ଭୋପାଳ: ବଲିଉଡ ଅଭିନେତ୍ରୀ ସାରା ଅଲି ଖାନ ଆଗାମୀ ଫିଲ୍ମ 'ଜରା ହଟକେ ଜରା ବଚକେ' ପାଇଁ ଶିରୋନାମାରେ ରହିଛନ୍ତି । ସେ ଆଜିକାଲି ଫିଲ୍ମର ପ୍ରମୋସନରେ ବ୍ୟସ୍ତ ଅଛନ୍ତି । ଫିଲ୍ମର ପ୍ରମୋସନ ପାଇଁ ସେ ପୂର୍ବରୁ ରାଜସ୍ଥାନ, ଲକ୍ଷ୍ନୌ ଭଳି ଅନେକ ସ୍ଥାନ ପରେ ଏବେ ମଧ୍ୟପ୍ରଦେଶରେ ପହଞ୍ଚିଛନ୍ତି । ସେଠାରେ ସେ ଉଜୈନ ଜିଲ୍ଲାରେ ଅବସ୍ଥିତ ମହାକାଳେଶ୍ବର ମନ୍ଦିର ପରିଦର୍ଶନ କରି ଆର୍ଶୀବାଦ ଲୋଡିଛନ୍ତି । ତେବେ ଫିଲ୍ ରିଲିଜ ପୂର୍ବରୁ ସେ ଅନେକ ଧାର୍ମିକ ସ୍ଥାନରେ ଆର୍ଶୀବାଦ ନେଉଥିବା ଦେଖିବାକୁ ମିଳିଛି ।
ଆଜି ସକାଳେ ଅଭିନେତ୍ରୀ ମହାକାଳେଶ୍ବରଙ୍କ ମନ୍ଦିର ଯାଇ ବାବା ମହାକାଳଙ୍କ ଦର୍ଶନ ସହ 'ଭସ୍ମ ଆରତୀ'ରେ ମଧ୍ୟ ଭାଗ ନେଇଥିଲେ । ଭସ୍ମ ଆରତୀ (ଭସ୍ମ ସହି ପ୍ରସାଦ) ଏଠାରେ ଏକ ପ୍ରସିଦ୍ଧ ରୀତିନୀତି । ବ୍ରହ୍ମ ମୁହୁର୍ତ୍ତରେ ସକାଳ 4 ଟାରୁ 5:30 ମଧ୍ୟରେ ଏହା କରାଯାଇଥାଏ । ମନ୍ଦିର ନୀତି ଅନୁଯାୟୀ ମହିଳାମାନେ ଏହି ଆରତୀ ସମୟରେ ଶାଢୀ ପିନ୍ଧିବା ବାଧ୍ୟତାମୂଳକ ଅଟେ । ଏହାକୁ ଧ୍ୟାନରେ ରଖି ଏହି ସମୟରେ ସାରା ପିଙ୍କ ରଙ୍ଗର ଶାଢୀରେ ପାରମ୍ପରିକ ଲୁକରେ ନଜର ଆସିଛନ୍ତି । ପାରମ୍ପରିକ ରୀତିନୀତିରେ ମନ୍ଦିରରେ ପୂଜା ସହ ଜଳାଭିଷେକ କରିଛନ୍ତି ଅଭିନେତ୍ରୀ ।
ତେବେ ସେ ପ୍ରଥମ ଥର ନୁହେଁ ଯେ ସେ ମହାକାଳ ମନ୍ଦିର ପରିଦର୍ଶନ କରିଥିଲେ, ସାରା ଅନେକ ଥର ଏଠାକୁ ଆସି ବାବା ମହାକାଳଙ୍କୁ ପୂଜା କରିଥିବା ଦେଖିବାକୁ ମିଳିଛି । ଦର୍ଶନ ସମୟରେ ସେ ମନ୍ଦିର ପରିସରରେ ଥିବା କୋଥୀ ତିର୍ଥା କୁଣ୍ଡରେ ମଧ୍ୟ ଠିଆ ହୋଇଥିଲେ ଏବଂ ଭକ୍ତିରେ ବ୍ୟସ୍ତ ଥିବା ନଜର ଆସିଛନ୍ତି । ଏହି ସମୟରେ ମନ୍ଦିରର ପୁରୋହିତ ସଞ୍ଜୟ ଗୁରୁ କହିଛନ୍ତି, 'ସାରାଙ୍କ ବାବା ମହାକାଳଙ୍କ ଉପରେ ଅଦମ୍ୟ ବିଶ୍ୱାସ ରହିଛି । ସେଥିପାଇଁ ସେ ପ୍ରାୟତଃ ତାଙ୍କ ଦର୍ଶନ ପାଇଁ ଏଠାକୁ ଆସିଥାନ୍ତି ।
- " class="align-text-top noRightClick twitterSection" data="
">
ସୂଚନା ଥାଉ କି, ସାରା ଏବଂ ଭିକି କୌଶଲ ସେମାନଙ୍କର ଆଗାମୀ ଚଳଚ୍ଚିତ୍ର 'ଜରା ହଟକେ ଜରା ବଚକେ'ର ପ୍ରମୋସନ ପାଇଁ ରାଜସ୍ଥାନ, କୋଲକାତା, ଅହମ୍ମଦାବାଦ ଏବଂ ଲକ୍ଷ୍ନୌକୁ ଯାଇଛନ୍ତି । ଯାହାର ଫଟୋ ଏବଂ ଭିଡିଓ ସେ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ସେୟାର କରିଛନ୍ତି । ଏହି ଚଳଚ୍ଚିତ୍ରରେ ଭିକି 'କପିଲ' ଏବଂ ସାରା 'ସୌମ୍ୟା' ଭୂମିକାରେ ନଜର ଆସିବେ ।
ପ୍ରଥମ ଥର ପାଇଁ ଏହି ଦୁଇ ତାରକା ସ୍କ୍ରିନ୍ ସେୟାର କରୁଛନ୍ତି । ବିକି-ସାରାଙ୍କ ଏହି ଫିଲ୍ମ ମଧ୍ୟ ଏକ ଫ୍ୟାମିଲି ରୋମାଣ୍ଟିକ ଡ୍ରାମା କମେଡି ଫିଲ୍ମ । ତେବେ 'ଲୁକା ଛୁପି' ଏବଂ 'ମିମି' ପରି ହିଟ୍ ଫିଲ୍ମ ଦେଇଥିବା ନିର୍ଦ୍ଦେଶକ ଲକ୍ଷ୍ମଣ ଉତ୍ତେକର ନିର୍ଦ୍ଦେଶନା ଦେଇଛନ୍ତି । ଏହି ଫିଲ୍ମ ମଧ୍ୟବିତ୍ତ ପରିବାରର କାହାଣୀକୁ ନେଇ ନିର୍ମିତ ରୋମାଣ୍ଟିକ କମେଡି ଡ୍ରାମା ଫିଲ୍ମ । ଯାହା ଦର୍ଶକଙ୍କୁ ମନୋରଞ୍ଜନ କରିବ ବୋଲି ଆଶା ରଖିଛନ୍ତି ନିର୍ମାତା । ଏହି ଚଳଚ୍ଚିତ୍ରଟି ଜୁନ୍ 2ରେ ସିନେମା ହଲରେ ରିଲିଜ ହେବ । ତେବେ ଦର୍ଶକ ଏହି ଯୋଡିକୁ ବଡ଼ ପରଦାରେ ଦେଖିବାକୁ ଉତ୍ସାହର ସହ ଅପେକ୍ଷା କରିଛନ୍ତି ।
