ହାଇଦ୍ରାବାଦ: କାର୍ତ୍ତିକ ଆର୍ଯ୍ୟନ ଏବଂ କିଆରା ଆଡଭାନୀଙ୍କ ଅଭିନୀତ ଚଳଚ୍ଚିତ୍ର 'ସତ୍ୟପ୍ରେମ କି କଥା' ରିଲିଜ କରିବାର ଦ୍ୱାଦଶ ଦିନରେ ପହଞ୍ଚିଛି । ଏକାଦଶ ଦିନ (ରବିବାର)ରେ ଫିଲ୍ମ ବକ୍ସ ଅଫିସରେ ପୁଣି ଭଲ କଲେକ୍ସନ କରିବାରେ ସଫଳ ହୋଇଛି । ଫିଲ୍ମ ଏହି ଦିନରେ 5କୋଟିରୁ ଅଧିକ ଆୟ କରିଛି । ବର୍ତ୍ତମାନ ଏହି ସପ୍ତାହରେ ଫିଲ୍ମ 100 କୋଟି କ୍ଲବରେ ସାମିଲ ହେବା ନେଇ ଆଶା କରାଯାଉଛି ।
'ସତ୍ୟପ୍ରେମ କି କଥା' ବକ୍ସ ଅଫିସରେ ଏବେ ଭଲ ପ୍ରଦର୍ଶନ କରୁଛି । ଫିଲ୍ମଟି ଏକାଦଶ ଦିନ(ରବିବାର)ରେ ଭଲ କଲେକ୍ସନ କରିଛି । 11ତମ ଦିନରେ 5.25 କୋଟି ଟଙ୍କା ସଂଗ୍ରହ କରିଛି । ଏହା ସହିତ ଫିଲ୍ମର ମୋଟ ସଂଗ୍ରହ 66.06 କୋଟି ଟଙ୍କାକୁ ବୃଦ୍ଧି ପାଇଛି । ଫିଲ୍ମଟି 9.25 କୋଟି ସହ ଓପନିଂ କରିଥିବାବେଳେ ତାଙ୍କର ପୂର୍ବ ହିଟ୍ ଫିଲ୍ମ 'ଭୁଲ ଭୁଲେୟା 2' ପ୍ରଥମ ଦିନରେ ଦେଶବ୍ୟାପୀ 14.11 କୋଟି ସଂଗ୍ରହ କରିଥିଲା । 'ସତ୍ୟପ୍ରେମ କି କଥା' କାର୍ତ୍ତିକ ଏବଂ କିଆରାଙ୍କ ଏହା ଦ୍ୱିତୀୟ ହିଟ୍ ଫିଲ୍ମ ହୋଇପାରିଛି ।
ବକ୍ସ ଅଫିସ କଲେକ୍ସନ: 'ସତ୍ୟପ୍ରେମ କି କଥା'
- ପ୍ରଥମ ଦିନ (ଜୁନ 29, ଗୁରୁବାର)- 9.25 କୋଟି ଟଙ୍କା
- ଦ୍ୱିତୀୟ ଦିନ (ଜୁନ 30, ଶୁକ୍ରବାର)- 7 କୋଟି ଟଙ୍କା
- ତୃତୀୟ ଦିନ- (ଜୁଲାଇ 1, ଶନିବାର)- 10.1 କୋଟି ଟଙ୍କା
- ଚତୁର୍ଥ ଦିନ- (ଜୁଲାଇ 2, ରବିବାର)- 12.15 କୋଟି ଟଙ୍କା
- ପଞ୍ଚମ ଦିନ- (ଜୁଲାଇ 3, ସୋମବାର)- 4 କୋଟି ଟଙ୍କା
- ଷଷ୍ଠ ଦିନ-(ଜୁଲାଇ 4, ମଙ୍ଗଳବାର)- 4.5 କୋଟି ଟଙ୍କା
- ସପ୍ତମ ଦିନ-(ଜୁଲାଇ 5, ବୁଧବାର)-3.85 କୋଟି ଟଙ୍କା
- ଅଷ୍ଟମ ଦିନ-(ଜୁଲାଇ 6, ଗୁରୁବାର)-2.70 କୋଟି ଟଙ୍କା
- ନବମ ଦିନ-(ଜୁଲାଇ 7, ଶୁକ୍ରବାର)-2.85 କୋଟି ଟଙ୍କା
- ଦଶମ ଦିନ-(ଜୁଲାଇ 8, ଶନିବାର)-4.85 କୋଟି ଟଙ୍କା
- ଏକାଦଶ ଦିନ-(ଜୁଲାଇ 9, ଶନିବାର)-5.25 କୋଟି ଟଙ୍କା
- ଫିଲ୍ମର ମୋଟ ସଂଗ୍ରହ 66.06 କୋଟି ଟଙ୍କାକୁ ବୃଦ୍ଧି ପାଇଛି
ସୂଚନା ଥାଉ କି, ଦ୍ୱିତୀୟ ଥର ପାଇଁ ସତ୍ୟପ୍ରେମ କି କଥା ସହ କାର୍ତ୍ତିକ-କିଆରାଙ୍କ ଯୋଡିକୁ ସ୍କ୍ରିନରେ ଦେଖିବାକୁ ମିଳିଛି । ଏହାପୂର୍ବରୁ କାର୍ତ୍ତିକ-କିଆରାଙ୍କ ଯୋଡ଼ି ଫିଲ୍ମ 'ଭୁଲ ଭୁଲେୟା-୨' ସହିତ ବକ୍ସ ଅଫିସରେ ଧମାକା କରିଥିଲା । ସେପଟେ ସତ୍ୟପ୍ରେମଙ୍କ କାହାଣୀର କାହାଣୀ ବିଷୟରେ କହିବାକୁ ଗଲେ, ଏହା ଏକ ରୋମାଣ୍ଟିକ ଲଭଷ୍ଟୋରୀ ଫିଲ୍ମ ଅଟେ । ଫିଲ୍ମରେ କାର୍ତ୍ତିକ ବେକାର ସତ୍ୟପ୍ରେମ ଅଗ୍ରୱାଲଙ୍କ ଭୂମିକାରେ ନଜର ଆସିଛନ୍ତି । ଏଥିସହ କିଆରା କଥା କପାଡିଆ ଭୂମିକାରେ ନଜର ଆସିଛନ୍ତି । କିଆରା ଆଡଭାନୀଙ୍କୁ ତାଙ୍କ ବୟଫ୍ରେଣ୍ଡ ଧୋକା ଦେଇଛି । ଏହାପରେ ଏଭଳି ପରିସ୍ଥିତି ଉପୁଜୁଛି ଯେ, ସତ୍ୟପ୍ରେମଙ୍କ ଇଚ୍ଛା ବିନା ବିବାହ ହେଉଛି । ଏହାପରେ ଏହିପରି ଅନେକ ଟ୍ୱିଷ୍ଟ୍ ଏବଂ ଟର୍ନ୍ ଫିଲ୍ମରେ ଆସିଛି ଯାହାକି ବହୁତ ଆକର୍ଷଣୀୟ ହୋଇଛି ।
