ମୁମ୍ବାଇ: ଦୀର୍ଘ ଦିନ ପରେ ଟିଭି ପରଦାରେ ନଜର ଆସିବେ ବଲିଉଡ ଅଭିନେତ୍ରୀ ରିୟା ଚକ୍ରବର୍ତ୍ତୀ । ସୁଶାନ୍ତ ସିଂ ରାଜପୁତଙ୍କ ମୃତ୍ୟୁକୁ ନେଇ ବିବାଦରେ ଛନ୍ଦି ହୋଇଥିବା ରିୟା ଚକ୍ରବର୍ତ୍ତୀଙ୍କୁ ଏକ ନୂଆ ପ୍ରୋଜେକ୍ଟରେ ଦେଖିବାକୁ ମିଳିବ । MTV ଇଣ୍ଡିଆରେ VJ ଭାବରେ ଅଭିନେତ୍ରୀ ରିୟା ନଜର ଆସିବେ । ଯୁବଗୋଷ୍ଠୀଙ୍କ ପ୍ରିୟ ରିଆଲିଟି ସୋ MTV ରୋଡିଜ୍ର 19ତମ ସିଜିନରେ ପ୍ରିନ୍ସ ନରୁଲା ଏବଂ ଗୌତମ ଗୁଲାଟିଙ୍କ ସହ ଗ୍ୟାଙ୍ଗ ଲିଡର ଭାବେ ରିୟାଙ୍କୁ ଦେଖିବାକୁ ମିଳିବ । ଏହି ଶୋ’ ସହ ଯୋଡ଼ି ହୋଇ ରିୟା ଖୁସି ଜାହିର କରିଥିବା ବେଳେ ଏହି ନୂଆ ପ୍ରୋଜେକ୍ଟର ଫ୍ୟାନ୍ସ ତାଙ୍କୁ ସପୋର୍ଟ କରିବା ସହ ଭଲ ପାଇବା ଦେବେ ବୋଲି ଆଶା ରଖିଛନ୍ତି ।
- " class="align-text-top noRightClick twitterSection" data="
">
MTV ରୋଡିଜ୍ ସହ ଯୋଡ଼ି ହେବା ପରେ ପ୍ରତିକ୍ରିୟା ଦେଇ ରିୟା କହିଛନ୍ତି, "MTV ରୋଡିଜ୍ରେ କାମ କରିବାକୁ ନେଇ ଖୁସି ଓ ଉତ୍ସାହିତ ଅଛି । ମୁଁ ସୋନୁ ସୁଦ୍ ଏବଂ ମୋର ସାଥୀ ଗ୍ୟାଙ୍ଗ ଲିଡରଙ୍କ ସହ କାମ କରିବାକୁ ଅପେକ୍ଷା କରିଛି । ଏହି ଥ୍ରୀଲିଂ ଶୋ'ରେ ମୋର ଏକ ନିର୍ଭିକ ବ୍ୟକ୍ତିତ୍ବ ଫ୍ୟାନ୍ସଙ୍କୁ ଦେଖିବାକୁ ମିଳିବ । ଏହି ନୂଆ ଯାତ୍ରା ପାଇଁ ପ୍ରଶଂସକଙ୍କଠାରୁ ଭଲପାଇବା ଏବଂ ସମର୍ଥନ ଆଶା କରୁଥିବା କଥା କହିଛନ୍ତି ରିୟା ।
MTV ରୋଡିଜର ନୂଆ ସିଜିନର ଥିମ୍ ରହିଛି 'କର୍ମ ୟା କାଣ୍ଡ' । ଅଭିନେତା ସୋନୁ ସୁଦଙ୍କୁ ଏହି ଶୋ'ର ହୋଷ୍ଟ ଭାବରେ ଦେଖିବାକୁ ମିଳିବ । ଏହାକୁ ନେଇ ଶୋ'ର ମୁଖ୍ୟ ତଥା କଣ୍ଟେଣ୍ଟ ଅରିଜିନାଲର ମୁଖ୍ୟ ଦେବରାହ ପଲିକାର୍ପ କହିଛନ୍ତି, "ଏହି ଶୋ' ଯୁବଗୋଷ୍ଠୀଙ୍କୁ ମନୋରଞ୍ଜନର ଖୋରାକ ଯୋଗାଇବା ସହ ଏକ ସାଂସ୍କୃତିକ ଆଧାର ସୃଷ୍ଟି କରିଛି । ରୋଡିଜର ଏହି ନୂଆ ସିଜିନରେ ରିୟା ପୁଣି ତାଙ୍କ କ୍ୟାରିଅର୍ ଆରମ୍ଭ କରିବାକୁ ଯାଉଛନ୍ତି, ଯାହା ଏକ ଖୁସିର କଥା ।"
ରିୟାଙ୍କୁ ଶେଷ ଥର ପାଇଁ 2021 ବଲିଉଡ ଫିଲ୍ମ 'ଚେହେରେ'ରେ ଦେଖିବାକୁ ମିଳିଥିଲା । ଯେଉଁଥିରେ ବିଗ ବି ଅମିତାଭ ବଚ୍ଚନ, ଅଭିନେତା ଇମ୍ରାନ ହାସମି, କ୍ରିଷ୍ଟଲେ ଡି’ସୁଜା, ସିଦ୍ଧାନ୍ତ କପୁର, ଅନୁ କପୁର, ଆଲେକ୍ସ ଓ’ନେଲ, ସମୀର ସୋନି, ଧୃତିମାନ ଚାଟାର୍ଜୀ ଏବଂ ରଘୁବୀର ଯାଦବ ଅଭିନୟ କରିଥିଲେ । ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ବିବାଦରେ ଛନ୍ଦି ହେବା ପରେ ଏହି ଅଭିନେତ୍ରୀଙ୍କୁ ଫିଲ୍ମରେ କାମ ମିଳିବା ମୁସ୍କିଲ ହୋଇ ପଡ଼ିଛି । ଏହାରି ମଧ୍ୟରେ ବର୍ତ୍ତମାନ ତାଙ୍କୁ ରୋଡିଜରେ ଗ୍ୟାଙ୍ଗ ଲିଡର ଭାବେ ନଜର ଆସିବେ ।
