ହାଇଦ୍ରାବାଦ: ନ୍ୟାସନାଲ କ୍ରସ କୁହାଯାଉଥିବା ଅଭିନେତ୍ରୀ ରଶ୍ମିକା ମନ୍ଦାନା ଆଜି ତାଙ୍କର 26 ତମ ଜନ୍ମଦିନ ପାଳନ କରୁଛନ୍ତି । ରଶ୍ମିକା ଏବଂ ତାଙ୍କ ପ୍ରଶଂସକଙ୍କ ପାଇଁ ଆଜି ଏକ ବିଶେଷ ଦିନ । ସେ ସୋସିଆଲ ମିଡିଆରେ ପ୍ରଶଂସକମାନଙ୍କୁ ଧନ୍ୟବାଦ ଜଣାଇବା ସହିତ ସେଲିବ୍ରିଟିମାନେ ତାଙ୍କ ଉପରେ ପ୍ରେମ ବର୍ଷା କରୁଛନ୍ତି । ତେବେ ରଶ୍ମିକାଙ୍କ ଜନ୍ମଦିନ ଅବସରରେ, ଆମେ ଆପଣଙ୍କୁ ତାଙ୍କ ସହ ଜଡିତ କିଛି ଅଜଣା କଥା ସମ୍ପର୍କରେ କହିବୁ...
ନିଜର ସୁନ୍ଦର ହସ ସହିତ ସମସ୍ତଙ୍କ ହୃଦୟ ଜିତିନେଇଥିବା ରଶ୍ମିକା ମନ୍ଦନା କର୍ଣ୍ଣାଟକରେ ଜନ୍ମଗ୍ରହଣ କରିଥିଲେ । ସେ କର୍ଣ୍ଣାଟକର ବିରଜପେଟରେ ଜନ୍ମଗ୍ରହଣ କରିଥିଲେ। ତାଙ୍କ ପିତା-ମାତାଙ୍କ ନାମ ସୁମନ ଏବଂ ମଦନ ମନ୍ଦନା । ରଶ୍ମିକା ଏମ୍,ଏସ୍ ରାମାୟା କଳା, ବିଜ୍ଞାନ ଏବଂ ବାଣିଜ୍ୟ ମହାବିଦ୍ୟାଳୟ (M. S. Ramaiah College of Arts, Science and Commerce) ରୁ ସ୍ନାତକୋତ୍ତର ସମାପ୍ତ କରିଥିଲେ। ସେ ସାଇକୋଲୋଜି, ଇଂରାଜୀ ଲିଟରେଚର ଏବଂ ସାମ୍ବାଦିକତା କ୍ଷେତ୍ରରେ ସ୍ନାତକ କରିଛନ୍ତି । କିନ୍ତୁ ସେ ନିଜ କ୍ୟାରିୟର ପାଇଁ ଅଭିନୟ ବାଛିଥିଲେ ।
ରଶ୍ମିକା ମନ୍ଦାନା ସାଉଥ୍ ସିନେମାର ଜଣେ ଜଣାଶୁଣା ଅଭିନେତ୍ରୀ । 2016 ରେ, ରଶ୍ମିକା ତାଙ୍କ ଅଭିନୟ କ୍ୟାରିଅର ଆରମ୍ଭ କରିଥିଲେ । ସେ କନ୍ନଡ ଚଳଚ୍ଚିତ୍ର କିରିକ ପାର୍ଟିରେ ଡେବ୍ୟୁ କରିଥିଲେ। ଏହା ତାଙ୍କ ସମୟର ସର୍ବାଧିକ ଆୟ କରିଥିବା କନ୍ନଡ ଚଳଚ୍ଚିତ୍ରରେ ପରିଣତ ହୋଇଥିଲା । ରଶ୍ମିକାଙ୍କ ପ୍ରଦର୍ଶନକୁ ପ୍ରଶଂସା କରାଯାଇଥିଲା ଏବଂ ସେ ଶ୍ରେଷ୍ଠ ଡେବ୍ୟୁ ପାଇଁ ପୁରସ୍କାର ମଧ୍ୟ ପାଇଥିଲେ।
ଏହା ବି ପଢନ୍ତୁ: Mission Majnuର ରିଲିଜ୍ ଡେଟ୍ ଘୋଷଣା, କମାଲ କରିବେ ସିଦ୍ଧାର୍ଥ-ରଶ୍ମିକା
ଏହା ପରେ ରଶ୍ମିକା ମନ୍ଦନା ଆଉ ଦୁଇଟି କନ୍ନଡ ଚଳଚ୍ଚିତ୍ର ଚମକ ଏବଂ ଅଞ୍ଜନି ପୁତ୍ରରେ ନଜର ଆସିଥିଲେ। 2018 ରେ, ରଶ୍ମିକା ପ୍ରଥମେ ବିଜୟ ଦେବରାକୋଣ୍ଡାଙ୍କ ସହ ଗୀତା ଗୋବିନ୍ଦମ୍ ଚଳଚ୍ଚିତ୍ରରେ କାମ କରିଥିଲେ । ଏହି ଚଳଚ୍ଚିତ୍ରରେ ତାଙ୍କର କାର୍ଯ୍ୟକୁ ପ୍ରଶଂସା କରାଯାଇଥିଲା । ତା’ପରେ ମହେଶ ବାବୁଙ୍କ ସହ ରଶ୍ମିକାଙ୍କ ଫିଲ୍ମ Sarileru Neekevvaru ମୁକ୍ତିଲାଭ କରିଥିଲା। ଯାହା ପରେ ତେଲୁଗୁ ଚଳଚ୍ଚିତ୍ର ସର୍ବାଧିକ ଆୟ କରିଥିଲା । ରଶ୍ମିକା ମନ୍ଦନାଙ୍କ କ୍ୟୁଟନେସ ଏବଂ ଅଭିନୟ ପ୍ରତିଭା ତାଙ୍କୁ ଭାରତର ନ୍ୟାସନାଲ କ୍ରସ ବନାଇଦେଇଛି । ଚଳଚ୍ଚିତ୍ର ପୁଷ୍ପା ପାର୍ଟ 1 ରଶ୍ମିକାଙ୍କ କ୍ୟାରିଅରକୁ ଶୀର୍ଷରେ ପହଞ୍ଚାଇଦେଇଛି ଏବଂ ସେ ପୁଣି ଥରେ ଦେଶରେ ଛାଇ ହୋଇଯାଇଛନ୍ତି। ଏବେ ସେ ଶ୍ରୀଭଲି ନାମରେ ପରିଚିତ ହୋଇପାରିଛନ୍ତି ।
26 ବର୍ଷୀୟ ରଶ୍ମିକା ମନ୍ଦାନା ତାଙ୍କ କ୍ୟାରିଅରରେ ସଫଳତା ପାଇଥିବାବେଳେ ତାଙ୍କ ବ୍ୟକ୍ତିଗତ ଜୀବନ ଅନେକ ଅସୁବିଧାର ସମ୍ମୁଖୀନ ହୋଇଛନ୍ତି । ରଶ୍ମିକାଙ୍କ ପ୍ରଥମ ଚଳଚ୍ଚିତ୍ର କିରିକ୍ ପାର୍ଟିରେ ଅଭିନେତା ରକ୍ଷୀତ ଶେଟ୍ଟୀଙ୍କ ସହ ଭେଟ ହୋଇଥିଲା । ଧୀରେ ଧୀରେ ଉଭୟ ପ୍ରେମରେ ପଡିଯାଇଥିଲେ ଏବଂ 2017ରେ ଦୁହେଁ ନିର୍ବନ୍ଧ ମଧ୍ୟ କରିନେଇଥିଲେ । ଅବଶ୍ୟ, ଏହି ପ୍ରେମ କାହାଣୀ ଅଧିକ ଦିନ ତିଷ୍ଠି ରହିଲା ନାହିଁ ଏବଂ 2018 ରେ ଦୁହେଁ ଅଲଗା ହୋଇଗଲେ ।
ଏହା ବି ପଢନ୍ତୁ: Vijay-Rashmika Marriage Rumors: ରିଲେସନସିପ୍କୁ ନେଇ ବକବାସ୍ କହିଲେ ବିଜୟ ଦେବରକୋଣ୍ଡା
କିନ୍ତୁ ଏହା କୁହାଯାଏ ଯେ ଯେତେବେଳେ ତୁମକୁ ସଠିକ୍ ବ୍ୟକ୍ତିଙ୍କ ସାଥ୍ ମିଳିବ ସେତେବେଳେ ତୁମର ପ୍ରେମ ବା ଭଲପାଇବା ପୂରା ହେବ । ବର୍ତ୍ତମାନ ରଶ୍ମିକା ମନ୍ଦନାଙ୍କ ଜୀବନରେ ଆଉ ଜଣେ ବିଶେଷ ବ୍ୟକ୍ତି ଆସିଛନ୍ତି । ଏହି ବିଶେଷ ବ୍ୟକ୍ତି ହେଉଛନ୍ତି ଅଭିନେତା ବିଜୟ ଦେବରାକୋଣ୍ଡା । ବିଜୟ ଏବଂ ରଶ୍ମିକା ପ୍ରାୟତଃ ଏକାଠି ସମୟ ବିତାଉଥିବାର ଦେଖାଯାଏ । କୁହାଯାଏ ଯେ ଉଭୟ ଏକ ସଂପର୍କରେ ଅଛନ୍ତି ଏବଂ ଶୀଘ୍ର ବିବାହ କରିବାକୁ ଯାଉଛନ୍ତି । ତେବେ ଏହି କଥା କେତେ ଦୂର ସତ ତାହା ସମୟ କହିବ।
କାମ ବିଷୟରେ କହିବାକୁ ଗଲେ, ରଶ୍ମିକା ମନ୍ଦାନା ଅନେକ ହିନ୍ଦୀ ଚଳଚ୍ଚିତ୍ର ସାଇନ କରିଛନ୍ତି । ସିଦ୍ଧାର୍ଥ ମାଲହୋତ୍ରାଙ୍କ ଠୁ ନେଇ ଅମିତାଭ ବଚ୍ଚନଙ୍କ ପର୍ଯ୍ୟନ୍ତ ରଶ୍ମିକା ସେମାନଙ୍କ ସହ ନଜର ଆସିବେ। ଏହା ସହିତ ସେ ପୁଷ୍ପା ପାର୍ଟ -2 ରେ ଏକ ଧମାଲ ମଚାଇବେ।
ବ୍ୟୁରୋ ରିପୋର୍ଟ, ଇଟିଭି ଭାରତ
