ମୁମ୍ବାଇ: ଆଜିକାଲି ବଲିଉଡ କିଙ୍ଗ୍ ଶାହାରୁଖ ଖାନଙ୍କ ଝିଅ ସୁହାନା ଖାନଙ୍କୁ ଅନେକ ବଲିଉଡ ପାର୍ଟିରେ ଦେଖିବାକୁ ମିଳୁଛି । ଏହାରି ମଧ୍ୟରେ ଏକ ଜନ୍ମଦିନ ପାର୍ଟିରେ ସୁହାନା ଖାନଙ୍କୁ ଦେଖିବାକୁ ମିଳିଥିଲା । ପାର୍ଟିରେ ସୁହାନା ଖାନଙ୍କ ଏକ ଭିଡିଓ ଭାଇରାଲ ହେବାରେ ଲାଗିଛି । ଯେଉଁଥିରେ ଅମିତାଭ ବଚ୍ଚନଙ୍କ ନାତି ଅଗସ୍ତ୍ୟା ନନ୍ଦା ସୁହାନାଙ୍କୁ ଫ୍ଲାଇଂ କିସ୍ କରୁଥିବାର ନଜର ଆସିଥିଲେ । ଏହି ଭିଡିଓ ଭାଇରାଲ ପରେ ସେମାନେ ପରସ୍ପରକୁ ଡେଟିଂ କରୁଥିବା ନେଇ ଚର୍ଚ୍ଚା ଜୋର ଧରିଛି ।
- " class="align-text-top noRightClick twitterSection" data="
">
ମଙ୍ଗଳବାର ରାତିରେ ବଲିଉଡର ଆନ୍ନା ସୁନୀଲ ଶେଟ୍ଟୀଙ୍କ ପୁଅ ତଥା ଅଭିନେତା ଅହାନ ଶେଟ୍ଟୀ ତାଙ୍କ ଗାର୍ଲଫ୍ରେଣ୍ଡ ତାନିଆ ଶ୍ରଫଙ୍କ ପାଇଁ ଜନ୍ମଦିନ ପାର୍ଟିର ଆୟୋଜନ କରିଥିଲେ । ଏହି ପାର୍ଟିରେ ଅନେକ ବଲିଉଡ ଷ୍ଟାର୍ଙ୍କ ପିଲାମାନେ ସାମିଲ ହୋଇଥିଲେ । ଶାହରୁଖ ଖାନ ଏବଂ ଗୌରୀ ଖାନଙ୍କ ଝିଅ ସୁହାନା ଖାନ ଏବଂ ପୁଅ ଆର୍ଯ୍ୟନ ଖାନ, ସଞ୍ଜୟ କପୁର ଏବଂ ମହିପ କପୁରଙ୍କ ଝିଅ ସନାୟା କପୁର, ବରୁଣ ଧୱନଙ୍କ ଭଣଜା ଅଞ୍ଜନି ଧାୱନ ଏବଂ ଅମିତାଭ ବଚ୍ଚନଙ୍କ ନାତି ଅଗସ୍ତ୍ୟ ନନ୍ଦା ପ୍ରମୁଖ ଯୋଗ ଦେଇଥିଲେ । ଏହି ସମସ୍ତ ଷ୍ଟାର୍ କିଡ୍ସଙ୍କ ଲୁକ୍ ବେଶ ସୁନ୍ଦର ଲାଗୁଥିଲା ।
ତେବେ ଏହାରି ମଧ୍ୟରେ ପାର୍ଟିର ଏକ ଭିଡିଓ ମଧ୍ୟ ଭାଇରାଲ ହେବାରେ ଲାଗିଛି । ଯେଉଁଥିରେ ଜନ୍ମଦିନ ପାର୍ଟିରୁ ଘରକୁ ଯାଉଥିବାବେଳେ ଅମିତାଭ ବଚ୍ଚନଙ୍କ ନାତି ଅଗସ୍ତ୍ୟ ନନ୍ଦା ସୁହାନା ଖାନଙ୍କୁ କାର ପାଖରେ ଛାଡୁଛନ୍ତି ଏବଂ ଶେଷରେ ସୁହାନା ଆଡ଼କୁ ଚାହିଁ ଫ୍ଲାଇଙ୍ଗ କିସ୍ କରୁଥିବାର ନଜର ଆସିଥିଲେ । ଏହି ଭିଡିଓ ଭାଇରାଲ ପରେ ଉଭୟଙ୍କ ସମ୍ପର୍କକୁ ନେଇ ଆଲୋଚନା ଆରମ୍ଭ ହୋଇଛି । ଫ୍ୟାନ୍ସମାନେ ମନ୍ତବ୍ୟ ଦେଇ ଅଗସ୍ତ୍ୟା ନନ୍ଦା ଏବଂ ସୁହାନା ଖାନ୍ ପ୍ରକୃତରେ ପରସ୍ପରକୁ ଡେଟିଂ କରୁଛନ୍ତି କି ନାହିଁ ତାହାକୁ ନେଇ ପ୍ରଶ୍ନ କରିଛନ୍ତି ।
ସୂଚନା ଥାଉ କି, ଏହି ଭିଡିଓରେ ସୁହାନା ଏବଂ ଅଗସ୍ତ୍ୟାଙ୍କ ବ୍ୟତୀତ ଆହାନ ଏବଂ ତାଙ୍କ ଗର୍ଲଫ୍ରେଣ୍ଡ ତାନିଆ ଶ୍ରଫ ଅଗସ୍ତ୍ୟାଙ୍କ ପଛରେ ନଜର ଆସିଛନ୍ତି । ସୁହାନାଙ୍କୁ ଛାଡି ପୁଣି ସମସ୍ତେ ପାର୍ଟିକୁ ଫେରିଥିବା ନଜର ଆସିଛନ୍ତି । ପାର୍ଟିର ଏହି ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ଏବଂ ୟୁଜର୍ସମାନେ ଉଭୟ ଡେଟିଂ କରୁଥିବା ନେଇ ଆଲୋଚନା ଆରମ୍ଭ କରିଛନ୍ତି । ଫିଲ୍ମ 'ଦି ଆର୍କିଜ୍'ରେ ଏକାଠି କାମ କରିବା ଦିନଠାରୁ ଆଲୋଚନାରେ ରହିଆସିଛନ୍ତି ସୁହାନା ଖାନ ଏବଂ ଅଗସ୍ତ୍ୟା ନନ୍ଦା । ଜୋୟା ଅଖତରଙ୍କ ଏହି ପିଲ୍ମରେ ଖୁସୀ କପୁରଙ୍କ ସମେତ ଅନେକ ଷ୍ଟାର କିଡ୍ସଙ୍କୁ ଦେଖିବାକୁ ମିଳିବ ।
