ହାଇଦ୍ରାବାଦ: ଗୁଜବ ଉପରୁ ପରଦା ଉଠାଇଲେ ଶେହନାଜ ଗିଲ । ଗତକାଲି ଖବର ଆସିଥିଲା କି, ଶେହନାଜ ସଲମାନ ଖାନଙ୍କ ଆଗାମୀ ଚଳଚ୍ଚିତ୍ର 'କଭି ଇଦ୍ କଭି ଦିୱାଲୀ'ର ଅଂଶ ନୁହଁନ୍ତି, ନିର୍ମାତାମାନେ ତାଙ୍କୁ ଏହି ଫିଲ୍ମରୁ ବାହାର କରିଦେଇଛନ୍ତି । କେବଳ ଏତିକି ନୁହେଁ, ଏହା ମଧ୍ୟ କୁହାଯାଇଥିଲା ଯେ ଫିଲ୍ମରୁ ବାହାରିବା ମାତ୍ରେ ଶେହନାଜ ସୋସିଆଲ ମିଡିଆରେ ସଲମାନ ଖାନଙ୍କୁ ଅନଫଲୋ ମଧ୍ୟ କରିଦେଇଛନ୍ତି । ବର୍ତ୍ତମାନ ଏହି ଖବରକୁ ନେଇ ମୁହଁ ଖୋଲିଛନ୍ତି ଶେହନାଜ ।
ଶେହନାଜ ଗିଲ ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ଏକ ନୋଟ୍ ସେୟାର କରିିଛନ୍ତି । ଯେଉଁଥିରେ ସେ କହିଛନ୍ତି, ଗତ କିଛି ଦିନ ହେବ ଏହିପରି ଦାବି ସହିତ ତାଙ୍କର ମନୋରଞ୍ଜନ କରାଯାଉଛି । ସେ ତାଙ୍କ ଷ୍ଟୋରୀରେ ଲେଖିଛନ୍ତି, LOL ! ଏବଂ ଏହି ଗୁଜବଗୁଡିକ ତାଙ୍କ ପାଇଁ ଡେଲି ଡୋଜ୍ ଭଳି ମନେହେଉଛି । ତେବେ ଏପର୍ଯ୍ୟନ୍ତ ଏହି ରିପୋର୍ଟ ଉପରେ ଫିଲ୍ମର ନିର୍ମାତାଙ୍କଠାରୁ କୌଣସି ପ୍ରତିକ୍ରିୟା ମିଳିନାହିଁ ।
ଉଲ୍ଲେଖନୀୟ ଯେ, ସଲମାନ ଖାନଙ୍କ ଆଗାମୀ ଚଳଚ୍ଚିତ୍ର 'କଭି ଇଦ୍ କଭି ଦିୱାଲୀ' ଦୀର୍ଘ ଦିନ ଧରି ଚର୍ଚ୍ଚାରେ ରହିଆସିଛି । ଶେହନାଜ ଏହି ଫିଲ୍ମ ସହିତ ବଲିଉଡର ଯାତ୍ରା ଆରମ୍ଭ କରିବାକୁ ଯାଉଛନ୍ତି । ଏହି ଚଳଚ୍ଚିତ୍ର ତାଙ୍କ ପାଇଁ ଏବଂ ତାଙ୍କ ପ୍ରଶଂସକଙ୍କ ପାଇଁ ଅତ୍ୟନ୍ତ ଖାସ୍ ଅଟେ । ନିକଟରେ ସେ ସଲମାନଙ୍କ ସହ ଫିଲ୍ମର ସୁଟିଂ ମଧ୍ୟ ଆରମ୍ଭ କରିସାରିଥିଲେ । ସେ ଏହି ଫିଲ୍ମରେ ରାଘବ ଜୁୟାଲଙ୍କ ବିପକ୍ଷରେ ନଜର ଆସିବେ । ଯଦିଓ କିଛି ରିପୋର୍ଟରେ ସେ ଜସ୍ସି ଗିଲଙ୍କ ସହ ରୋମାନ୍ସ କରିବେ ବୋଲି ଦାବି କରାଯାଇଛି। ତେବେ ତାଙ୍କ ଭୂମିକା ବିଷୟରେ ଏପର୍ଯ୍ୟନ୍ତ କୌଣସି ନିର୍ଦ୍ଦିଷ୍ଟ ସୂଚନା ପ୍ରକାଶ କରାଯାଇ ନାହିଁ।
'କଭି ଇଦ୍ କଭି ଦିୱାଲୀ'କୁ ନେଇ ଏହା ମଧ୍ୟ କୁହାଯାଇଥିଲା କି, ସଲମାନ ଫିଲ୍ମରେ ପୂଜା ହେଗଡେଙ୍କ ବିପକ୍ଷରେ ନଜର ଆସିବେ। ଏହି ଫିଲ୍ମରେ ଜସି ଗିଲ, ରାଘବ ଜୁଗାଲ ଏବଂ ସିଦ୍ଧାର୍ଥ ନିଗମ ସଲମାନଙ୍କ ଭାଇ ଭୂମିକାରେ ଅଭିନୟ କରିବେ। ଖବର ଅନୁଯାୟୀ, ସଲମାନଙ୍କ ଭିଣୋଇ ଆୟୁଷ ଶର୍ମା ମଧ୍ୟ ଏହି ଚଳଚ୍ଚିତ୍ରର ଏକ ଅଂଶ ହେବାର ଥିଲା, କିନ୍ତୁ କିଛି କାରଣ ହେତୁ ଶେଷ ମୁହୂର୍ତ୍ତରେ ସେ ବାହାରି ଯାଇଥିଲେ । 'କଭି ଇଦ୍ କଭି ଦିୱାଲୀ' ହେଉଛି ଏକ ଆକ୍ସନ୍ କମେଡି ଫିଲ୍ମ । ଯାହାର ନିର୍ଦ୍ଦେଶନା ଦେଇଛନ୍ତି ଫରହାଦ୍ ସାମଜୀ ।
ବ୍ୟୁରୋ ରିପୋର୍ଟ, ଇଟିଭି ଭାରତ
