ହାଇଦ୍ରାବାଦ: ଆପ୍ ନେତା ରାଘବ ଚଢା ଏବଂ ବଲିଉଡ ଅଭିନେତ୍ରୀ ପରିଣୀତି ଚୋପ୍ରା ଡେଟିଂ ଦିନ ଠାରୁ ଚର୍ଚ୍ଚାରେ ରହି ଆସୁଛନ୍ତି । ଏହି କପଲ ଗତ ମେ' 13ରେ ନିର୍ବନ୍ଧ କରିଥିଲେ । ତେବେ ଉଭୟଙ୍କ ବିବାହକୁ ନେଇ ଫ୍ୟାନ୍ସ ଉତ୍ସାହର ସହ ଅପେକ୍ଷା କରିଛନ୍ତି । ପରିଣୀତିଙ୍କ ସହ ଜଡିତ ହେବା ପରେ ଆପ୍ ନେତା ରାଘବ ଚଢାଙ୍କ ଜୀବନରେ ଅନେକ ପରିବର୍ତ୍ତନ ହୋଇଛି । ଏନେଇ ନିକଟରେ ଏକ ସାକ୍ଷାତକାରରେ ରାଘବଙ୍କ ଜୀବନରେ ପରିଣୀତି ଆସିବା ପରେ କଣ ପରିବର୍ତ୍ତନ ହୋଇଛି, ସେନେଇ ଖୁଲାସା କରିଛନ୍ତି ।
ରାଘବ ନିଜ ନିର୍ବନ୍ଧ ବିଷୟରେ କଥାବାର୍ତ୍ତା କରି କହିଛନ୍ତି ଯେ, ବର୍ତ୍ତମାନ ତାଙ୍କ ସହକର୍ମୀ ଏବଂ ଦଳର ନେତାମାନେ ପରୀଙ୍କ ନାମ ନେଇ ତାଙ୍କୁ ବହୁତ ଥଟ୍ଟା କରୁଥିଲେ ଏବଂ ବର୍ତ୍ତମାନ ନିର୍ବନ୍ଧ ପରେ ଏହା କମିଯାଇଛି । ରାଘବ ଆହୁରି କହିଛନ୍ତି, ''ମୋର ସାଥୀମାନେ ଯଥାଶୀଘ୍ର ବିବାହ କରିବାକୁ ମୋତେ ଚାପ ପକାଉଥିଲେ, କିନ୍ତୁ ଯେତେବେଳେ ମୁଁ ଏବଂ ପରୀ ନିର୍ବନ୍ଧ କରିଥିଲୁ, ବର୍ତ୍ତମାନ ତାହା ବନ୍ଦ ହୋଇଯାଇଛି ।
ସୂଚନା ଥାଉ କି, ବିବାହ ପୂର୍ବରୁ ପରିଣୀତି ଏବଂ ରାଘବଙ୍କୁ ଅନେକ ଥର ସ୍ପଟ କରାଯାଇଛି । ନିକଟରେ ବିବାହ ପାଇଁ ଲଣ୍ଡନରେ ସପିଂ କରୁଥିବାର ଫଟୋ ଭାଇରାଲ ହୋଇଥିଲା । ଏହାପରେ ଉଭୟ ଉଦୟପୁରରେ ନିଜ ବିବାହ ପାଇଁ ସ୍ଥାନ ଦେଖିବାକୁ ଯାଇଥିବାର ନଜର ଆସିଥିଲେ । ତାପରେ ଉଭୟ ପଞ୍ଜାବର ସ୍ବର୍ଣ୍ଣ ମନ୍ଦିର ପରିଦର୍ଶନ କରିବା ସହ ମନ୍ଦିରରେ ସେବା ମଧ୍ୟ କରିଥିଲେ । ଯାହାର ଭିଡିଓ ଏବଂ ଫଟୋ ସୋସିଆଲ ମିଡିଆରେ ବେଶ ଭାଇରାଲ ହୋଇଥିଲା ।
ଏହା ମଧ୍ୟ ପଢନ୍ତୁ: କାରରେ ଭାବିସ୍ବାମୀଙ୍କ ସହ ନଜର ଆସିଲେ ପରିଣୀତି, ମୁହଁ ଲୁଚାଇବାରୁ ଏମିତି କହିଲେ ଫ୍ୟାନ୍ସ
ପରିଣୀତି ଚୋପ୍ରା ଏବଂ ରାଘବ ଚଢା କେବେ ବିବାହ କରିବେ?
ଚଳିତ ବର୍ଷ ମେ' 13 ରେ ପରିଣୀତି ଏବଂ ରାଘବ ଦିଲ୍ଲୀର କପୁରଥାଲା ହାଉସରେ ପରିବାର ଏବଂ ସମ୍ପର୍କୀୟଙ୍କ ଉପସ୍ଥିତିରେ ନିର୍ବନ୍ଧ କରିଥିଲେ । ବର୍ତ୍ତମାନ ଏହି କପଲ ଖୁବ୍ ଶୀଘ୍ର ଉଦୟପୁରର ରାଜସ୍ଥାନରେ ବିବାହ କରିବାକୁ ଯାଉଛନ୍ତି । ଚଳିତବର୍ଷ ଅକ୍ଟୋବରରେ ଉଭୟ ବିବାହ କରିବେ ବୋଲି କୁହାଯାଉଛି । ହେଲେ ଏହି କପଲ ଏପର୍ଯ୍ୟନ୍ତ ନିଜ ତାରିଖ ଘୋଷଣା କରିନାହାନ୍ତି। ତେବେ ଏହି ସୁନ୍ଦର କପଲଙ୍କ ପ୍ରଶଂସକମାନେ ଉତ୍ସାହର ସହ ଉଭୟଙ୍କ ବିବାହକୁ ଅପେକ୍ଷା କରିଛନ୍ତି ।
ସେପଟେ ପରିଣୀତିଙ୍କ ୱାର୍କଫ୍ରଣ୍ଟ୍ କଥା କହିବାକୁ ଗଲେ, ଖୁବ୍ଶୀଘ୍ର ପରିଣୀତିଙ୍କୁ ଇମତିଆଜ୍ ଅଲିଙ୍କ ନିର୍ଦ୍ଦେଶିତ ଫିଲ୍ମ 'ଚମକିଲା'ରେ ଦେଖିବାକୁ ମିଳିବ । ଏହି ଫିଲ୍ମରେ ଦିଲଜିତ୍ ଦୋସାଞ୍ଜଙ୍କ ସହ ସ୍କ୍ରିନ୍ ସେୟାର କରୁଥିବାର ନଜର ଆସିବେ । 2024ରେ ଓଟିଟିରେ ଷ୍ଟ୍ରିମିଂ ହେବ ଫିଲ୍ମ ।
