ମୁମ୍ବାଇ: ହ୍ରିତିକ ରୋଶନଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର 'ଫାଇଟର' ଖୁବଶୀଘ୍ର ପ୍ରେକ୍ଷାଳୟରେ ମୁକ୍ତିଲାଭ ପାଇଁ ପ୍ରସ୍ତୁତ । ଏହି ଫିଲ୍ମରେ ପ୍ରଥମ ଅନସ୍କ୍ରିନ ଯୋଡ଼ି ଦୀପିକା ପାଦୁକୋନ ଏବଂ ହ୍ରିତିକ ରୋଶନଙ୍କୁ ଏକାଠି ଦେଖିବାକୁ ମିଳିବ । ନିକଟରେ ଫିଲ୍ମର ସମସ୍ତ ଚରିତ୍ରର ଲୁକ୍, ଟିଜର ଏବଂ ପ୍ରଥମ ଗୀତ ରିଲିଜ ହୋଇଥିଲା । ଯାହା ଫ୍ୟାନ୍ସଙ୍କୁ ବେଶ ପସନ୍ଦ ଆସିଥିଲା । ଏହାରି ମଧ୍ୟରେ ବର୍ତ୍ତମାନ ଫିଲ୍ମର ନିର୍ଦ୍ଦେଶକ ସିଦ୍ଧାର୍ଥ ଆନନ୍ଦ ଦେଶର ଚଳଚ୍ଚିତ୍ର ଫାଇଟର ସେଟରୁ କିଛି ଫଟୋ ସେୟାର କରିଛନ୍ତି । ଯେଉଁଥିରେ ଫିଲ୍ମର କିଛି ସାନଦାର ଝଲକ ସାମ୍ନାକୁ ଆସିଛି ।
ଫିଲ୍ମ ନିର୍ଦ୍ଦେଶକ ସିଦ୍ଧାର୍ଥ ଆନନ୍ଦ ନିଜ ଇନଷ୍ଟାଗ୍ରାମ୍ ଆକାଉଣ୍ଟ ସେଟରୁ କିଛି ଫଟୋ ସେୟାର କରି କ୍ୟାପସନ୍ରେ ହାସଟ୍ୟାଗ୍ ସହିତ ଲେଖିଛନ୍ତି ଯେ 'ଫାଇଟର୍ ବିଟିଏସ୍', ଫାଇଟର୍ ଇନ୍, ଫାଇଟର୍ ଅନ ଜାନୁଆରୀ 25 । ଫିଲ୍ମ ସେଟରେ ଫିଲ୍ମର ସୁଟିଂ ଚାଲୁଥିବାର ଫଟୋରେ ଦେଖିବାକୁ ମିଳିଛି । ସେହିପରି ଆଉ ଏକ ଫଟୋରେ ସିଦ୍ଧାର୍ଥ ଫିଲ୍ମ ସେଟରେ ବସିଥିବାର ଦେଖିବାକୁ ମିଳିଛି । ଯେଉଁଥିରେ ସେ ଏକ ଧଳା ରଙ୍ଗର ହୁଡି ପିନ୍ଧିଛନ୍ତି ।
ପ୍ରକାଶ ଥାଉକି, ଏହା ପୂର୍ବରୁ ମଧ୍ୟ ଫିଲ୍ମ ନିର୍ମାତା ଫ୍ୟାନ୍ସଙ୍କ ସହ ଫିଲ୍ମର ଅନେକ ଝଲକ ସେୟାର କରିଛନ୍ତି । ନିକଟରେ ଫିଲ୍ମର ସମସ୍ତ ତାରକାଙ୍କ ଲୁକ୍ ଏବଂ ଟିଜର ଏବଂ ଗୀତ ରିଲିଜ ହୋଇଥିଲା । ଟିଜରରେ ହ୍ରିତିକ ଏବଂ ଦୀପିକାଙ୍କ ଲଭ କେମେଷ୍ଟ୍ରି ଦେଖି ଫିଦା ହୋଇଥିଲେ ଫ୍ୟାନ୍ସ । ଏହି ଫିଲ୍ମ ସହ ଦୀପିକା ଏବଂ ହ୍ରିତିକ୍ ପ୍ରଥମ ଥର ପାଇଁ ଏକାଠି ସ୍କ୍ରିନ୍ ସେୟାର କରିଥିବା ବେଳେ ଫିଲ୍ମକୁ ଦେଖିବାକୁ ବେଶ ଉତ୍ସାହିତ ଅଛନ୍ତି ଫ୍ୟାନ୍ସ । ତେବେ 'ଫାଇଟର' ନିର୍ଦ୍ଦେଶନା ଦେଇଛନ୍ତି ସିଦ୍ଧାର୍ଥ ଆନନ୍ଦ । ୨୫୦ କୋଟି ଟଙ୍କା ବଜେଟ୍ରେ ନିର୍ମିତ ଏହି ଫିଲ୍ମ ୨୫ ଜାନୁଆରୀ ୨୦୨୪ରେ ଗଣତନ୍ତ୍ର ଦିବସ ଅବସରରେ ମୁକ୍ତିଲାଭ କରିବାକୁ ଯାଉଛି । ସୂଚନା ଥାଉ କି, ଚଳିତ ବର୍ଷ ଜାନୁଆରୀ ୨୫ରେ ସିଦ୍ଧାର୍ଥ ଆନନ୍ଦ ତାଙ୍କ ଚଳଚ୍ଚିତ୍ର ପଠାନ ମୁକ୍ତିଲାଭ କରିଥିଲେ ଯାହା ବକ୍ସ ଅଫିସ୍ରେ ଆଲୋଡ଼ନ ସୃଷ୍ଟି କରିଥିଲା । ତେବେ ଏହି ଫିଲ୍ମ ମଧ୍ୟ ସମାନ ତାରିଖରେ ରିଲିଜ ହେଉଥିବା ନେଇ ବକ୍ସ ଅଫିସ୍ରେ ଧମାକା କରିବ ବୋଲି ଆଶା କରାଯାଉଛି ।
