ହାଇଦ୍ରାବାଦ: ବଲିଉଡର 'ବାଦଶାହ' ଶାହରୁଖ ଖାନ୍ ନଭେମ୍ବର 2 ରେ 57 ବର୍ଷ ବୟସରେ ପାଦ ଥାପିବାକୁ ଯାଉଛନ୍ତି । ଶାହରୁଖ ଖାନଙ୍କ ଜନ୍ମଦିନକୁ ନେଇ ପ୍ରଶଂସକଙ୍କ ମଧ୍ୟରେ ପ୍ରବଳ ଉତ୍ସାହ ରହିଛି ଏବଂ ସେମାନେ ଷ୍ଟାର୍ଙ୍କ ଝଲକ ପାଇବା ପାଇଁ ଅଭିନେତାଙ୍କ ବଙ୍ଗଳା ମନ୍ନତରେ ପହଞ୍ଚିବାର ଯୋଜନା ରଖିଛନ୍ତି । ଏପଟେ ଶାହାରୁଖଙ୍କ ସହ ସମ୍ପର୍କକୁ ନେଇ ଚର୍ଚ୍ଚାରେ ଥିବା ଦେଶୀ ଗର୍ଲ ପ୍ରିୟଙ୍କା ଚୋପ୍ରା ତାଙ୍କ ଜନ୍ମଦିନର ଗୋଟିଏ ଦିନ ପୂର୍ବରୁ ଭାରତ ଫେରିଛନ୍ତି । ତିନି ବର୍ଷ ପରେ ପ୍ରିୟଙ୍କା ଚୋପ୍ରା ଝିଅ ମାଲତିଙ୍କ ସହ ମୁମ୍ବାଇ ଫେରିଛନ୍ତି ।
ଗଣମାଧ୍ୟମ ରିପୋର୍ଟ ଅନୁଯାୟୀ, ଶାହରୁଖ ଖାନ ଏବଂ ପ୍ରିୟଙ୍କା ଚୋପ୍ରାଙ୍କୁ ଫିଲ୍ମ 'ଡନ୍' ରେ (2006) ଏକାଠି ଦେଖିବାକୁ ମିଳିଥିଲା । ଯଦିଓ ଏହି ସୁପରହିଟ୍ ଯୋଡି ଏକାଠି ଅନେକ ଚଳଚ୍ଚିତ୍ର କରିନାହାଁନ୍ତି, କିନ୍ତୁ ଉଭୟଙ୍କ ମଧ୍ୟରେ ବନ୍ଧୁତା ନିବିଡ ଥିଲା । ଏହି ଚଳଚ୍ଚିତ୍ରରୁ ପ୍ରିୟଙ୍କା ଚୋପ୍ରା 'ଜଙ୍ଗଲି ବିଲି' ନାମରେ ପ୍ରସିଦ୍ଧ ହୋଇଥିଲେ ।
ଡନ୍ (2006) ଏକ ହିଟ୍ ହୋଇଗଲା ଏବଂ ଉଭୟଙ୍କ ଯୋଡି ମଧ୍ୟ ଏକ ସୁପର ହିଟ୍ ବୋଲି ପ୍ରମାଣିତ ହେଲା । ଏହା ପରେ ଉଭୟଙ୍କ ମଧ୍ୟରେ ଘନିଷ୍ଠତା ବଢିବାରେ ଲାଗିଲା । ଉଭୟଙ୍କୁ ପ୍ରାୟତଃ ବଲିଉଡ ପାର୍ଟିରେ ଏକାଠି ଦେଖିବାକୁ ମିଳିଥିଲା । ସେ ସମୟରେ, ଶାହାରୁଖ-ପ୍ରିୟଙ୍କା ମଧ୍ୟ ଇଭେଣ୍ଟରେ ଏକାଠି ଯାଉଥିଲେ । ଉଭୟଙ୍କ ବଣ୍ଡି ଜବରଦସ୍ତ ହୋଇଗଲା ଏପଟେ ଫରହାନ ଅଖତର ଡନ୍ 2 ପାଇଁ ପ୍ରସ୍ତୁତି ଆରମ୍ଭ କଲେ ।
ପାଞ୍ଚ ବର୍ଷ ପରେ 2011 ମସିହାରେ, ଫିଲ୍ମ ଡନ୍ 2 ମଧ୍ୟ ଶାହାରୁଖ-ପ୍ରିୟଙ୍କାଙ୍କ କେମେଷ୍ଟ୍ରି ଦେଖିବାକୁ ମିଳିଲା । ଡନ୍ 2 ର ସେଟ୍ରେ ଦୁହିଁଙ୍କ ମଧ୍ୟରେ ଥିବା ବଣ୍ଡିଂ ଦେଖି ସେମାନଙ୍କ ରିଲେସନସିପ୍କୁ ନେଇ ଚର୍ଚ୍ଚା ଆରମ୍ଭ ହେଲା । କିନ୍ତୁ ଶାହାରୁଖ ଖାନ ପ୍ରିୟଙ୍କା ଚୋପ୍ରାଙ୍କୁ ସବୁବେଳେ ଜଣେ ଭଲ ବନ୍ଧୁ ଦୃଷ୍ଟିରେ ଦେଖିଥିଲେ ।
ଏହା ବି ପଢନ୍ତୁ: ତିନି ବର୍ଷ ପରେ ସ୍ବଦେଶ ଫେରିଲେ ଦେଶୀ ଗର୍ଲ, ସାଥିରେ ଅଛନ୍ତି ଝିଅ ମାଲତି
ଚିନ୍ତାରେ ଥିଲେ ଗୌରୀ ଖାନ
ଏପଟେ, ଶାହାରୁଖ ଏବଂ ପ୍ରିୟଙ୍କାଙ୍କ ଆଫେୟାର ଖବରକୁ ନେଇ ଚିନ୍ତାରେ ପଡିଯାଇଥିଲେ କିଙ୍ଗ୍ ଖାନ୍ଙ୍କ ପତ୍ନୀ ଗୌରୀ ଖାନ। ଯଦିଓ ଶାହାରୁଖ ଖାନ ଗୌରୀଙ୍କୁ ଚିନ୍ତା କରିବାର ସୁଯୋଗ ଦେଇନଥିଲେ, କିନ୍ତୁ ପ୍ରିୟଙ୍କା ଚୋପ୍ରାଙ୍କ କାରଣରୁ ଗୌରୀ ଖାନଙ୍କ ମନରେ ଅଶାନ୍ତି ଦେଖିବାକୁ ମିଳିଥିଲା । ଗଣମାଧ୍ୟମ ଅନୁଯାୟୀ ଗୌରୀ ପ୍ରିୟଙ୍କା ଚୋପ୍ରାଙ୍କୁ ଚଳଚ୍ଚିତ୍ର ନିର୍ମାତା କରଣ ଜୋହରଙ୍କ ଜନ୍ମଦିନରେ ନିମନ୍ତ୍ରଣ କରିଥିଲେ । ପାର୍ଟିରେ ପ୍ରିୟଙ୍କା ଚୋପ୍ରାଙ୍କ ଆଗମନରେ ଶାହାରୁଖଙ୍କ ପ୍ରତିକ୍ରିୟା ଦେଖି ଗୌରୀ ଖାନ ଆଶ୍ଚର୍ଯ୍ୟ ହୋଇଯାଇଥିଲେ । ଏଥିସହିତ ଗୌରୀ ତାଙ୍କ ସ୍ୱାମୀ ଶାହାରୁଖଙ୍କୁ କହିଥିଲେ ଯେ, ସେ ପ୍ରିୟଙ୍କାଙ୍କ ସହ କୌଣସି ଫିଲ୍ମରେ ସାଇନ୍ କରିବେ ନାହିଁ ।
ଶାହାରୁଖ-ପ୍ରିୟଙ୍କା ଗୁପ୍ତରେ ବିବାହ କରିଥିଲେ କି ?
ଗଣମାଧ୍ୟମ ରିପୋର୍ଟ ଅନୁଯାୟୀ, ଶାହାରୁଖ ଖାନ ଏବଂ ପ୍ରିୟଙ୍କା ଚୋପ୍ରାଙ୍କ ବିଷୟରେ ଖବର ଆସିଥିଲା ଯେ ଉଭୟ ଗୁପ୍ତରେ ବାହଘର କରିଛନ୍ତି । କିନ୍ତୁ, ଶାହାରୁଖ ଖାନ କିଛି ସାକ୍ଷାତକାରରେ ଏହି ରିପୋର୍ଟକୁ ଦୃଢ ଭାବରେ ଅସ୍ୱୀକାର କରିଛନ୍ତି । ଉଲ୍ଲେଖନୀୟ ଯେ, 2013 ପରଠାରୁ ଶାହାରୁଖ ଖାନ ଏବଂ ପ୍ରିୟଙ୍କା ଚୋପ୍ରାଙ୍କୁ ଏକାଠି ଦେଖିବାକୁ ମିଳିନାହିଁ ।
