ମୁମ୍ବାଇ: ଆଲିଆ ଭଟ୍ଟଙ୍କ ମେହେନ୍ଦି ସେରିମନି ବୁଧବାର ଶେଷ ହୋଇଯାଇଥିବାବେଳେ ଏବେ ସମସ୍ତଙ୍କ ଧ୍ୟାନ ତାଙ୍କ ବିବାହ ଉପରେ ରହିଛି । ଆଲିଆ ଭଟ୍ଟ ଏବଂ ରଣବୀର କପୁରଙ୍କ ପରିବାର ଆଜି (ଏପ୍ରିଲ 14) ପାଇଁ ପ୍ରସ୍ତୁତି ଆରମ୍ଭ କରିଦେଇଛନ୍ତି । କପୁର ପରିବାରର ସଦସ୍ୟଙ୍କ ବରଯାତ୍ରୀ ମୁମ୍ବାଇର ଚେମ୍ବୁରରେ ଥିବା କୃଷ୍ଣା ରାଜ ବଙ୍ଗଳା (ସ୍ୱର୍ଗତ ରାଜ କପୁରଙ୍କ ପତ୍ନୀଙ୍କ ନାମରେ) ରୁ ଆରମ୍ଭ ହୋଇ ଟୋନି ପାଲି ହିଲ ଅଞ୍ଚଳରେ ଥିବା ରଣବୀରଙ୍କ ଘର 'ବାସ୍ତୁ'ରେ ପହଞ୍ଚିବ । ଏଠାରୁ ବରଯାତ୍ରୀ କନିଆଁ ଘରକୁ ଯିବ ।
- " class="align-text-top noRightClick twitterSection" data="
">
2016ରେ ରଣବୀର କପୁର ପରିବାରର ପୈତୃକ ଘରୁ ବାସ୍ତୁକୁ ଯାଇଥିଲେ । ଏହି ଘରକୁ ଗୌରୀ ଖାନଙ୍କ ଦ୍ୱାରା ଡିଜାଇନ କରାଯାଇଛି । ତେବେ ଗତକାଲି ଆଲିଆ ଭଟ୍ଟ ଏବଂ ରଣବୀର କପୁରଙ୍କ ବାସ୍ତୁ ଆପାର୍ଟମେଣ୍ଟରୁ ନୂଆ ଫଟୋ ଏବଂ ଭିଡିଓ ସାମ୍ନାକୁ ଆସିଥିଲା । ଯେଉଁଠାରେ ଟାଇଟ୍ ସିକ୍ୟୁରିଟି ବ୍ୟବସ୍ଥା କରାଯାଇଛି । ଭାଇରାଲ ହେଉଥିବା ଏକ ଭିଡିଓରେ ପୋଲିସ ସୁରକ୍ଷା ଉପରେ ନଜର ରଖୁଥିବାବେଳେ ଅନ୍ୟ ଏକ ଭିଡିଓରେ ସିକ୍ୟୁରିଟିମାନେ ଫୋନରେ ଟେପ୍ ଲଗାଉଥିବା ଦେଖିବାକୁ ମିଳିଥିଲା । ଆଲିଆ ଭଟ୍ଟ ଏବଂ ରଣବୀର କପୁରଙ୍କ ଘର ଭିତରର ଫଟୋ ଏଯାଏଁ ସାମ୍ନାକୁ ନାହିଁ । ଏଥି ସହିତ ଆଲିଆ ଭଟ୍ଟ ଏବଂ ରଣବୀର କପୁରଙ୍କ ବିବାହ କାର୍ଯ୍ୟକ୍ରମ ଆରମ୍ଭ ହେବା ପୂର୍ବରୁ କପୁର ପରିବାର ଋଷି କପୁରଙ୍କ ପାଇଁ ପୂଜା କରାଯାଇଥିଲା ।
- " class="align-text-top noRightClick twitterSection" data="
">
ମେହେନ୍ଦି ସମାରୋହରେ କରୀନା-କରିସ୍ମା
ରଣବୀର କପୁର ଏବଂ ଆଲିଆ ଭଟ୍ଟଙ୍କ ବିବାହ ରୀତିନୀତି ବୁଧବାର ଠାରୁ ଆରମ୍ଭ ହୋଇଛି । ଆଲିଆଙ୍କ ମେହେନ୍ଦୀ ସମାରୋହରେ ଯୋଗଦେବା ପାଇଁ ଅନେକ ବି-ଟାଉନ୍ ସେଲିବ୍ରିଟି ରଣବୀରଙ୍କ ବାନ୍ଦ୍ରା ବାସଭବନରେ ପହଞ୍ଚିଥିଲେ । ଏଥିମଧ୍ୟରେ ରଣବୀରଙ୍କ ସମ୍ପର୍କୀୟ କରିସ୍ମା ଏବଂ କରୀନା କପୁର ସାମିଲ ଥିଲେ । କରୀନା ଧଳା ଲେହେଙ୍ଗାରେ ଦେଖାଯାଇଥିବାବେଳେ କରିସ୍ମା ଥିଲେ ସୁବର୍ଣ୍ଣ ପୋଷାକ ନଜର ଆସିଥିଲେ । ଆଲିଆଙ୍କ ପରାମର୍ଶଦାତା ତଥା ବନ୍ଧୁ କରଣ ଜୋହର ମଧ୍ୟ ସେହି ସ୍ଥାନରେ ହଳଦିଆ କୁର୍ତ୍ତା ପିନ୍ଧିଥିବାର ନଜର ଆସିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
