ମୁମ୍ବାଇ: ଭୁଲ ଭୁଲେୟା ପରେ ପୁଣି ବଡ଼ ପରଦାରେ ଧମାକା କରିବାକୁ ଯାଉଛନ୍ତି ବଲିଉଡ ଅଭିନେତା କାର୍ତ୍ତିକ ଆର୍ଯ୍ୟନ ଏବଂ ଲୋକପ୍ରିୟ ଅଭିନେତ୍ରୀ କିଆରା ଆଡଭାଣୀ । 'ସତ୍ୟପ୍ରେମ କି କଥା' ଫିଲ୍ମ ସହ ଏହି ଯୋଡ଼ିର ଅନସ୍କ୍ରିନ ରୋମାନ୍ସ ପୁଣି ଦେଖିବାକୁ ମିଳିବ । ତେବେ ପୂର୍ବରୁ ଫିଲ୍ମର ଟିଜର ରିଲିଜ ହୋଇଥିବା ବେଳେ ପ୍ରତିଶ୍ରୁତି ଅନୁଯାୟୀ ଆଜି ଫିଲ୍ମର ଟ୍ରେଲର ରିଲିଜ ହୋଇଛି । ଟିଜରରେ ଜଣେ ଦମ୍ପତିଙ୍କ ପ୍ରେମ କାହାଣୀର ଝଲକ ଦେଖିବାକୁ ମିଳିଥିବା ବେଳେ ବର୍ତ୍ତମାନ ଟ୍ରେଲରରେ କାର୍ତ୍ତିକ-କିଆରା ସେମାନଙ୍କ ପ୍ରେମ କାହାଣୀକୁ ସଫଳ କରିବାକୁ କେତେ ଚେଷ୍ଟା କରୁଛନ୍ତି, ତାହା ଦେଖିବାକୁ ମିଳିଛି ।
- " class="align-text-top noRightClick twitterSection" data="">
2.35 ମିନିଟର ଟ୍ରେଲରରେ କାର୍ତ୍ତିକ ମଧ୍ୟବିତ୍ତ ପରିବାରରୁ ଆସିଥିବା ଦେଖା ଯାଇଥିବା ବେଳେ କିଆରା ଏକ ରାଜ ପରିବାରରୁ ଆସିଥିବା ଦେଖିବାକୁ ମିଳିଛି । କାର୍ତ୍ତିକଙ୍କ ନାମ ସତ୍ୟପ୍ରେମ ହୋଇଥିବାବେଳେ କିଆରାଙ୍କ ନାମ କଥା । ଆରମ୍ଭରୁ ହିଁ କାର୍ତ୍ତିକ କିଆରାଙ୍କୁ ଭଲପାଇ ବସନ୍ତି । ଉଭୟ ପ୍ରେମରେ ପଡ଼ି ବିବାହ କରନ୍ତି। ପରେ ଏପରି କିଛି ଘଟେ ଯେ ଗୋଟିଏ ସମୟରେ ଦୁହିଁଙ୍କ ଅଲଗା ହେବାକୁ ପଡ଼େ । ବର୍ତ୍ତମାନ ସେହି ସସପେନ୍ସ କେବଳ ଫିଲ୍ମ ଦେଖିବା ପରେ ଜଣା ପଡିବ। ତେବେ ଫିଲ୍ମରେ କମେଡି ସହ ଲଭ୍ ଏବଂ ହାର୍ଟବ୍ରେକ୍ର ମିଶ୍ରିତ କାହାଣୀ ଦେଖିବାକୁ ମିଳିବ । ଫିଲ୍ମର କାହାଣୀ ଦର୍ଶକଙ୍କ ମନକୁ ଛୁଇଁବା ସହ ବେଶ ଏଣ୍ଟରଟେନମେଣ୍ଟ କରିବ ବୋଲି ଆଶା କରାଯାଉଛି ।
ନିକଟରେ ନିର୍ମାତାମାନେ ଫିଲ୍ମର ଟିଜର ସହ 'ନସିବ ସେ' ଗୀତ ରିଲିଜ୍ କରିଥିଲେ । ଟିଜରରେ ଏବଂ ଗୀତରେ କାର୍ତ୍ତିକ ଏବଂ କିଆରାଙ୍କ ରୋମାଣ୍ଟିକ ଝଲକ ସୁନ୍ଦର ଭାବରେ ପ୍ରଦର୍ଶିତ ହୋଇଛି । ଯାହାକୁ ଫ୍ୟାନ୍ସ ବେଶ ପସନ୍ଦ କରିଛନ୍ତି । ଗତକାଲି ଫିଲ୍ମର ନୂଆ ପୋଷ୍ଟର ରିଲିଜ କରି ନିର୍ମାତା ଟ୍ରେଲର ରିଲିଜ ତାରିଖ ଘୋଷଣା କରିଥିଲେ । ତେବେ ଆଜି ଟ୍ରେଲର ରିଲିଜ ହୋଇଛି । 1 ଘଣ୍ଟା ମଧ୍ୟରେ ଟ୍ରେଲରକୁ 5ଲକ୍ଷରୁ ଅଧିକ ଭିୟୁ ମିଳିସାରିଲାଣି ।
ସୂଚନା ଥାଉ କି, ସମୀର ବିଦଭାନ୍ସଙ୍କ ଦ୍ୱାରା ନିର୍ଦ୍ଦେଶିତ ଏବଂ ସାଜିଦ ନାଦିଆଡାୱାଲା ପ୍ରଡକ୍ସନ୍ ହାଉସରେ ନିର୍ମିତ ଫିଲ୍ମ 'ସତ୍ୟପ୍ରେମ କି କଥା' ଆସନ୍ତା ଜୁନ 29ରେ ସିନେମାହଲରେ ରିଲିଜ ହେବ । ଫିଲ୍ମରେ କାର୍ତ୍ତିକ ଏବଂ କିଆରାଙ୍କ ବ୍ୟତୀତ ଗଜରାଜ ରାଓ, ସୁପ୍ରିୟା ପାଠକ, ସିଦ୍ଧାର୍ଥ ରନ୍ଧେରିଆ, ଅନୁରାଧା ପଟେଲ, ରାଜପାଲ ଯାଦବ, ନିର୍ମିତ ସାୱନ୍ତ ଏବଂ ଶିଖା ତଲସାନିଆ ମୁଖ୍ୟ ଭୂମିକାରେ ନଜର ଆସିବେ । ଭୁଲ ଭୁଲେୟା ପରେ ପ୍ରେମ-ରୋମାଣ୍ଟିକ୍-ଡ୍ରାମା ଫିଲ୍ମ 'ସତ୍ୟପ୍ରେମ କି କଥା'ରେ କାର୍ତ୍ତିକ ଏବଂ କିଆରାଙ୍କ ଯୋଡ଼ିକୁ ପୁଣି ସିଲଭର ସ୍କ୍ରିନରେ ଏକାଠି ଦେଖିବାକୁ ଫ୍ୟାନ୍ସ ଉତ୍ସାହର ସହ ଅପେକ୍ଷା କରିଛନ୍ତି ।
