ହାଇଦ୍ରାବାଦ: ବଲିଉଡର 'ଦେଶୀ ଗର୍ଲ' ପ୍ରିୟଙ୍କା ଚୋପ୍ରା ତାଙ୍କ ଶାଶୁଘରେ ଆମେରିକାରେ ଅଛନ୍ତି, କିନ୍ତୁ ଅଭିନେତ୍ରୀ ନିଜ ଦେଶର ପ୍ରଶଂସକଙ୍କୁ ଭୁଲି ନାହାଁନ୍ତି। ନିକଟରେ ଅଭିନେତ୍ରୀ ସରୋଗେସି ମାଧ୍ୟମରେ ଏକ ମାଆ ହୋଇଥିଲେ । ବର୍ତ୍ତମାନ ସେ ତାଙ୍କ ମାତୃତ୍ୱ ସମୟକୁ ଉପଭୋଗ କରୁଛନ୍ତି । ଏହା ସହିତ ସେ ଆମେରିକାରେ ଥିବା ସାଙ୍ଗମାନଙ୍କ ସହିତ ମଧ୍ୟ ବୁଲୁଛନ୍ତି । ବର୍ତ୍ତମାନ ପ୍ରିୟଙ୍କା ପୁଣିଥରେ ଆମେରିକାର କିଛି ସୁନ୍ଦର ଫଟୋ ସେୟାର କରିଛନ୍ତି ।
ସୋସିଆଲ ମିଡିଆରେ ଆଜି କିଛି ଫଟୋ ଭାଇରାଲ ହେଉଛି, ଯେଉଁଥିରେ ଅଭିନେତ୍ରୀ ତାଙ୍କ ସାଙ୍ଗ ଏବଂ କୁକୁରମାନଙ୍କ ସହିତ ନଜର ଆସିଥିଲେ । ଏହି ଫଟୋରେ ପ୍ରିୟଙ୍କା ଚୋପ୍ରା ଜବରଦସ୍ତ ଦେଖାଯାଉଛନ୍ତି । ପ୍ରିୟଙ୍କା ଏକ ପିଚ ରଙ୍ଗର ହୁଡି ଏବଂ ତଳେ ସର୍ଟ ପିନ୍ଧିଛନ୍ତି । ଏକ ଧଳା ରଙ୍ଗର କ୍ୟାପ୍ ଏବଂ ଗ୍ଲାସ୍ ମଧ୍ୟ ପିନ୍ଧିଛନ୍ତି।
ପ୍ରିୟଙ୍କା ଚୋପ୍ରାଙ୍କ ଏହି ଫଟୋଗୁଡ଼ିକ କାଲିଫର୍ଣ୍ଣିଆର । ଫଟୋରେ ତିନୋଟି କୁକୁରଙ୍କୁ ମଧ୍ୟ ଦେଖିବାକୁ ମିଳୁଛି । ଫଟୋରେ ପ୍ରିୟଙ୍କା ସମସ୍ତ କୁକୁରକୁ ଧରିଛନ୍ତି । ବର୍ତ୍ତମାନ ପ୍ରଶଂସକମାନେ ପ୍ରିୟଙ୍କା ଚୋପ୍ରାଙ୍କ ଏହି ଫଟୋଗୁଡ଼ିକ ଉପରେ କମେଣ୍ଟ ଦେଉଛନ୍ତି ।
ଏହି ଫଟୋଗୁଡିକୁ ସେୟାର୍ କରି ପ୍ରିୟଙ୍କା ଲେଖିଛନ୍ତି, 'Soul Sunday with the girls And pups' । ଅର୍ଥାତ ପ୍ରିୟଙ୍କା କହୁଛନ୍ତି, 'ଶାନଦାର ରବିବାର, ବନ୍ଧୁ ଏବଂ ତାଙ୍କ ପୋଷା କୁକୁରଙ୍କ ସହ '।
ପ୍ରିୟଙ୍କା ଚୋପ୍ରା ରବିବାର ଏନଜୟ କରିଥିବା ଫଟୋ ସୋମବାର ସକାଳେ ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି। ମାତା ହେବା ପରେ ମଧ୍ୟ ପ୍ରିୟଙ୍କା ଚୋପ୍ରା ସୋସିଆଲ ମିଡିଆରେ ବହୁତ ସକ୍ରିୟ ଅଟନ୍ତି ଏବଂ କ୍ରମାଗତ ଭାବରେ ତାଙ୍କ ଫଟୋ ସେୟାର କରନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
