ହାଇଦ୍ରାବାଦ: ବଲିଉଡର ସୁନ୍ଦରୀ ସୋନାକ୍ଷୀ ସିହ୍ନାଙ୍କ ନିର୍ବନ୍ଧ ଶେଷହୋଇଥିବା ଚର୍ଚ୍ଚା । ଅଭିନେତ୍ରୀ ତାଙ୍କ ଜୀବନର ଏହି ବଡ ଖୁସି ଖବର ନିଜ ସୋସିଆଲ ମିଡିଆ ପୋଷ୍ଟ ମାଧ୍ୟମରେ ନିଜ ପ୍ରଶଂସକଙ୍କ ସହ ସେୟାର କରିଛନ୍ତି । ସୋନାକ୍ଷୀଙ୍କ ଏହି ଖବର ପ୍ରଶଂସକଙ୍କୁ ଆଶ୍ଚର୍ଯ୍ୟ କରିଦେଇଛି । ପ୍ରଶଂସକମାନେ ଜାଣିବାକୁ ଆଗ୍ରହୀ ଅଟନ୍ତି ଯେ କିଏ ସେ ସେହି ଭାଗ୍ୟଶାଳୀ, ଯାହାକୁ ଅଭିନେତ୍ରୀ ତାଙ୍କ ଜୀବନ ସାଥୀ କରିବାକୁ ନିଷ୍ପତ୍ତି ନେଇଛନ୍ତି ।
- " class="align-text-top noRightClick twitterSection" data="
">
ସୋନାକ୍ଷୀ ନିଜ ଇନଷ୍ଟାଗ୍ରାମ ହ୍ୟାଣ୍ଡେଲରେ ତିନୋଟି ଭିନ୍ନ ଫଟୋ ସେୟାର କରି ତାଙ୍କ ନିର୍ବନ୍ଧ ଖବର ସେୟାର କରିଛନ୍ତି । ଏକ ଫଟୋରେ, ଦବଙ୍ଗ ଗର୍ଲ ସୋନାକ୍ଷୀ ତାଙ୍କ ନିର୍ବନ୍ଧ ମୁଦି ଫ୍ଲଣ୍ଟ କରୁଥିବା ନଜର ଆସିଛନ୍ତି । ସୋନାକ୍ଷୀଙ୍କ ଭାବୀ ସ୍ବାମୀ ତାଙ୍କ ହାତ ଧରିଥିବାର ଦେଖାଯାଉଛି । ତେବେ ସୋନାକ୍ଷୀଙ୍କ ଲିଭିଂ ପାର୍ଟନର କିଏ, ତାହାକୁ ନେଇ ଏବେ ବି ସନ୍ଦେହ ଜାରି ରହିଛି, କାରଣ ଅଭିନେତ୍ରୀ ଫଟୋରେ ତାଙ୍କ ଜୀବନ ସାଥୀଙ୍କ ଚେହେରା ଖୁଲାସା କରିନାହାଁନ୍ତି ।
- " class="align-text-top noRightClick twitterSection" data="
">
ଦ୍ୱିତୀୟ ଫଟୋରେ ସୋନାକ୍ଷୀ ତାଙ୍କ ସାଥୀଙ୍କ କାନ୍ଧରେ ହାତ ଦେଇ ପୋଜ୍ ଦେଉଥିବା ନଜର ଆସିଛନ୍ତି । ଏଥି ସହିତ, ତୃତୀୟ ଫଟୋରେ ସୋନାକ୍ଷୀ ନିଜ ସାଥୀଙ୍କ ହାତ ଧରି ହସୁଛନ୍ତି । ଯଦିଓ ସୋନାକ୍ଷୀ ତାଙ୍କ ସାଥୀଙ୍କ ନାମ ପ୍ରକାଶ କରିନାହାଁନ୍ତି, କିନ୍ତୁ ଭାବୀ ସ୍ବାମୀଙ୍କ ସହ ସୋନାକ୍ଷୀଙ୍କ ରୋମାଣ୍ଟିକ୍ ପୋଜ୍ ଉଭୟଙ୍କ ସମ୍ପର୍କର ଗଭୀରତାକୁ ଦର୍ଶାଉଛି ।ପ୍ରଶଂସକଙ୍କ ସହ ଏହି ଖୁସି ଖବର ସେୟାର କରିବା ବେଳେ ସୋନାକ୍ଷୀ କ୍ୟାପସନରେ ନିଜର ଖୁସି ଏବଂ ଉତ୍ସାହକୁ ମଧ୍ୟ ପ୍ରକାଶ କରିଛନ୍ତି । ସୋନାକ୍ଷୀ ସମାନ କ୍ୟାପସନ୍ ସହିତ ସମସ୍ତ ଫଟୋ ସେୟାର କରିଛନ୍ତି । ଅଭିନେତ୍ରୀ ଲେଖିଛନ୍ତି - ଏହା ମୋ ପାଇଁ ଏକ ବଡ଼ ଦିନ । ମୋର ସବୁଠୁ ବଡ ସ୍ୱପ୍ନ ସାକାର ହେବାକୁ ଯାଉଛି ଏବଂ ମୁଁ ଏହାକୁ ଆପଣଙ୍କ ସହ ସେୟାର କରିବାକୁ ଆଉ ଅପେକ୍ଷା କରିପାରିବି ନାହିଁ ।
ସୋନାକ୍ଷୀଙ୍କ ଜୀବନସାଥି କିଏ ?
ସୋନାକ୍ଷୀ ସିହ୍ନାଙ୍କ ନିର୍ବନ୍ଧ ଖବର ପ୍ରଶଂସକଙ୍କୁ ବହୁତ ଖୁସି କରିଛି । କିନ୍ତୁ ଅଭିନେତ୍ରୀଙ୍କ ପୋଷ୍ଟ ଜାଣିବା ପରେ ପ୍ରଶଂସକମାନେ ଜାଣିବାକୁ ଆଗ୍ରହୀ ଅଟନ୍ତି ଯେ, କିଏ ସେ ସେହି ଭାଗ୍ୟଶାଳୀ, ଯାହାକୁ ଅଭିନେତ୍ରୀ ତାଙ୍କ ଜୀବନ ସାଥୀ କରିବାକୁ ନିଷ୍ପତ୍ତି ନେଇଛନ୍ତି । ଯଦିଓ ଅଭିନେତ୍ରୀ ପାର୍ଟନରଙ୍କ ନାମ ପ୍ରକାଶ କରିନାହାଁନ୍ତି, କିନ୍ତୁ ରିପୋର୍ଟ ଅନୁଯାୟୀ, ଏହି ଭାଗ୍ୟଶାଳୀ ବ୍ୟକ୍ତି 'ନୋଟବୁକ୍' ଫେମ ଅଭିନେତା ଜହିର ଇକବାଲ ହୋଇଥାଇ ପାରନ୍ତି ।
ସୋନାକ୍ଷୀ ଏବଂ ଜହିରଙ୍କ ଡେଟିଂ ଖବର ଦୀର୍ଘ ଦିନ ଧରି ରହିଆସିଛି । ଦୀର୍ଘ ସମୟ ଧରି ଖବର ଆସୁଥିଲା ଯେ ଦୁହିଁଙ୍କ ମଧ୍ୟରେ କିଛି ଚାଲିଛି । କିନ୍ତୁ ଦୁହେଁ ଡେଟିଂ ଖବରକୁ କେବେ ବି ନିଶ୍ଚିତ କରିନାହାଁନ୍ତି । ତେବେ ବାକି ରହିଲା ସୋନାକ୍ଷୀଙ୍କ ଜୀବନ ସାଥୀ ଜହିର ଇକବାଲ ନା ଅନ୍ୟ କେହି, ତାହା ଖୁବ୍ ଶୀଘ୍ର ଜଣା ପଡିଯିବ ।
