ହାଇଦ୍ରାବାଦ: ସରିଯିବ ୨୦୨୩ ବର୍ଷ । ନୂଆ ଆଶା ଉଦ୍ଦୀପନା ନେଇ ଆସୁଛି ୨୦୨୪ । ବର୍ଷ ୨୦୨୩ କାହା ପାଇଁ କେମିତି ଥିବା ବେଳେ ଷ୍ଟାର କିଡସଙ୍କ ପାଇଁ ନୂଆ ଅନୁଭୂତି ଆଣି ଦେଇଛି । କିଏ ପାଇଛି ନୂଆ ପରିଚୟ ତ ଆଉ କିଏ ୨୦୨୪ ଅପେକ୍ଷାରେ । କାହା ପାଇଁ ଉତଥାନର ବର୍ଷ ହୋଇଛି ତ କାହା ପାଇଁ ପତନର ବର୍ଷ ହୋଇଛି । ସେହିପରି ଆଉ କେତେକ ଷ୍ଟାର କିଡସ ଡେବ୍ୟୁ କରିବାରେ ସଫଳ ହୋଇପାରିନାହାନ୍ତି । ଯେଉଁଥିପାଇଁ ସେମାନଙ୍କ ଆଶା ମଉଳି ଯାଇଛି । ୨୦୨୪ରେ ସୁଯୋଗ ଅପେକ୍ଷାରେ ରହିଛନ୍ତି କେତେକ ଷ୍ଟାର କିଡସ । ତେବେ ଚଳିତ ବର୍ଷ ଅନେକ ଷ୍ଟାର କିଡସ ନିଜର ଫିଲ୍ମ ଜଗତରେ ନିଜର କ୍ୟାରିଅର ଆରମ୍ଭ କରିଛନ୍ତି । ଖୁସି କପୁର, ସୁହାନା ଖନ, ଅଗସ୍ତ୍ୟା ନନ୍ଦା, ରାଜବୀର ଦେଓଲ, ପଲୋମା ଢିଲୋ, ପଲକ ତିୱାରୀ, ଅଲିଜେହ ଅଗ୍ନିହୋତ୍ରୀ ନିଜର ଯାତ୍ରା ଆରମ୍ଭ କରିଛନ୍ତି ।
- " class="align-text-top noRightClick twitterSection" data="">
ସୁପରଷ୍ଟାର ସାହରୁଖ ଖାନଙ୍କ ଝିଅ ସୁହାନା ଖାନ ଅଭିନୟରେ ପାଦ ଥାପିବା କଥା ଦୀର୍ଘ ଦିନ ଧରି ଚର୍ଚ୍ଚା ହୋଇଆସୁଥିଲା । ସେହିପରି ଫିଲ୍ମ ନିର୍ମାତା ବୋନି କପୁର ଏବଂ ଦିବଙ୍ଗତ ଅଭିନେତ୍ରୀ ଶ୍ରୀଦେବୀଙ୍କ ସାନ ଝିଅ ଖୁସି କପୁର ମଧ୍ୟ ଏଥିପାଇଁ ଚର୍ଚ୍ଚାରେ ରହିଥିଲେ । 'ସପନା ଦ ଆର୍ଚିଜ'ରେ ବିଗ ବି ଅମିତାଭ ବଚନଙ୍କ ନାତି ଚରିତ୍ରରେ ଅଭିନୟ କରିବାର ସୁଯୋଗ ପାଇଥିଲେ ଅଗସ୍ତ୍ୟ ନନ୍ଦା । ସେହିପରି ୨୦୨୩ରେ ଡେବ୍ୟୁ କରିଥିବା ଅନ୍ୟତମ ଷ୍ଟାର କିଡସ ହେଲେ ଶନି ଦେୱଲଙ୍କ ସାନ ପୁଅ ରାଜବୀର ଦେୱଲ । ଅଭିନେତ୍ରୀ ପୁନମ ଢିଲୋଙ୍କ ଝିଅ ପଲୋମା ଢିଲୋଙ୍କ ସହ 'ଡୋନୋ' ନାମକ ଏକ ରୋମାଣ୍ଟିକ ଚଳଚ୍ଚିତ୍ରରେ ସେ ନଜର ଆସିଥିଲେ ।
- " class="align-text-top noRightClick twitterSection" data="">
ଖାଲି ସେତିକି ନୁହେଁ, ସଲମାନ ଖାନଙ୍କ ଭାଣିଜୀ ଅଲିଜେହ ଅଗ୍ନିହୋତ୍ରୀ ମଧ୍ୟ ଏଥର ନୂଆ କରି ନିଜର କ୍ୟାରିଅର ଆରମ୍ଭ କରିଛନ୍ତି । ଟିଭି ଜଗତରେ ନିଜର ଖ୍ୟାତି ଅର୍ଜନ କରିଥିବା ଅଭିନେତ୍ରୀ ଶ୍ବେତା ତିୱାରୀଙ୍କ ଝିଅ ପଲକ ତିୱାରୀ ମଧ୍ୟ ଏଥର ଫିଲ୍ମ ଜଗତରେ ପାଦ ଥାପିଛନ୍ତି । 'କିସି କା ଭାଇ, କିସି କା ଜାନ୍'ରେ ସେ ଅଭିନୟ କରିଛନ୍ତି ।
- " class="align-text-top noRightClick twitterSection" data="">
ସୁହାନା ଖାନ: ଗତ ନଭେମ୍ବର ୭ ତାରିଖରେ ଜୋୟା ଅଖତରଙ୍କ ବହୁ ପ୍ରତିକ୍ଷିତ ଫିଲ୍ମ 'ଦ ଆର୍ଚିଜ' ନେଟଫିକ୍ସରେ ରିଲିଜ ହୋଇଥିଲା । ଯେଉଁଥିରେ ବଲିଉଡ ବାଦଶାହ ଶାହାରୁଖ ଖାନ ଓ ଇଣ୍ଟେରିଅର ଡିଜାଇନର ଗୌରୀ ଖାନଙ୍କ ଝିଅ ସୁହାନା ଡେବ୍ୟୁ କରିଛନ୍ତି । ହେଲେ ରିଲିଜର କିଛି ଦିନ ପରେ ସମୀକ୍ଷକଙ୍କ ମତ ପ୍ରକାଶ ପାଇଛି । କେହି କେହି ତାଙ୍କର ଅଭିନୟକୁ ପସନ୍ଦ କରିଥିବାବେଳେ ଆଉ କେତେକ ନେଟିଜେନ୍ସ ଭିନ୍ନ ମତ ରଖିଛନ୍ତି ।
- " class="align-text-top noRightClick twitterSection" data="">
ଖୁସି କପୁର: ଦିବଙ୍ଗତ ଅଭିନେତ୍ରୀ ଶ୍ରୀଦେବୀଙ୍କ ସାନ ଝିଅ ଖୁସି କପୁର 'ଦ ଆର୍ଚିଜ' ମାଧ୍ୟମରେ ଡେବ୍ୟୁ କରିଛନ୍ତି । ତେବେ ଜାହ୍ନବୀ କପୁରଙ୍କ ତୁଳନାରେ ସେ ଉତ୍କୃଷ୍ଟ ପ୍ରଦର୍ଶନ କରିଥିବା କୁହାଯାଉଛି ।
ଅଗସ୍ତ୍ୟା ନନ୍ଦା: ଜୋୟା ଅଖତରଙ୍କ ନିର୍ଦ୍ଦେଶିତ କମେଡି ଫିଲ୍ମ 'ଦ ଆର୍ଚିଜ'ରେ ନବାଗତ ଅଭିନେତା ଅଗସ୍ତ୍ୟ ନନ୍ଦାଙ୍କ ଜଲୱା ଦେଖିବାକୁ ମିଳିଛି । ତାଙ୍କର ଅଭିନୟ ପାଇଁ ତାଙ୍କୁ ଅଜା ଅମିତାଭ ବଚନଙ୍କଠାରୁ ଢେର ପ୍ରଶଂସା ମିଳିଥିଲା ।
ଅଲିଜେହ ଅଗ୍ନିହୋତ୍ରୀ: ୨୦୨୩ ରେ ଅଭିନୟ ଜଗତରେ କାମ ଆରମ୍ଭ କରିଛନ୍ତି । 'ଫରେ' ଚଳଚ୍ଚିତ୍ରରେ ତାଙ୍କୁ ଏକ ଦମଦାର ଭୂମିକାରେ ଦେଖିବାକୁ ମିଳିଛି ।
ରାଜବୀର ଦେଓଲ: ବଲିଉଡ ଅଭିନେତା ଶନି ଦେଓଲଙ୍କ ସାନ ପୁଅ ରାଜବୀର ବଡ଼ ପରଦାରେ ନିଜର କ୍ୟାରିଅର ଆରମ୍ଭ କରିଛନ୍ତି । 'ଡୋନୋ' ଚଳଚ୍ଚିତ୍ରରେ ସେ 'ଦେବ' ଭୂମିକାରେ ସେ ନଜର ଆସିଛନ୍ତି । ଯେଉଁଥିରେ ତାଙ୍କୁ ଢେର ସଂଘର୍ଷ କରିଥିବା ଦେଖିବାକୁ ମିଳିଥିଲା । ତେବେ ବଲିଉଡରେ ଦେୱଲ ପରିବାରର ସଫଳତା କାହାକୁ ଅଛପା ନାହିଁ। ଏହାରି ଭିତରେ ରାଜବୀରଙ୍କ ଏଣ୍ଟ୍ରି ସବୁଠି ହଇଚଇ ସୃଷ୍ଟି କରିଛି ।
ପଲୋମା ଢିଲୋନ: ପୁନମ ଢିଲୋନଙ୍କ ଝିଅ ପଲୋମା ନିଜର ଡେବ୍ୟୁ ଫିଲ୍ମରେ 'ଡୋନୋ' ଚଳଚ୍ଚିତ୍ରରେ ରାଜବୀରଙ୍କ ସହ ନଜର ଆସିଛନ୍ତି । ସେ ଏହି ଫିଲ୍ମରେ 'ମେଘନା' ଭୂମିକାରେ ନଜର ଆସିଥିବାବେଳେ ତାଙ୍କର ଅଭିନୟ ଦେଖିବା ପରେ ପଲୋମା ଢିଲୋନଙ୍କୁ ମନେ ପକାଇଛନ୍ତି ଦର୍ଶକ ।
ପଲକ ତିୱାରୀ: ଜଣାଶୁଣା ଟେଲି ଅଭିନେତ୍ରୀ ଶ୍ବେତା ତିୱାରୀଙ୍କ ଝିଅ ପଲକ 'କିସି କା ଭାଇ କିସି କି ଜାନ' ଚଳଚ୍ଚିତ୍ରରେ ବଲିଉଡରେ ଡେବ୍ୟୁ କରିଛନ୍ତି । ପୂର୍ବରୁ ତାଙ୍କୁ ହାର୍ଡି ସନ୍ଧୁଙ୍କ 'ବିଜଲି ବିଜଲି' ଗୀତରେ ଦେଖିବାକୁ ମିଳିଥିଲା ।
ଅପରପକ୍ଷେ, ଡେବ୍ୟୁ କରିପାରିନଥିବା ଷ୍ଟାର କିଡସ ହେଲେ ରାଶା ଥଡାନୀ, ଇବ୍ରାହିମ ଅଲ୍ଲୀ ଖାନ, ଶନାୟା କପୁର, ପଶମୀନା ରୋଶନ, ଅମନ ଦେବଗନ, ଜିବ୍ରାନ ଖାନ ଏବଂ ଆର୍ଯ୍ୟନ ଖାନ । ଆସନ୍ତୁ ସେମାନଙ୍କ ବିଷୟରେ ଜାଣିବା ।
ରାଶା ଥଡାନୀ: 90 ଦଶକର ଅଭିନେତ୍ରୀ ରବିନା ଟଣ୍ଡନଙ୍କ ଝିଅ ହେଉଛନ୍ତି ରାଶା ଥଡାନୀ । ସେ ନିକଟରେ ନିଜର ପାଠପଢା ଶେଷ କରିଥିବାବେଳେ ନିଜର ସୁନ୍ଦରତା ପାଇଁ ଲାଇମଲାଇଟରେ ରହିଆସିଛନ୍ତି । ତେବେ ରାଶା ଚଳିତ ବର୍ଷ ଡେବ୍ୟୁ କରିବାରେ ଅସଫଳ ରହିଥିଲେ ବି ୨୦୨୪ରେ ଅଭିଷେକ କପୁରଙ୍କ ଫିଲ୍ମ 'ଅନଟାଇଟେଲ' ଦ୍ବାରା ବଲିଉଡରେ ଏଣ୍ଟ୍ରି କରିପାରନ୍ତି । ଯାହାକି ଫେବ୍ରୁଆରୀରେ ରିଲିଜ ହୋଇପାରେ ବୋଲି କୁହାଯାଉଛି ।
ଶନାୟା କପୁର: ଅଭିନେତା ସଞ୍ଜୟ କପୁରଙ୍କ ଝିଅ ସୁହାନା ଖାନଙ୍କ ଗ୍ଲାମର୍ସ ବନ୍ଧୁ ଭାବେ ଜଣାଶୁଣା ଶନାୟା ୨୦୨୪ରେ ଅଭିନୟ ଜଗତରେ ଏଣ୍ଟ୍ରି କରିବେ ବୋଲି ଚର୍ଚ୍ଚା ହେଉଛି । ହେଲେ ସେ ବଲିଉଡ ନୁହେଁ, ବରଂ ସାଉଥ ସିନେମାରେ ନିଜର ଜଲୱା ଦେଖାଇବାକୁ ମନ ବଳାଇଛନ୍ତି । ଖାଲି ସେତିକି ନୁହେଁ, ଶନାୟାଙ୍କ ପାଖରେ କରନ ଜୋହରଙ୍କ ଫିଲ୍ମ 'ବେଧଡକ'ରେ କାମ କରିବାର ସୁଯୋଗ ମଧ୍ୟ ରହିଛି । ଯେଉଁଥିରେ ତାଙ୍କୁ ଲିଡ୍ ରୋଲରେ ଦେଖିବାକୁ ପାଇବେ ଦର୍ଶକ ।
ପଶମୀନା ରୋଶନ: ସୁପର ହିରୋ ରିତିକ ରୋଶନଙ୍କ ଭଉଣୀ ଏବଂ ସଂଗୀତଜ୍ଞ ରାଜେଶ ରୋସନଙ୍କ ଝିଅ ହେଉଛନ୍ତି ପଶମୀନା । ସେ ବର୍ତ୍ତମାନ ସୋସିଆଲ ମିଡିଆରେ ଛାଇ ଯାଇଛନ୍ତି । ତେବେ ପଶମୀନାଙ୍କୁ 'ଇସ୍କ ୱିସ୍କ ରିବାଉଣ୍ଡ'ରେ ଦେଖିବାକୁ ପାଇବେ ଦର୍ଶକ । ସେ ଖୁବଶୀଘ୍ର ଏହି ଚଳଚ୍ଚିତ୍ର ଦ୍ବାରା ଡେବ୍ୟୁ କରିବାର ଲକ୍ଷ୍ୟ ରଖିଛନ୍ତି।
ଅମନ ଦେବଗନ: ବଲିଉଡର ସିଂଘମ ଅଜୟ ଦେବଗନଙ୍କ ଭଣଜା ଅମନ ଦେବଗନ ମଧ୍ୟ ଚଳିତ ବର୍ଷ ବଲିଉଡରେ ଡେବ୍ୟୁ କରିବେ ବୋଲି ଚର୍ଚ୍ଚା ହେଉଥିଲେ । ହେଲେ ସେମିତି କିଛି ହେଲା ନାହିଁ । ତେବେ ସେ ୨୦୨୪ରେ ବଲିଉଡରେ ପାଦ ଥାପିବା ପାଇଁ ଜୋରଦାର ପ୍ରସ୍ତୁତି ଚଳାଇଛନ୍ତି ।
ଜିବ୍ରାନ ଖାନ: ଶାହରୁଖ ଖାନ ଓ ରିତିକ ରୋଶନଙ୍କ ଫ୍ୟାମିଲି ଡ୍ରାମା ଫିଲ୍ମ 'କଭି ଖୁସି କଭି ଗମ୍'ରେ ଶାହରୁଖଙ୍କ ପୁଅର ରୋଲ ପ୍ଲେ କରିଥିବା ଜିବ୍ରାନ ଏବେ ବଡ଼ ହୋଇଛନ୍ତି । ଯଦିଓ ପୂର୍ବରୁ ସେ ଶିଶୁ କଳାକାର ଭାବେ ଅଭିନୟ କରିସାରିଛନ୍ତି ବର୍ତ୍ତମାନ ତାଙ୍କୁ ଲିଡ୍ ରୋଲରେ ଦେଖିବାକୁ ମିଳିବ । ୨୦୨୪ରେ ରିଲିଜ ହେବାକୁ ଥିବା 'ଇସ୍କ ୱିସ୍କ ରିବାଉଣ୍ଡ'ରେ ତାଙ୍କୁ ଦେଖିବାକୁ ମିଳିବ ।
ଆର୍ଯ୍ୟନ ଖାନ: ଶାହରୁଖ ଖାନଙ୍କ ଝିଅ ସୁହାନା ଚଳିତ ବର୍ଷ ବଲିଉଡରେ ଡେବ୍ୟୁ କରିଥିଲେ ମଧ୍ୟ ପୁଅ ଆର୍ଯ୍ୟନଙ୍କ ଏଣ୍ଟ୍ରି ସାମାନ୍ୟ ବିଳମ୍ବରେ ହେବ । ୨୦୨୪ରେ ସେ ନିଜ ଡ୍ରିମ୍ ପ୍ରୋଜେକ୍ଟ ରିଲିଜ କରିବାକୁ ଯାଉଥିବା ଚର୍ଚ୍ଚା ହେଉଛି ।
ଏହା ବି ପଢନ୍ତୁ...କାମ ଦେଲାନି ବିଗ୍ ବଜେଟ୍ କି ନେମଫେମ୍, ୨୦୨୩ରେ ସୁପର ଫ୍ଲପ୍ ହେଲା ଏହି ଫିଲ୍ମ
