଏହି କାର୍ଯ୍ୟକ୍ରମରେ ମୃଣାଲ୍ ଠାକୁର, ଅଙ୍ଗଦ ବେଦୀ, କନକୋନା ସେନ୍ ଶର୍ମା ଏବଂ ତିଲୋତ୍ତମା ଶୋମ ଏବଂ ଅନେକ ନେଟଫ୍ଲିକ୍ସ ଆନ୍ଥୋଲୋଜିର କାଷ୍ଟ୍ ଷ୍ଟାଇଲିସ୍ ଲୁକରେ ନଜର ଆସିଥିଲେ । ଲଷ୍ଟ ଷ୍ଟୋରୀ 2 ଷ୍ଟାର କାଷ୍ଟର ଅନେକ ଫଟୋ ଏବଂ ଭିଡିଓ ଏବେ ବେଶ ଭାଇରାଲ ହେଉଛି ।
ସୁଜୟ ଘୋଷଙ୍କ ନିର୍ଦ୍ଦେଶିତ ସେଗମେଣ୍ଟ 'ଲଷ୍ଟ ଷ୍ଟୋରୀ 2' ରେ କାମ କରୁଥିବାବେଳେ ତମନ୍ନ ଏବଂ ବିଜୟ ପରସ୍ପରକୁ ଡେଟିଂ କରିବା ଆରମ୍ଭ କଲେ । ବିଜୟ ଏବଂ ତମନ୍ନା ଗୋଆରେ ନୂଆ ବର୍ଷ ପାର୍ଟିରେ କିସ କରୁଥିବା ଭିଡିଓ ଭାଇରାଲ ହୋଇଥିଲା । ତାପରେ ଉଭୟଙ୍କ ସମ୍ପର୍କକୁ ନେଇ ଚର୍ଚ୍ଚା ଜୋର ଧରିଥିଲା । ଏହା ପରେ ମଧ୍ୟ ଉଭୟଙ୍କୁ କିଛି ଫିଲ୍ମ ଏବଂ ଡିନର ଡେଟରେ ନଜର ଆସିଥିଲେ । ତେବେ ବର୍ତ୍ତମାନ ଏହି କପଲ ନିଜ ସମ୍ପର୍କକୁ ସ୍ବୀକାର କରିଛନ୍ତି । ସବୁଠାରୁ ବଡ କଥା ହେଲା, 17 ବର୍ଷରୁ ଅଧିକ ସମୟ ଧରି ତମନ୍ନା କିସ କରିବା ଚୁକ୍ତିନାମାକୁ 'ଲଷ୍ଟ ଷ୍ଟୋରୀ 2' ପାଇଁ ଭାଙ୍ଗିଥିଲେ ଅଭିନେତ୍ରୀ । ଏନେଇ ଯେତେବେଳେ ସେ ବିଜୟଙ୍କୁ କହିଥିଲେ ଯେ ସେ ତାଙ୍କର ପ୍ରଥମ ଅନ୍-ସ୍କ୍ରିନ୍ କିସ କରିବାକୁ ଯାଉଛନ୍ତି, ମିର୍ଜାପୁର ଅଭିନେତାଙ୍କ ପ୍ରତିକ୍ରିୟା ଦେଇ ନମ୍ର ଭାବେ "ଧନ୍ୟବାଦ" ଜଣାଇଥିଲେ।
ଏହା ମଧ୍ୟ ପଢନ୍ତୁ: ମୁଭି ଡେଟ୍ ନାଇଟରେ ସ୍ପଟ୍ ହେଲେ ଲଭବାର୍ଡ ବିଜୟ-ତମନ୍ନା, ଭିଡିଓ ଭାଇରାଲ
ସୂଚନା ଥାଉ କି, ଲଷ୍ଟ ଷ୍ଟୋରୀ ୨ ରେ କାଜୋଲ, ଅମୃତା ସୁଭାଷ, ନୀନା ଗୁପ୍ତା ଏବଂ କୁମୁଦ ମିଶ୍ର ମଧ୍ୟ ନଜର ଆସିବେ । ଏହି ସିରିଜ ଜୁନ୍ 29 ରୁ ନେଟଫ୍ଲିକ୍ସରେ ଷ୍ଟ୍ରିମିଂ ହେବ ।
