ମୁସ୍କିଲରେ ରାଜପାଲ ଯାଦବ: ସୁଟିଂ ସମୟରେ ଛାତ୍ରଙ୍କୁ ମାରିଲେ ଧକ୍କା, ଥାନାରେ ଅଭିଯୋଗ

ଅଭିନେତା ରାଜପାଲ ଯାଦବଙ୍କ ନାଁରେ ଏକ ବଡ ଖବର ସାମ୍ନାକୁ ଆସିଛି । ତାଙ୍କ ବିରୋଧରେ ପୋଲିସରେ ଅଭିଯୋଗ ହୋଇଛି । ଜଣେ ଛାତ୍ର ଆଣିଛନ୍ତି ଏହି ଅଭିଯୋଗ । ଅଧିକ ପଢନ୍ତୁ

ପ୍ରୟାଗରାଜ: ପୁଣି ମୁସ୍କିଲରେ ବଲିଉଡର ହାସ୍ୟ ଅଭିନେତା ରାଜପାଲ ଯାଦବ । ସୋମବାର ଫିଲ୍ମର ସୁଟିଂ ସମୟରେ ଦେଖାଦେଇଥିଲା ଉତ୍ତେଜନା। ଜଣେ ଛାତ୍ର ଅଭିନେତାଙ୍କ ନାଁରେ ଆଣିଛନ୍ତି ଅଭିଯୋଗ । ମିଳିଥିବା ସୂଚନାନୁସାରେ, ଅଭିନେତା ଉତ୍ତରପ୍ରଦେଶର ପ୍ରୟାଗରାଜର କତରା ଅଞ୍ଚଳରେ ଫିଲ୍ମର ସୁଟିଂ କରୁଥିଲେ। ସୁଟିଂ ସମୟରେ ତାଙ୍କୁ ଏକ ସ୍କୁଟର ଚଲାଇବାର ଥିଲା। ଏହି ସମୟରେ ସେ ନିୟନ୍ତ୍ରଣ ହରାଇ ଜଣେ ଛାତ୍ରଙ୍କୁ ଧକ୍କା ଦେଇଛନ୍ତି। ଏହା ପରେ ଛାତ୍ର ଜଣକ ଫିଲ୍ମର ଟିମ ନାଁରେ ପୋଲିସ ନିକଟରେ ଅଭିଯୋଗ କରିଥିଲେ। ଅଭିନେତା ମଧ୍ୟ ଅଭିଯୋଗ କରିଛନ୍ତି କି, କିଛି ଲୋକ ସୁଟିଂକୁ ବନ୍ଦ କରିବାକୁ ଚେଷ୍ଟା କରିଥିଲେ।

ସୂଚନା ଅନୁଯାୟୀ ରାଜପାଲ ଯାଦବ ଆଗାମୀ ଚଳଚ୍ଚିତ୍ର 'ଲକ୍ଷ୍ମୀ ଟକିଜ୍'ର ଏକ ସିକ୍ବେନ୍ସର ସୁଟିଂ କରୁଛନ୍ତି । ସକାଳେ ଏହି ସୁଟିଂ ହେଉଥିଲା। ଏହି ଫିଲ୍ମର ସୁଟିଂ ଦେଖିବା ପାଇଁ ଶହ ଶହ ସ୍ଥାନୀୟ ଲୋକ ଏକତ୍ରିତ ହୋଇଥିଲେ । ସେଠାରେ ଅନେକ ଛାତ୍ର ମଧ୍ୟ ଉପସ୍ଥିତ ଥିଲେ। ଏହି ପ୍ରସଙ୍ଗରେ ପୋଲିସର କହିବାନୁସାରେ, ଅଭିନେତା ଏକ ପୁରୁଣା ସ୍କୁଟରରେ ଚଲାଉଥିଲେ, ଯାହାର କ୍ଲଚ୍ ତାର ଭାଙ୍ଗି ଯାଇଥିଲା ଏବଂ ସେ ଅଜାଣତରେ ଛାତ୍ରଙ୍କୁ ସ୍କୁଟରରେ ଧକ୍କା ଦେଇଥିଲେ। ଛାତ୍ର ଜଣକ ଗୁରୁତର ଆହତ ହୋଇନାହାନ୍ତି । ପୋଲିସ ଏହି ଘଟଣାର ଯାଞ୍ଚ କରୁଛି । ହଙ୍ଗାମା ପରେ ବର୍ତ୍ତମାନ ପୁଣି ସୁଟିଂ ଆରମ୍ଭ ହୋଇଛି ।

ରାଜପାଲ ଯାଦବ ବଲିଉଡର ସର୍ବୋତ୍ତମ କମେଡି ଅଭିନେତା । ସେ 'ୱକ୍ତ', 'ଡରନା ମନା ହୈ', 'ଢୋଲ' ଭଳି ଅନେକ ଚଳଚ୍ଚିତ୍ରରେ କାମ ପାଇଁ ଜଣାଶୁଣା । ତାଙ୍କ ଚଳଚ୍ଚିତ୍ର ସହିତ ସେ ବ୍ୟକ୍ତିଗତ ଜୀବନ ପାଇଁ ମଧ୍ୟ ଚର୍ଚ୍ଚାରେ ରହିଛନ୍ତି ।

5 କୋଟି ଟଙ୍କା ଠକେଇ

ରାଜପାଲ ମଧ୍ୟ ବିବାଦ ସହ ଜଡିତ ଅଛନ୍ତି । କିଛି ବର୍ଷ ପୂର୍ବେ ତାଙ୍କୁ 5 କୋଟି ଟଙ୍କା ଠକେଇ ମାମଲାରେ ଗିରଫ କରାଯାଇଥିଲା। ପରେ ତାଙ୍କ ଜାମିନ ନାମଞ୍ଜୁର କରାଯାଇଥିଲା ।