ମୁମ୍ବାଇ: ଆଜିକାଲି ବିବାହକୁ ନେଇ ଶିରୋନାମାରେ ରହିଛନ୍ତି ବଲିଉଡ ଅଭିନେତ୍ରୀ ପରିଣୀତି ଚୋପ୍ରା । ପରିଣୀତି ଚୋପ୍ରା ଆମ୍ ଆଦମୀ ପାର୍ଟି ନେତା ରାଘବ ଚଢାଙ୍କ ସହ ବିବାହ ନେଇ ଚର୍ଚ୍ଚା ଜୋର ଧରିଛି। ହେଲେ ଉଭୟ ଏହାକୁ ନେଇ କିଛି ସ୍ପଷ୍ଟ କରିନଥିବା ବେଳେ ବାରମ୍ବାର ଉଭୟଙ୍କୁ ଏକାଠି ଦେଖିବାକୁ ମିଳିଛି । ପୁଣି ବର୍ତ୍ତମାନ ଡିନର ଡେଟ୍ରେ ରାଘବଙ୍କ ସହ ପରିଣୀତିଙ୍କୁ ଦେଖିବାକୁ ମିଳିଛି । ଯାହାର ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହୋଇଛି । ସେପଟେ ମେ' 13ରେ ଉଭୟଙ୍କ ନିର୍ବନ୍ଧ ହେବ ବୋଲି ସୂଚନା ମିଳିଛି ।
- " class="align-text-top noRightClick twitterSection" data="
">
ଗତକାଲି ରାତିରେ AAP ନେତା ରାଘବ ଚଢାଙ୍କ ସହ ଡିନର୍ ଡେଟ୍ରେ ପରିଣୀତିଙ୍କୁ ଦେଖିବାକୁ ମିଳିଥିଲା । ଏହି ସମୟରେ ଉଭୟ କ୍ବାଲିଟି ଟାଇମ୍ ବିତାଇଥିଲେ । ବର୍ତ୍ତମାନ ଉଭୟଙ୍କ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି କପଲଙ୍କ ପ୍ରଶଂସକମାନେ ଭିଡିଓ ଉପରେ ସୁନ୍ଦର କମେଣ୍ଟ୍ ଦେଉଛନ୍ତି। ଉଭୟଙ୍କ ଭିଡିଓ ଉପରେ କମେଣ୍ଟ ଦେଇ ଜଣେ ଫ୍ୟାନ୍ସ ଲେଖିଛନ୍ତି, ଏହାର ଅର୍ଥ ହେଉଛି ବିବାହ ନିଶ୍ଚିତ । ଅନ୍ୟ ଜଣେ ଲେଖିଛନ୍ତି, ତୁମେ ଯେତେବେଳେ ବିବାହ କରିବ ମୋତେ କୁହ । ଏଥି ସହିତ, ଅନେକ ପ୍ରଶଂସକ ଏହି କପଲଙ୍କୁ ପସନ୍ଦ କରିବା ସହ ଲାଲ୍ ହାର୍ଟ ଇମୋଜି ସେୟାର କରିଛନ୍ତି। ମୁମ୍ବାଇରେ ଡିନର ଡେଟ୍ରେ ପରିଣୀତି ଏକ ବ୍ଲାକ୍ ଆଉଟଫିଟ୍ରେ ନଜର ଆସିଥିବା ବେଳେ ରାଘବ ଏକ ଧୂସର ସାର୍ଟକୁ ବ୍ଲାକ୍ ପ୍ୟାଣ୍ଟ ପିନ୍ଧିଥିଲେ । ଉଭୟ ଏହି ଲୁକ୍ରେ ଖୁବ ସୁନ୍ଦର ଦେଖାଯାଉଥିଲେ ।
ସୂଚନା ଥାଉ କି, ଏହାପୂର୍ବରୁ ପରିଣୀତି ଏବଂ ରାଘବଙ୍କୁ ମୋହଲିରେ ମୁମ୍ବାଇ ଏବଂ ପଞ୍ଜାବ ଟିମ୍ର ଆଇପିଏଲ୍ ମ୍ୟାଚ୍ ଉପଭୋଗ କରୁଥିବାର ଦେଖିବାକୁ ମିଳିଥିଲା । ଏଥିସହ ପରିଣୀତିଙ୍କୁ ବାରମ୍ବାର ଫ୍ୟାଶନ ଡିଜାଇନର ମନୀଷ ମାଲହୋତ୍ରାଙ୍କ ଘରେ ମଧ୍ୟ ସ୍ପଟ୍ କରାଯାଇଥିଲା । ଉଭୟ ବିବାହ ପ୍ରସ୍ତୁତି କରୁଥିବା ନେଇ ଚର୍ଚ୍ଚା ହେଉଥିଲା । ଏଥିସହ ଚଳିତ ମାସ 13ରେ ନୂଆଦିଲ୍ଲୀରେ ଉଭୟଙ୍କର ନିର୍ବନ୍ଧ ହେବ ବୋଲି ମଧ୍ୟ ଆଲୋଚନା ହେଉଛି । ହେଲେ ଏ ପର୍ଯ୍ୟନ୍ତ ଉଭୟ ବିବାହକୁ ନେଇ କୌଣସି ବିଧିବଦ୍ଧ ଘୋଷଣା କରିନାହାନ୍ତି । ସେପଟେ ପ୍ରଶଂସକମାନେ ସେମାନଙ୍କ ବିବାହକୁ ନେଇ ଉତ୍ସାହର ସହ ଅପେକ୍ଷା କରିଛନ୍ତି ।
ପରିଣୀତି ଚୋପ୍ରାଙ୍କ ୱାର୍କଫ୍ରଣ୍ଟ କଥା କହିବାକୁ ଗଲେ, ପରିଣୀତିଙ୍କୁ ଶେଷ ଥର ପାଇଁ ଫିଲ୍ମ 'ଉଞ୍ଚାଇ'ରେ ଦେଖିବାକୁ ମିଳିଥିଲା । ଯେଉଁଥିରେ ବିଗ ବି ଅମିତାଭ ବଚ୍ଚନ, ବୋମନ ଇରାନୀ ଏବଂ ଅନୁପମ ଖେର ମଧ୍ୟ ତାଙ୍କ ସହ ନଜର ଆସିଥିଲେ । ତେବେ ତାଙ୍କୁ ଖୁବ୍ ଶୀଘ୍ର ଇମତିଆଜ୍ ଅଲିଙ୍କ ନିର୍ଦ୍ଦେଶିତ ଫିଲ୍ମ 'ଚମକିଲା'ରେ ଦେଖିବାକୁ ମିଳିବ। ଏଥିରେ ଦିଲଜିତ ଦୋସାଞ୍ଜ ମଧ୍ୟ ଅଭିନୟ କରିଛନ୍ତି ।
