ହାଇଦ୍ରାବାଦ: ଆଜିକାଲି ନିଜ ଡେଟିଂ ଲାଇଫକୁ ନେଇ ହେଡଲାଇନରେ ରହିଛନ୍ତି ବଲିଉଡ ଅଭିନେତ୍ରୀ ପରିଣୀତି ଚୋପ୍ରା । ରାଜନେତା ରାଘବ ଚଢାଙ୍କ ସହ ଡେଟିଂ କରୁଥିବା ନେଇ ଚର୍ଚ୍ଚା ଲାଗିରହିଥିବା ବେଳେ ଅଭିନେତ୍ରୀ ବିବାହ ପାଇଁ ପ୍ରସ୍ତୁତ ହେଉଥିବା କୁହାଯାଉଛି । ନିକଟରେ ଅଭିନେତ୍ରୀଙ୍କୁ ରାଘବଙ୍କ ସହ ଦେଖିବାକୁ ମିଳିଥିବା ବେଳେ ଏବେ ମୁମ୍ବାଇରେ ଡିଜାଇନର୍ ମନୀଷ ମଲହୋତ୍ରାଙ୍କୁ ଭେଟୁଥିବା ନଜର ଆସିଛନ୍ତି ପରିଣୀତି । ଯାହାକୁ ନେଇ ବିବାହ ପାଇଁ ଡ୍ରେସ ପ୍ରସ୍ତୁତ କରିବା ନେଇ ମନୀଷଙ୍କୁ ପରିଣୀତି ଭେଟିଥିବା ଆଲୋଚନା କରୁଛନ୍ତି ପ୍ରଶଂସକ ।
- " class="align-text-top noRightClick twitterSection" data="
">
ରବିବାର ରାତିରେ ପରିଣୀତି ବାନ୍ଦ୍ରାସ୍ଥିତ ମନୀଷଙ୍କ ବାସଭବନରେ ପହଞ୍ଚିଥିବାର ନଜର ଆସିଥିଲେ । ଏହି ଅଭିନେତ୍ରୀଙ୍କୁ ବ୍ଲାକ ଆଉଟଫିଟ ସହ ଗର୍ଜିୟସ ଲୁକ୍ରେ ଦେଖିବାକୁ ମିଳିଥିଲା । ସେ ଯିବା ପୂର୍ବରୁ ପୋଜ୍ ଦେଇ ହସୁଥିବାର ନଜର ଆସିଥିଲେ । ଅନଲାଇନରେ ଅଭିନେତ୍ରୀଙ୍କ ଏହି ଫଟୋ ଏବଂ ଭିଡିଓ ସାମ୍ନାକୁ ଆସିବା ପରେ ରାଘବ ଚଢାଙ୍କ ସହ ତାଙ୍କ ବିବାହକୁ ନେଇ କଳ୍ପନାଜଳ୍ପନା ସୃଷ୍ଟି ହୋଇଛି ।
ପରିଣୀତି ମନୀଷ ମାଲହୋତ୍ରାଙ୍କ ଘରକୁ ଯିବାର ଭିଡିଓ ଇନଷ୍ଟାଗ୍ରାମରେ ପାପାରାଜି ଦ୍ବାରା ସେୟାର କରାଯାଇଥିଲା। ଏହି ଭିଡିଓ ସେୟାର ହେବା ମାତ୍ରେ ଅଭିନେତ୍ରୀଙ୍କ ବିବାହକୁ ନେଇ ଚର୍ଚ୍ଚା ଜୋର ଧରିଛି । ବିବାହ ପୋଷାକ ପ୍ରସ୍ତୁତି ପାଇଁ ଅଭିନେତ୍ରୀ ମନୀଷଙ୍କୁ ଭେଟି ଆଲୋଚନା କରି ଥାଇ ପାରନ୍ତି ବୋଲି ଫ୍ୟାନ୍ସମାନେ କହିଛନ୍ତି । ମନୀଷଙ୍କ ଦ୍ବାରା ଡିଜାଇନ କରାଯାଇଥିବା କିଆରା ଆଡଭାନୀଙ୍କ ବିବାହ ଲେହେଙ୍ଗା ନେଇ ଜଣେ ୟୁଜର୍ ଲେଖିଛନ୍ତି, "ଏବଂ ମୁଁ ଆଶା କରୁଛି ଏହି ପୋଷାକ ଗୋଲାପୀ ହେବ ନାହିଁ ।" ଏଥିସହ ଅନ୍ୟ କେତେକ ପରିଣୀତିଙ୍କ ବ୍ଲାକ ଆଉଟଫିଟକୁ ନେଇ ପ୍ରତିକ୍ରିୟା ଦେଇଥିଲେ।
ସୂଚନା ଥାଉ କି, ଅଭିନେତ୍ରୀ ପରିଣୀତି ଚୋପ୍ରା ଏବଂ ଆପ୍ ସାଂସଦ ରାଘବ ଚଢା ମୁମ୍ବାଇ ସ୍ଥିତ ଏକ ରେସ୍ତୋରାଁରୁ ଏକା ସାଙ୍ଗରେ ବାହାରିଥିଲେ । ଏଥିସହ ଗୋଟିଏ ଗାଡ଼ିରେ ମଧ୍ୟ ଯାଇଥିଲେ । ଯାହାର ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଥିଲା । ଦୁହେଁ ଡିନର ଏବଂ ଲଞ୍ଚ୍ ଡେଟ୍ରେ ନଜର ଆସିଥିଲେ । ଦୁଇଦୁଇ ଥର ଉଭୟେ ଏକାଠି ନଜର ଆସିବା ପରେ ପ୍ରେମ ସମ୍ପର୍କ ନେଇ ଚର୍ଚ୍ଚା ହୋଇଥିଲା । ଗତ ଜାନୁଆରୀ ମାସରେ ପରିଣୀତି ଚୋପ୍ରା ଓ ରାଘବ ଚଢାଙ୍କୁ ଇଣ୍ଡିଆ ୟୁକେ ଆଉଟଷ୍ଟାଣ୍ଡିଂ ଆଚିଭର ଅନର୍ସ ସମ୍ମାନରେ ସମ୍ମାନିତ କରାଯାଇଥିଲା । ଏଠାରୁ ଉଭୟଙ୍କ ମଧ୍ୟରେ ସମ୍ପର୍କ ନିବିଡ ହୋଇଥିବା ଚର୍ଚ୍ଚା ଜୋର ଧରିଛି । ତେବେ ଦୁହେଁ ଦୁହିଁଙ୍କୁ ଡେଟ୍ କରୁଥିବା କୁହାଯାଉଥିବା ବେଳେ ଏବେ ଡିଜାଇନର ମନୀଷଙ୍କୁ ପରିଣୀତି ଭେଟିବା ପରେ ସେ ବାହାଘର ପ୍ରସ୍ତୁତି କରୁଥିବା ଆଲୋଚନା ହେଉଛି ।
ପରିଣୀତିଙ୍କ ୱାର୍କ ଫ୍ରଣ୍ଟ କଥା କହିବାକୁ ଗଲେ, ପରିଣୀତିଙ୍କୁ ଶେଷ ଥର ପାଇଁ ସୁରଜ ବରଜାତ୍ୟାଙ୍କ ଫିଲ୍ମ ଉଞ୍ଚାଇରେ ଦେଖାଯାଇଥିବା ବେଳେ ଇମ୍ତିଆଜ ଅଲି ନିର୍ଦ୍ଦେଶିତ ଫିଲ୍ମ ଚମକିଲାରେ ନଜର ଆସିବାକୁ ଯାଉଛନ୍ତି । ଲୋକପ୍ରିୟ ପଞ୍ଜାବୀ ଗାୟକ ଅମରଜୋତ କୌର ଏବଂ ଅମର ସିଂ ଚମକିଲାଙ୍କ ଉପରେ ଆଧାରିତ ଏହି ଫିଲ୍ମ । ଏହି ସିନେମାରେ ପରିଣୀତି ଅମରଜୋତଙ୍କ ଭୂମିକାରେ ଅଭିନୟ କରୁଥିବାବେଳେ ଦିଲଜିତ ଦୋସାଞ୍ଜ ମଧ୍ୟ ନଜର ଆସିବେ ।
