ମୁମ୍ବାଇ: ବଲିଉଡ ଅଭିନେତ୍ରୀ ସ୍ୱରା ଭାସ୍କର ଏବଂ ସମାଜବାଦୀ ପାର୍ଟି ନେତା ଫହାଦ୍ ଫାସିଲ ଗତବର୍ଷ ବିବାହ କରିଥିଲେ । ଖୁବଶୀଘ୍ର ସ୍ବରା ମା' ହେବାକୁ ଯାଉଥିବା ବେଳେ ସେ ଏବେ ନିଜ ଗର୍ଭଧାରଣ ସମୟକୁ ବେଶ ଉପଭୋଗ କରୁଛନ୍ତି । ପୂର୍ବରୁ ବେବି ବମ୍ପ ଲୁକର ଅନେକ ଫଟୋ ସେୟାର କରିଛନ୍ତି ସ୍ବରା । ଏହାରି ମଧ୍ୟରେ ବର୍ତ୍ତମାନ ସ୍ବରାଙ୍କୁ ତାଙ୍କ ସାଙ୍ଗମାନେ ଏକ ସରପ୍ରାଇଜ ଦେଇଛନ୍ତି । ଯାହା ପାଇଁ ସେ ବେଶ ଇମୋସନାଲ ହୋଇଛନ୍ତି । ସ୍ୱରା ଏହି ଭିଡିଓକୁ ତାଙ୍କ ସୋସିଆଲ ମିଡିଆରେ ସେୟାର କରି ଏକ ସୁନ୍ଦର ନୋଟ୍ ଲେଖିଛନ୍ତି ।
ସ୍ୱରାଙ୍କୁ ତାଙ୍କ ପୁରୁଣା ସାଙ୍ଗମାନେ ତାଙ୍କ ଗୋଦ ଭରାଇ ପ୍ଲାନ କରି ସରପ୍ରାଇଜ ଦେଇଛନ୍ତି । ଏହି ମୁହୂର୍ତ୍ତର ଭିଡିଓକୁ ସ୍ବରା ନିଜ ଇନଷ୍ଟାଗ୍ରାମରେ ସେୟାର କରି କ୍ୟାପସନରେ ଲେଖିଛନ୍ତି, 'ମୁଁ ସରପ୍ରାଇଜକୁ ବେଶ ଭଲପାଏ, ମୋର ପୁରାତନ ସାଙ୍ଗମାନଙ୍କ ମଧ୍ୟରେ ଜଣେ ସମର ନାରାୟଣ ଏବଂ ଫହାଦ୍ ମୋତେ ନଜଣାଇ ମୋ ଗୋଦ ଭରାଇର ପ୍ଲାନ କରିଥିଲେ । ଏହାକୁ କାର୍ଯ୍ୟକାରୀ କରିବାରେ ସଫଳ ହୋଇଥିଲେ । ମୁଁ କିଛି ଜାଣି ନଥିଲି, ମୁଁ ପାଇଜାମା ପିନ୍ଧି ଆସିଥିଲି । ବହୁତ ଭଲ ସରପ୍ରାଇଜ ଦେଇଛନ୍ତି । ସମର ଏବଂ ଲକ୍ଷିତାଙ୍କୁ ଏହି ଯୋଜନା ବିଷୟରେ ଭାବି ଏହାକୁ ସମ୍ପୂର୍ଣ୍ଣ କରିଥିବାରୁ ଧନ୍ୟବାଦ । ମୋର ଭବିଷ୍ୟତ ସନ୍ତାନ ଏପରି ଭାଗ୍ୟଶାଳୀ ଏବଂ ଭଲ ଲୋକମାନଙ୍କ ଦ୍ୱାରା ପାଖରେ ରହିଥିବାରୁ ବହୁତ ଭାଗ୍ୟବାନ । ସମସ୍ତଙ୍କୁ ବହୁତ ବହୁତ ଧନ୍ୟବାଦ ।
ସୂଚନା ଥାଉ କି, ଚଳିତ ବର୍ଷ 2023ରେ, ତନୁ ୱେଡସ୍ ମନୁ ଫେମ ଅଭିନେତ୍ରୀ ସ୍ବରା ଭାସ୍କର ସମାଜବାଦୀ ପାର୍ଟି ନେତା ଫହାଦ୍ ଫାସିଲଙ୍କୁ ବିବାହ କରିଥିଲେ । ଜାନୁଆରୀ 6 ତାରିଖରେ ସ୍ୱରା ଏବଂ ଫହାଦ୍ ପ୍ରଥମେ କୋର୍ଟ ମ୍ୟାରେଜ କରିଥିଲେ ଏବଂ ଏହା ପରେ ଫେବୃୟାରୀରେ ଉଭୟ ହିନ୍ଦୁ ଏବଂ ମୁସଲମାନ ରୀତିନୀତି ସହ ବିବାହ କରିଥିଲେ । ସ୍ୱରା ତାଙ୍କ ମେହେନ୍ଦୀ, ସଂଗୀତ ଏବଂ ହଲଦୀ ପରେ ବିବାହ ରିସେପ୍ସନର ଫଟୋ ସେୟାର କରିଥିଲେ ।
ଏହା ମଧ୍ୟ ପଢନ୍ତୁ: ଖୁବଶୀଘ୍ର ସ୍ବରାଙ୍କ ଘରକୁ ଆସିବେ ନୂଆ ଅତିଥି, ବେବି ବମ୍ପ ଦେଖାଇଲେ ଅଭିନେତ୍ରୀ
ବିବାହର 5 ମାସ ପରେ ସେ ଗର୍ଭବତୀ ଥିବା ସୂଚନା ଦେଇଥିଲେ । ସୋସିଆଲ ମିଡିଆରେ ବେବି ବମ୍ପ ଲୁକର ଫଟୋ ସେୟାର କରି ଏହି ସୂଚନା ଦେଇଥିଲେ । ସ୍ୱରା ଭାସ୍କର ଅଭିନୟରୁ ବର୍ତ୍ତମାନ ଦୂରରେ ଅଛନ୍ତି, କିନ୍ତୁ ସୋସିଆଲ ମିଡିଆରେ ସେ ବେଶ ସକ୍ରିୟ ରୁହନ୍ତି । ସେ ପ୍ରତିଦିନ ନିଜର ଫଟୋ ସେୟାର୍ କରନ୍ତି । ଅଭିନେତ୍ରୀ ସର୍ବଦା ନିଜ ଇନଷ୍ଟାଗ୍ରାମରେ ବେବି ବମ୍ପ ଲୁକର ଫଟୋ ସେୟାର କରୁଥିବା ଦେଖିବାକୁ ମିଳିଛି।
