ହାଇଦ୍ରାବାଦ: ବଲିଉଡ ଅଭିନେତା ରଣଦୀପ ହୁଡା ଏବଂ ଲିନ ଲୈସରମ ବିବାହ ପରେ ପ୍ରଥମ ଥର ପାଇଁ ଏକାଠି ନୂଆ ବର୍ଷ ପାଳନ କରିଛନ୍ତି । ଉଭୟ ଏହି ଅବସରକୁ ଖାସ୍ କରିବା ପାଇଁ କେରଳରେ ଏହାକୁ ପାଳନ କରିଛନ୍ତି । ସୋସିଆଲ ମିଡିଆରେ ଅଭିନେତା ଉଭୟଙ୍କ ଫଟୋ ସେୟାର କରି ୨୦୨୩କୁ ବିଦାୟ ଦେଇ ୨୦୨୪କୁ ସ୍ବାଗତ କରିଛନ୍ତି । ସେହିପରି ଲଭବାର୍ଡ ତମନ୍ନା ଭାଟ୍ଟିଆ ଏବଂ ବିଜୟ ବର୍ମା ମଧ୍ୟ ନୂଆ ବର୍ଷକୁ ନିଜ ସାଙ୍ଗ ମାନଙ୍କ ସହ ଧୁମଧାମରେ ସେଲିବ୍ରେଟ୍ କରିଛନ୍ତି ।
ରଣଦୀପ ହୁଡା ଏବଂ ଲିନ ଲୈସରମ ନିଜ ଇନଷ୍ଟାଗ୍ରାମରେ ନିଜ ଭ୍ୟାକେସନ୍ର ଫଟୋ ସେୟାର କରିଛନ୍ତି । ସେ ଦୁଇଟି ଫଟୋ ସେୟାର କରିଛନ୍ତି । ଏବେ କ୍ୟାପସନରେ ଲେଖିଛନ୍ତି, ୨୦୨୩ ସୂର୍ଯ୍ୟାସ୍ତ ହୋଇଗଲା । ଫଟୋରେ ରଣଦୀପ ଏବଂ ଲିନ୍ ଏକ ବିଚ୍ରେ ସମୟ ବିତାଉଥିବା ଦେଖିବାକୁ ମିଳିଛି । ସୂର୍ଯ୍ୟାସ୍ତ ସମୟରେ ଉଭୟ ଛିଡ଼ା ହୋଇ ପୋଜ୍ ମଧ୍ୟ ଦେଇଛନ୍ତି । ତେବେ ଏହି ଫଟୋ ସେୟାର ହେବା ମାତ୍ରେ ୨.୫ ଲକ୍ଷରୁ ଅଧିକ ଲାଇକ୍ ମିଳି ସାରିଲାଣି । ଫ୍ୟାନ୍ସ ଏହାକୁ ଲାଇକ୍ କରିବା ସହ ଉଭୟଙ୍କୁ ନୂଆ ବର୍ଷର ଶୁଭେଚ୍ଛା ଜଣାଇଛନ୍ତି ।
ସେହିପରି ତମନ୍ନା ଭାଟ୍ଟିଆ ନିଜ ଇନଷ୍ଟାଗ୍ରାମ ଷ୍ଟୋରୀରେ ନୂଆ ବର୍ଷର ଝଲକ ଦେଖାଇଛନ୍ତି । ବିଜୟ ବର୍ମା ଓ ତମନ୍ନା ସାଙ୍ଗମାନଙ୍କ ସହ ସେଲଫି ନେଉଥିବା ନଜର ଆସିଛନ୍ତି । ଏହି ସମୟରେ ତମନ୍ନା ବ୍ଲାକ୍ ଆଉଟଫିଟ୍ରେ ନଜର ଆସିଥିବା ବେଳେ ବିଜୟ ବ୍ଲାକ ଟି-ସାର୍ଟ ଏବଂ ବ୍ଲୁ ଜ୍ୟାକଟେରେ ନଜର ଆସିଛନ୍ତି । କହିରଖୁଛୁ କି, ଏହା ପ୍ରଥମ ଥର ନୁହେଁ ଉଭୟ ଅନେକ ଥର ନୂଆବର୍ଷ ପାଳନ କରିଛନ୍ତି । ହେଲେ ଉଭୟ ନିଜ ସମ୍ପର୍କକୁ ଅଫିସିଆଲି ଘୋଷଣା କରିଥିବା ବେଳେ କିନ୍ତୁ ବିବାହକୁ ନେଇ ପ୍ରତିକ୍ରିୟା ଦେଇନାହାନ୍ତି ।
ସୂଚନା ଅନୁଯାୟୀ, 'ଲଷ୍ଟ୍ ଷ୍ଟୋରୀ ୨'ର ସୁଟିଂ ସମୟରେ ତମନ୍ନା ଏବଂ ବିଜୟ ବର୍ମା ପ୍ରେମରେ ପଡ଼ିଥିଲେ । ଗତ ବର୍ଷ 2023 ନୂଆବର୍ଷରେ ଗୋଆର ଉଭୟଙ୍କ ଲିପଲକ୍ର ଏକ ଭିଡିଓ ଭାଇରାଲ୍ ହେବାପରେ ଉଭୟଙ୍କ ସମ୍ପର୍କ ସାମ୍ନାକୁ ଆସିଥିଲା । ତମନ୍ନା ଏବଂ ବିଜୟ କିଛି ସମୟ ପୂର୍ବରୁ ନିଜ ସମ୍ପର୍କକୁ ସର୍ବସାଧାରଣରେ ସ୍ୱୀକାର କରିଥିଲେ । ତେବେ ଉଭୟ ୨୦୨୪ରେ ବିବାହ ଯୋଜନା କରିପାରନ୍ତି ବୋଲି କୁହାଯାଉଛି ।
ଏହା ମଧ୍ୟ ପଢନ୍ତୁ: ବିବାହକୁ ନେଇ ବିଜୟଙ୍କ ବୟାନ, କହିଲେ ମାଆଙ୍କୁ କହିନି ତୁମକୁ କଣ ...
ରଣଦୀପ ଏବଂ ଲିନ୍ଙ୍କ ବିଷୟରେ କହିବାକୁ ଗଲେ, ଦୀର୍ଘ ୪ ବର୍ଷ ଡେଟ୍ ପରେ ଲିନ୍ ଲୈସରମ ରଣଦୀପ ହୁଡା ସାତ ଜନ୍ମର ସାଥୀ ହୋଇଛନ୍ତି । ଏହି ଦମ୍ପତି ନଭେମ୍ବର ୨୯ରେ ମଣିପୁରରେ ମୈତେଇ ପାରମ୍ପରିକ ରୀତିନୀତିରେ ବିବାହ କରିଥିଲେ । ୪୭ ବର୍ଷୀୟ ରଣଦୀପ ତାଙ୍କଠୁ ୧୦ ବର୍ଷ ସାନ ଲିନ୍ ଲୈସରମଙ୍କ ପ୍ରେମରେ ପଡ଼ିଥିଲେ । କିନ୍ତୁ ଏବେ ଉଭୟ ପତିପତ୍ନୀ ହୋଇଛନ୍ତି ।
ଏହା ମଧ୍ୟ ପଢନ୍ତୁ: ବିବାହ ପରେ ପ୍ରଥମ ଜନ୍ମଦିନ ପାଳିଲେ ଲିନ ଲୈସରମ, ରୋମାଣ୍ଟିକ ଅନ୍ଦାଜରେ ଶୁଭେଚ୍ଛା ଜଣାଇଲେ ରଣଦୀପ
