ହାଇଦ୍ରାବାଦ: ଫ୍ୟାନ୍ସଙ୍କ ପାଇଁ ଖୁସି ଖବର । ପୁଣି ବଡ ପରଦାରେ ରିଲିଜ ହେବାକୁ ଯାଉଛି ଲୋକପ୍ରିୟ ବଲିଉଡ ଫିଲ୍ମ 'କୁଚ୍ଚ କୁଚ୍ଚ ହୋତା ହେ' । ଏନେଇ ଘୋଷଣା କରିଛନ୍ତି ଫିଲ୍ମର ନିର୍ମାତା । ସୂଚନା ଅନୁସାରେ, 'କୁଚ୍ଚ କୁଚ୍ଚ ହୋତା ହେ' ଫିଲ୍ମକୁ 16 ଅକ୍ଟୋବରରେ 25 ବର୍ଷ ପୂରଣ ହେବାକୁ ଯାଉଛି । ତେବେ ଏହି ଖାସ୍ ଅବସରରେ ନିର୍ମାତାମାନେ ଶାହରୁଖ ଏବଂ କାଜୋଲଙ୍କ ପ୍ରଶଂସକଙ୍କ ପାଇଁ ସ୍ୱତନ୍ତ୍ର ଅଫର ସହ ଫିଲ୍ମକୁ ପୁଣି ରିଲିଜ କରାଯିବା ନେଇ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ସୂଚନା ଦେଇଛନ୍ତି। ୧୫ ଅକ୍ଟୋବରରେ ଫିଲ୍ମ ପୁଣି ରିଲିଜ ହେବ।
କରଣ ଜୋହରଙ୍କ ପ୍ରଡକ୍ସନ ହାଉସ୍ ଧର୍ମା ମୁଭି ଏକ ପୋଷ୍ଟ ସେୟାର କରିଛନ୍ତି । କ୍ୟାପସନରେ ଲେଖିଛନ୍ତି, ଗୋଟିଏ ଥର ଜିଉଁଛେ ଗୋଟିଏ ଥର ମରୁଛେ । ଏବଂ 'କୁଚ୍ଚ କୁଚ୍ଚ ହୋତା ହେ' ସ୍ପେଶାଲ ସ୍କ୍ରିନିଂ ଦେଖିବାକୁ ବି ଗୋଟିଏ ଥର ମିଳୁଛି । ମୁମ୍ବାଇର ପିଭିଆରରେ ଫିଲ୍ମ ୧୫ ଅକ୍ଟୋବରରେ ସ୍ପେଶାଲ ସ୍କ୍ରିନିଂ । ସେ ସୋସିଆଲ ମିଡିଆ ଆକାଉଣ୍ଟରେ ଏହି ଚଳଚ୍ଚିତ୍ରର ପୁନଃ ରିଲିଜ୍ ଘୋଷଣା କରିବା ମାତ୍ରେ ସମସ୍ତ ଟିକେଟ୍ କିଛି ମିନିଟ୍ ମଧ୍ୟରେ ବିକ୍ରି ହୋଇଯାଇଛି । କରଣ ଜୋହର ଟିକେଟର ମୂଲ୍ୟ ମାତ୍ର ୨୫ ଟଙ୍କା ରଖିଥିବା ବେଳେ ଫିଲ୍ମ ପାଇଁ ସମସ୍ତ ଟିକେଟ ବିକ୍ରି ହୋଇସାରିଛି । ୧୫ ଅକ୍ଟୋବରରେ ଏହା ମୁମ୍ବାଇରେ ସନ୍ଧ୍ୟା 7:00 ଏବଂ ସନ୍ଧ୍ୟା 7:15 ରେ ପ୍ରଦର୍ଶିତ ହେବ ।
ସୂଚନା ଥାଉ କି, 'କୁଚ୍ଚ କୁଚ୍ଚ ହୋତା ହେ' ଫିଲ୍ମ ଅକ୍ଟୋବର 16, 1998 ରେ ମୁକ୍ତିଲାଭ କରିଥିଲା । ଏବଂ ଏହି ଫିଲ୍ମ ବେଶ ଲୋକପ୍ରିୟତା ହାସଲ କରିବା ସହ ସୁପରହିଟ୍ ହୋଇଥିଲା । ଏପରିକି ଆଜି ବି ଏହି ଫିଲ୍ମର କ୍ରେଜ ଲୋକଙ୍କ ମଧ୍ୟରେ ଦେଖିବାକୁ ମିଳିଛି । ଏଥିସହ ଏହି ଫିଲ୍ମ ଜରିଆରେ କରଣ ଜୋହର ବଲିଉଡରେ ନିର୍ଦ୍ଦେଶନା ଭାବେ କ୍ୟାରିଅର ଆରମ୍ଭ କରିଥିଲେ । ଏହା ହେଉଛି ତାଙ୍କର ପ୍ରଥମ ଡେବ୍ୟୁ ଫିଲ୍ମ । ତେବେ ଏହି 16 ଅକ୍ଟୋବରରେ ଚଳଚ୍ଚିତ୍ରଟି 25 ବର୍ଷ ପୂରଣ କରୁଛି । ଏହି ଅବସରରେ ଶାହାରୁଖ କାଜୋଲ ଏବଂ ରାଣୀ ମୁଖାର୍ଜୀଙ୍କ ବନ୍ଧୁତା ଏବଂ ଲଭଷ୍ଟୋରୀକୁ ପୁଣି ଲୋକେ ଉପଭୋଗ କରିବେ ।
ଏହା ମଧ୍ୟ ପଢନ୍ତୁ: ଦୂର ହେଲା କି ମତଭେଦ ? କଫି ୱିଥ୍ କରଣ ସିଜନ ୮ରେ ନଜର ଆସିପାରନ୍ତି କାର୍ତ୍ତିକ
ସେପଟେ ନିକଟରେ ଫିଲ୍ମର ଲୋକପ୍ରିୟ ଗୀତ 'ତୁଝେ ୟାଦ ନା ମେରୀ ଆଇ' ରିମେକ୍ ନେଇ ଘୋଷଣା କରିଥିଲେ । ନିର୍ମାତା ତାଙ୍କ ଅଫିସିଆଲ ଇନଷ୍ଟାଗ୍ରାମରେ ଏନେଇ ଘୋଷଣା କରିଥିଲେ । ଯାହାକୁ ଲୋକପ୍ରିୟ ଗାୟକ ବି ପ୍ରାକ ଗାଇବେ । ଏହି ଗୀତ ଶୀଘ୍ର ମୁକ୍ତିଲାଭ କରିବ । ଫିଲ୍ମର ପୋଷ୍ଟର ସେୟାର କରି କରଣ ଜୋହର ଏହି ଗୀତର 2.0 ଭର୍ସନ ଆସୁଛି ବୋଲି ଲେଖିଥିଲେ ।
