ମୁମ୍ବାଇ: ଚଳିତ ବର୍ଷ ବିବାହ ବନ୍ଧନରେ ବାନ୍ଧି ହେବେ ବଲିଉଡ ଅଭିନେତ୍ରୀ ପରିଣୀତି ଚୋପ୍ରା ଆମ୍ ଆଦମୀ ପାର୍ଟି ନେତା ରାଘବ ଚଢା । ଗତ ମେ' 13ରେ ଉଭୟ ନୂଆଦିଲ୍ଲୀରେ ପରିବାର, ସମ୍ପର୍କୀୟ ଏବଂ ସାଙ୍ଗସାଥୀଙ୍କ ଉପସ୍ଥିତିରେ ଗ୍ରାଣ୍ଡ୍ ସମାରୋହରେ ନିର୍ବନ୍ଧ କରିଥିଲେ । କିଛି ଦିନ ତଳେ ରାଜସ୍ଥାନରେ ନିଜ ବିବାହ ପାଇଁ ସ୍ଥାନ ଖୋଜୁଥିବାର ନଜର ଆସିଥିଲେ । ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା । ତେବେ ବର୍ତ୍ତମାନ ଏହି କପଲଙ୍କ ଆଉ ଏକ ଭିଡିଓ ସାମ୍ନାକୁ ଆସିଛି । ଭିଡିଓଟି ଲଣ୍ଡନର ହୋଇଥିବା ବେଳେ ଫ୍ୟାନ୍ସ ସହ ପୋଜ୍ ଦେଉଥିବା ନଜର ଆସିଛନ୍ତି ।
ପରିଣୀତି ରାଘବ ବର୍ତ୍ତମାନ ଲଣ୍ଡନରେ ନଜର ଆସିଛନ୍ତି ଏବଂ କୁହାଯାଉଛି ଯେ ଏହି ଦମ୍ପତି ସେମାନଙ୍କ ବିବାହ ସପିଂ କରିବାକୁ ଏଠାକୁ ଆସିଛନ୍ତି । ଭିଡିଓରେ ଦେଖିବାକୁ ମିଳିଛି ଯେ ଜଣେ ପ୍ରଶଂସକ ଏହି ସୁନ୍ଦର କପଲଙ୍କ ସହ ସେଲଫି ଭିଡିଓ ରେକର୍ଡିଂ କରୁଛନ୍ତି । ଏହି ଭିଡିଓରେ ପରିଣୀତି ଏକ ହ୍ବାଇଟ ଏବଂ ପିଙ୍କ୍ ରଙ୍ଗର ଆଉଟ୍ଫିଟ୍ରେ ନଜର ଆସିଛନ୍ତି । ରାଘବ ଏକ ବ୍ଲାକ ଏବଂ କଫି ରଙ୍ଗର ଡ୍ରେସରେ ଖୁବ ସୁନ୍ଦର ଦେଖା ଯାଉଛନ୍ତି । ଏଥିସହ ଭିଡିଓରେ ରାଘବ ଏବଂ ପରିଣୀତିଙ୍କ ସମେତ ପ୍ରଶଂସକ ସ୍ମାଇଲ କରି ପୋଜ୍ ଦେଉଥିବାର ନଜର ଆସିଛନ୍ତି । ଏହି ଭିଡିଓ ସୋସିଆଲ ମିଡିଆରେ ଏବେ ଖୁବ୍ ଭାଇରାଲ ହେବାରେ ଲାଗିଛି । ଏଥି ସହିତ ପରିଣୀତିଙ୍କ ପ୍ରଶଂସକମାନେ ଏହାକୁ ଲାଇକ୍ କରିବା ସହ ପ୍ରିତିକ୍ରିୟା ଦେଉଛନ୍ତି ।
ମିଡିଆ ରିପୋର୍ଟ ଅନୁଯାୟୀ, ପରିଣୀତି ଚୋପ୍ରା ଏବଂ ରାଘବ ଚଢାଙ୍କ ପ୍ରଥମ ଦେଖା ଲଣ୍ଡନରେ ହିଁ ହୋଇଥିଲା । ପରିଣୀତି ଏବଂ ରାଘବ ରାଜସ୍ଥାନର ଉଦୟପୁରରେ ବିବାହ କରିବେ ବୋଲି କୁହାଯାଉଛି । ପରିଣୀତି ଏବଂ ରାଘବ ଶୀତଦିନେ ବିବାହ କରିବେ । ଅର୍ଥାତ୍ ଚଳିତ ବର୍ଷ ଶେଷ ପୂର୍ବରୁ ଏହି କପଲଙ୍କ ପଡିବ ହାତଗଣ୍ଠି ।
ପରିଣୀତିଙ୍କ ୱାର୍କ ଫ୍ରଣ୍ଟ କହିବାକୁ ଗଲେ, ପରିଣୀତି ଚୋପ୍ରାଙ୍କ ୱାର୍କଫ୍ରଣ୍ଟ କଥା କହିବାକୁ ଗଲେ, ପରିଣୀତିଙ୍କୁ ଶେଷ ଥର ପାଇଁ ଫିଲ୍ମ 'ଉଞ୍ଚାଇ'ରେ ଦେଖିବାକୁ ମିଳିଥିଲା । ଯେଉଁଥିରେ ବିଗ୍ ବି' ଅମିତାଭ ବଚ୍ଚନ, ବୋମନ ଇରାନୀ ଏବଂ ଅନୁପମ ଖେର୍ ମଧ୍ୟ ତାଙ୍କ ସହ ନଜର ଆସିଥିଲେ । ତେବେ ଖୁବ୍ଶୀଘ୍ର ଇମତିଆଜ୍ ଅଲିଙ୍କ ନିର୍ଦ୍ଦେଶିତ ଫିଲ୍ମ 'ଚମକିଲା'ରେ ପରିଣୀତିଙ୍କୁ ଦେଖିବାକୁ ମିଳିବ । ଏହି ଫିଲ୍ମରେ ଦିଲଜିତ୍ ଦୋସାଞ୍ଜଙ୍କ ସହ ସ୍କ୍ରିନ୍ ସେୟାର କରୁଥିବାର ନଜର ଆସିବେ । ତେବେ ମେ' 31ରେ ଏହି ଫିଲ୍ମର ଟିଜର ରିଲିଜ ହୋଇଥିଲା । ଏହି ଚଳଚ୍ଚିତ୍ର ପଞ୍ଜାବର ରକଷ୍ଟାର ଅମର ସିଂ ଚମକିଲାଙ୍କ ସତ୍ୟ କାହାଣୀ ଉପରେ ଆଧାରିତ । ଟିଜରକୁ ବେଶ ପସନ୍ଦ କରିଥିଲେ ଫ୍ୟାନ୍ସ । 2024ରେ ଓଟିଟିରେ ଷ୍ଟ୍ରିମିଂ ହେବ ଫିଲ୍ମ ।
