ହାଇଦ୍ରାବାଦ: ବିବାଦୀୟ ବୟାନ ପାଇଁ ଚର୍ଚ୍ଚାରେ ରହୁଥିବା ବଲିଉଡର ଅଭିନେତ୍ରୀ ସ୍ୱରା ଭାସ୍କର ନିଜ ବ୍ୟକ୍ତିଗତ ଜୀବନକୁ ନେଇ ଏକ ବଡ଼ ଖୁଲାସା କରିଛନ୍ତି । ଆଜିକାଲି ସ୍ୱରା ତାଙ୍କର ଆଗାମୀ ଫିଲ୍ମ 'Jahaan Chaar Yaar' ର ପ୍ରମୋସନରେ ବ୍ୟସ୍ତ ଅଛନ୍ତି । ଏହି ଫିଲ୍ମରେ ତାଙ୍କ ସହ ଶିଖା ତଲସାନିଆ, ପୂଜା ଚୋପ୍ରା ଏବଂ ମେହେର ବିଜୟ ମଧ୍ୟ ଅଭିନୟ କରିଛନ୍ତି । ଏହି ସମୟରେ ଅଭିନେତ୍ରୀ ଶାହାରୁଖ ଖାନଙ୍କୁ ନେଇ ଏକ ବଡ ଗୁମର ଖୋଲିଛନ୍ତି । ସ୍ୱରା କହିଛନ୍ତି କି, ଶାହାରୁଖଙ୍କ ଯୋଗୁଁ ତାଙ୍କ ଲଭ୍ ଲାଇଫ୍ ବରବାଦ ହୋଇଛି । ଆସନ୍ତୁ ଜାଣିବା ଏହି କାହାଣୀ ପଛରେ ସମ୍ପୂର୍ଣ୍ଣ ସତ୍ୟ କ’ଣ ?
ଶାହାରୁଖଙ୍କ ଯୋଗୁଁ ସିଙ୍ଗଲ ଅଛନ୍ତି ସ୍ବରା
ସ୍ୱରା କହିଛନ୍ତି- ମୋର ପ୍ରେମ ଜୀବନକୁ ନଷ୍ଟ କରିଥିବାରୁ ମୁଁ ଆଦିତ୍ୟ ଚୋପ୍ରା ସାର୍ ଏବଂ ଶାହାରୁଖ ଖାନଙ୍କୁ ଦାୟୀ କରିବି। ମୁଁ 'ଦିଲୱାଲେ ଦୁଲହାନିଆ ଲେ ଜାୟେଙ୍ଗେ' ସେହି ସମୟରେ ଦେଖିଥିଲି, ଯେଉଁ ସମୟରେ ସମସ୍ତେ ସ୍ବପ୍ନ ଦେଖିବା ଆରମ୍ଭ କରନ୍ତି । ସେବେଠାରୁ ମୁଁ ମୋର ରାଜ୍ ଖୋଜୁଛି । ଯେଉଁ ରାଜ୍ ଶାହାରୁଖ ଖାନଙ୍କ ପରି ଦେଖାଯାଏ । ତେବେ ମୋତେ ବୁଝିବାକୁ ଅନେକ ବର୍ଷ ଲାଗିଗଲା କି, ଏହି ଦୁନିଆରେ କୌଣସି ରାଜ୍ ରହି ହିଁ ପାରିବେ ନାହିଁ ।
ସିଙ୍ଗଲ ଅଛନ୍ତି ସ୍ବରା
ସ୍ୱରା କହିଛନ୍ତି ଯେ ମୁଁ ଭାବୁ ନାହିଁ ଯେ, ମୁଁ ସମ୍ପର୍କ ନିଭାଇବାରେ ଭଲ ଅଟେ, କିନ୍ତୁ ପୁରୁଷଙ୍କ ସହିତ ବନ୍ଧୁତ୍ବ ଭଲ ରହିଛି ।ଏହି ସମୟରେ ପୂଜା ମଧ୍ୟ ପ୍ରକାଶ କରିଛନ୍ତି ଯେ ସ୍ୱରା ଅବିବାହିତ, ସେ କାହାକୁ ଡେଟ କରିବାକୁ ପ୍ରସ୍ତୁତ ଅଛନ୍ତି । ଏଥିରେ ସ୍ୱରା ତୁରନ୍ତ ଉତ୍ତର ଦେଇ କହିଛନ୍ତି- ବର୍ତ୍ତମାନ ମୁଁ ଏହା କରିପାରିବି ନାହିଁ, ମୋ ଭିତରେ ବର୍ତ୍ତମାନ ସେତିକି ଶକ୍ତି ନାହିଁ । ସ୍ୱରା ଆହୁରି କହିଛନ୍ତି- ଏକାକୀ ଜୀବନ ଜୀଇଁବା କଷ୍ଟକର ।
ଉଲ୍ଲେଖନୀୟ ଯେ, 2018 ମସିହାରେ ସ୍ୱରା ଫିଲ୍ମ 'Veere Di Wedding'ରେ ନଜର ଆସିଥିଲେ, ଯେଉଁଥିରେ ସେ କରୀନା କପୁର ଖାନ, ସୋନମ କପୁର ଏବଂ ଶିଖା ତଲସାନିଆଙ୍କ ସହ ନଜର ଆସିଥିଲେ । ଏବେ ସ୍ୱରା ପୁଣିଥରେ ଏହି ଅଭିନେତ୍ରୀଙ୍କ ସହିତ 'Jahaan Chaar Yaar'ରେ ନଜର ଆସିବେ । ଏହି ଚଳଚ୍ଚିତ୍ରଟି ଚାରିଜଣ ମହିଳାଙ୍କ ବନ୍ଧୁତା ଏବଂ ବଣ୍ଡିଂ ଉପରେ ଆଧାରିତ । ଏହି ଫିଲ୍ମ 16 ସେପ୍ଟେମ୍ବରରେ ରିଲିଜ ହେବାକୁ ଯାଉଛି ।
