ହାଇଦ୍ରାବାଦ: 'ମେଟ୍ରୋ ଇନ ଦିନୋ'କୁ ନେଇ ସାରା ଅଲି ଖାନ ଏବଂ ଆଦିତ୍ୟ ରୟ କପୁର ଦୀର୍ଘ ଦିନ ହେଲା ଚର୍ଚ୍ଚାରେ ରହିଆସୁଛନ୍ତି । ଏହି ଫିଲ୍ମ ଘୋଷଣା ହେବା ଦିନ ଠାରୁ ଫ୍ୟାନ୍ସ ଫିଲ୍ମକୁ ନେଇ ବେଶ ଉତ୍ସାହିତ ରହିଛନ୍ତି । ବର୍ତ୍ତମାନ ନିର୍ମାତା ଫିଲ୍ମର ରିଲିଜ ନେଇ ଅପଡେଟ ସେୟାର କରିଛନ୍ତି । ପୂର୍ବରୁ ଏହି ଫିଲ୍ମର ୨ଥର ରିଲିଜ ଡେଟ ଘୋଷଣା କରାଯାଇଥିଲା । ହେଲେ କୌଣସି କାରଣରୁ ନିର୍ମାତା ଏଥିରେ ପରିବର୍ତ୍ତନ କରିଛନ୍ତି ଏବଂ ଫିଲ୍ମ ରିଲିଜକୁ ନୂଆ ତାରିଖ ଆଜି ଘୋଷଣା କରିଛନ୍ତି । ତେବେ ଏହି ଫିଲ୍ମ ଚଳିତ ବର୍ଷ ସେପ୍ଟେମ୍ବର ୧୩ରେ ରିଲିଜ ହେବାକୁ ପ୍ରସ୍ତୁତ ।
ନିର୍ମାତା ଟି-ସିରିଜ ନିଜ ଇନଷ୍ଟାଗ୍ରାମରେ ଫିଲ୍ମର ରିଲିଜ ଡେଟକୁ ନେଇ ସୂଚନା ଦେଇଛନ୍ତି । ସେ ଫିଲ୍ମର ସମସ୍ତ କାଷ୍ଟଙ୍କ ମଧ୍ୟ ଖୁଲାସା କରିଛନ୍ତି । ସେ ଏକ ପୋଷ୍ଟ ସେୟାର କରିଛନ୍ତି ଯେଉଁଥିରେ ଆଦିତ୍ୟ ରୟ କପୁର, ନୀନା ଗୁପ୍ତା, ଅନୁପମ ଖେର, ସାରା ଅଲି ଖାନ, ଫାତିମ ଶେଖ, ପଙ୍କଜ ତ୍ରିପାଠୀ, କକୋର୍ଣ୍ଣା, ଅଲ୍ଲି ଫୈଜଲ ଭଳି ତାରକାଙ୍କୁ ଦେଖିବାକୁ ମିଳିଛି । ଏହାର ଅର୍ଥ ଏହି ଫିଲ୍ମରେ ଆଦିତ୍ୟ ସାରାଙ୍କ ବ୍ୟତୀତ ଏହି ସମସ୍ତ ତାରକା ନଜର ଆସିବେ । ଏହା ସେୟାର କରି ସେ ଲେଖିଛନ୍ତି, ମେଟ୍ରୋ ଇନ ଦିନୋ ନୂଆ ରିଲିଜ ତାରିଖ । ଏହି ଫିଲ୍ମ ୧୩ ସେପ୍ଟେମ୍ବର ୨୦୨୪ରେ ରିଲିଜ ହେବ ।
ସୂଚନା ଥାଉ କି, ଗତ ବର୍ଷ(୨୦୨୩) ଏହି ଫିଲ୍ମ ରିଲିଜ ହେବାର ଥିଲା କିନ୍ତୁ କୌଣସି କାରଣରୁ ତାହା ହୋଇପାରିନଥିଲା । ଏହା ପରେ ପୁଣି ଏହି ଫିଲ୍ମ ମାର୍ଚ୍ଚ ୨୯, ୨୦୨୪ରେ ରିଲିଜ ହେବ ବୋଲି ଘୋଷଣା କରାଯାଇଥିଲା । କିନ୍ତୁ ଏବେ ପୁଣି ନିର୍ମାତା ଏହାର ନୂଆ ରିଲିଜ ତାରିଖ ଘୋଷଣା କରିଛନ୍ତି । ଫିଲ୍ମ ବିଷୟରେ କହିବାକୁ ଗଲେ, ମେଟ୍ରୋ-ଇନ ଦିନୋ ଫିଲ୍ମଟି ଲୋକ ଏବଂ ଲୋକଙ୍କ ଜୀବନ କାହାଣୀ ଉପରେ ଆଧାରିତ ।
ଏହା ମଧ୍ୟ ପଢନ୍ତୁ: 'ମେଟ୍ରୋ-ଇନ୍ ଦିନୋ'ରେ ଶୁଣିବାକୁ ମିଳିବ ଅନୁପମ ଖେରଙ୍କ ସଙ୍ଗୀତ ସ୍ୱର
ଏହି ଚଳଚ୍ଚିତ୍ରର ମୁଖ୍ୟ ଷ୍ଟାର କାଷ୍ଟ ହେଉଛନ୍ତି ଆଦିତ୍ୟ ରୟ କପୁର ଏବଂ ସାରା ଅଲି ଖାନ । ଆଦିତ୍ୟ ରୟଙ୍କ ସହ ପ୍ରଥମ ଥର ପାଇଁ ଅନ୍ ସ୍କ୍ରିନ୍ ରୋମାନ୍ସ କରିବେ ସାରା । ଏହି ଚଳଚ୍ଚିତ୍ରର ନିର୍ମାତା ହେଉଛନ୍ତି ଭୂଷଣ କୁମାର, ଅନୁରାଗ ବସୁ, କୃଷ୍ଣ କୁମାର । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେବେ ଅନୁରାଗ ବସୁ । ଟି-ସିରିଜର ବ୍ୟାନରରେ ଏହି ଫିଲ୍ମ ନିର୍ମାଣ ହୋଇଛି । ଏହି ଚଳଚ୍ଚିତ୍ରରେ ପ୍ରସିଦ୍ଧ ସଂଗୀତଜ୍ଞ ପ୍ରୀତମଙ୍କ ସଙ୍ଗୀତ ରହିଥିବା ବେଳେ ଏଥିରେ ଅନୁପମ ଖେର ମଧ୍ୟ କଣ୍ଠଦାନ କରିଛନ୍ତି ।
