ହାଇଦ୍ରାବାଦ: ଅପେକ୍ଷାର ହୋଇଛି ଅନ୍ତ । ଦୀପାବଳି ଅବସରରେ ସଲମାନ ଖାନଙ୍କ ଫ୍ୟାନ୍ସଙ୍କୁ ଭେଟି । ଆଜି ବଡ ପରଦାରେ ରିଲିଜ ହୋଇଛି ସଲମାନ ଓ କ୍ୟାଟ୍ରିନାଙ୍କ ଅଭିନୀତ ସ୍ପାଇଭର୍ସ ଚଳଚ୍ଚିତ୍ର 'ଟାଇଗର-୩' । ସିନେମା ଆଡଭାନ୍ସ ବୁକିଂରେ ବକ୍ସ ଅଫିସରେ କମାଲ କରିଛି 'ଟାଇଗର-୩' । ବର୍ତ୍ତମାନ ସୁଦ୍ଧା ଆଡଭାନ୍ସ ବୁକିଂରେ ୧୫ କୋଟି ପାର୍ କରିଛି ସଲମାନଙ୍କ ଏହି ସିନେମା । ଫିଲ୍ମ ପ୍ରତି ଏତେ ମାତ୍ରାରେ ଉତ୍ସାହ ଦେଖିବା ପରେ ପ୍ରଥମ ସପ୍ତାହରେ ଟାଇଗର-୩ ୨୦୦ କୋଟି ଟପିବ ବୋଲି ଆକଳନ କରିଛନ୍ତି ସିନେ ସମୀକ୍ଷକ ।
ତେବେ ହିନ୍ଦୀ ସହ ତାମିଲ, ତେଲୁଗୁ, କନ୍ନଡ, ମାଲାୟଲମ୍ ଆଦି ୫ଟି ଭାଷାରେ ମୁକ୍ତିଲାଭ କରିବ ସଲମାନଙ୍କ ଏହି ଫିଲ୍ମ । ମନୀଷ ଶର୍ମା ସିନେମାର ନିର୍ଦ୍ଦେଶନା ଭାର ତୁଲାଇଥିବା ବେଳେ YRF ସ୍ପାଏ ୟୁନିଭର୍ସ ଏହାର ପ୍ରଯୋଜନା ଭାର ସମ୍ଭାଳିଥିଲା । ସକାଳୁ ସକାଳୁ ଫିଲ୍ମ ରିଲିଜ ପରେ ବିଭିନ୍ନ ହଲ ସମ୍ମୁଖରେ ଦର୍ଶକଙ୍କ ଭିଢ ଦେଖିବାକୁ ମିଳିଛି । ସେପଟେ ସଲମାନଙ୍କ ଚଳଚ୍ଚିତ୍ର ପ୍ରେକ୍ଷାଳୟରେ ରିଲିଜ ହେବାପରେ ଫ୍ୟାନ୍ସ ଧୁମଧାମରେ ସେଲିବ୍ରେସନ କରିଛନ୍ତି । ଫ୍ୟାନ୍ସଙ୍କ ସେଲିବ୍ରେସନର ଅନେକ ଭିଡିଓ ଏବଂ ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯେଉଁଥିରେ ସଲମାନଙ୍କ ଫ୍ୟାନ୍ସମାନେ ବାଜା ବଜାଇ ନାଚୁଥିବା ନଜର ଆସିଛନ୍ତି । ସଲମାନଙ୍କ ଫିଲ୍ମ ଟାଇଗର-୩କୁ ନେଇ ଭିନ୍ନ କ୍ରେଜ୍ ଦେଖିବାକୁ ମିଳିଛି ।
ପ୍ରକାଶ ଥାଉକି, ଚଳଚ୍ଚିତ୍ର 'ଟାଇଗର 3' ସାରା ବିଶ୍ବରେ ପ୍ରାୟ 10 ହଜାର ପରଦାରେ ମୁକ୍ତିଲାଭ କରିଛି । ଫିଲ୍ମର ପ୍ରଥମ ସୋ' ସକାଳ 7ଟାରୁ ଆରମ୍ଭ ହୋଇଛି । ଏଥିସହିତ ନଭେମ୍ବର 5ରୁ ଫିଲ୍ମର ଆଡଭାନ୍ସ ବୁକିଂ ଖୋଲା ହୋଇଥିବାବେଳେ ଆଡଭାନ୍ସ ବୁକିଂରେ ଧମାଲ କରିଛି 'ଟାଇଗର 3' । ସେପଟେ YRF ସ୍ପାଏ ୟୁନିଭର୍ସ ଚଳଚ୍ଚିତ୍ରର ଅତ୍ୟଧିକ ଚାହିଦା ହେତୁ ଟାଇଗର-3 ପ୍ରେକ୍ଷାଳୟରେ ଦିନକୁ 24 ଘଣ୍ଟା, ସପ୍ତାହରେ 7 ଦିନ ପ୍ରଦର୍ଶିତ ହେବାର ମଧ୍ୟ କାର୍ଯ୍ୟକ୍ରମ ରହିଛି ।
