ମୁମ୍ବାଇ: ହିନ୍ଦୀ ସିନେମାର 'ଚାନ୍ଦିନୀ' ଶ୍ରୀଦେବୀଙ୍କର ଆଜି (ଅଗଷ୍ଟ 13) 59ତମ ଜନ୍ମ ବାର୍ଷିକୀ । ଶ୍ରୀଦେବୀ 13 ଅଗଷ୍ଟ 1963ରେ ଜନ୍ମଗ୍ରହଣ କରିଥିଲେ । ଏହି ଅବସରରେ ଶ୍ରୀଦେବୀଙ୍କ ବଡ ଝିଅ ଜାହ୍ନବୀ କପୁର ସୋସିଆଲ ମିଡିଆରେ ତାଙ୍କ ମାଆଙ୍କୁ ମନେ ପକାଇ ଏକ ଭାବପ୍ରବଣ ପୋଷ୍ଟ ସେୟାର କରିଛନ୍ତି । ଜାହ୍ନବୀ ମାଆ ଶ୍ରୀଦେବୀଙ୍କ ସହ ନିଜର ଏକ ସୁନ୍ଦର ଫଟୋ ସେୟାର କରିଛନ୍ତି ।
ଜାହ୍ନବୀ କପୁର ନିଜ ଇନଷ୍ଟାଗ୍ରାମ ଆକାଉଣ୍ଟରେ ମାଆ ଶ୍ରୀଦେବୀଙ୍କ ସହ ଏକ ଫଟୋ ସେୟାର କରି ଲେଖିଛନ୍ତି, 'ଜନ୍ମଦିନର ଶୁଭେଚ୍ଛା ମାମା, ମୁଁ ପ୍ରତିଦିନ ଏବଂ ପ୍ରତିଟି ମୁହୂର୍ତ୍ତରେ ତୁମକୁ ମନେ ପକାଏ । ମୁଁ ସବୁବେଳେ ତୁମକୁ ମନେ ପକାଇବି ।’
- " class="align-text-top noRightClick twitterSection" data="
">
ଏହାପୂର୍ବରୁ ଶ୍ରୀଦେବୀଙ୍କ ସ୍ୱାମୀ ବୋନି କପୁର ଇନଷ୍ଟାଗ୍ରାମରେ ଲେଖିଥିଲେ। '#5YearsOfMom.' 2 ଟି ଜାତୀୟ ପୁରସ୍କାର ବିଜେତା. @sridevi.kapoor ପ୍ରଥମ ଜାତୀୟ ପୁରସ୍କାର । ସମସ୍ତଙ୍କ ପାଇଁ ମିଠା ସ୍ମୃତି # SrideviKapoor'. ଉଲ୍ଲେଖନୀୟ ଯେ, ବୋନି କପୁରଙ୍କ ଦ୍ୱାରା ନିର୍ମିତ 'ମମ୍' ଚଳଚ୍ଚିତ୍ରରେ ଶ୍ରୀଦେବୀ ଜଣେ ଶିକ୍ଷୟିତ୍ରୀ ଭୂମିକାରେ ଅଭିନୟ କରିଥିଲେ । ବଲିଉଡର ପ୍ରଖ୍ୟାତ ଅଭିନେତ୍ରୀ ଶ୍ରୀଦେବୀଙ୍କ ସହ ନୱାଜୁଦ୍ଦିନ ସିଦ୍ଦିକି, ଅକ୍ଷୟ ଖାନ୍ନା ଏବଂ ପାକିସ୍ତାନୀ ଅଭିନେତା ସଜଲ ଅଲି ଏବଂ ଅଦନାନ୍ ସିଦ୍ଦିକି ମଧ୍ୟ ଏହି ଚଳଚ୍ଚିତ୍ରରେ ଏକ ପ୍ରମୁଖ ଭୂମିକାରେ ନଜର ଆସିଥିଲେ ।
କିପରି ହୋଇଥିଲା ଶ୍ରୀଦେବୀଙ୍କ ଦେହାନ୍ତ
24 ଫେବୃଆରୀ 2018 ମସିହା, ଶ୍ରୀଦେବୀ ଦୁବାଇରେ ନିଜର ଭଣଜା ମୋହିତ ମାରଓ୍ଵାହଙ୍କ ବିବାହ କାର୍ଯ୍ୟକ୍ରମରେ ଯୋଗଦେବାକୁ ଯାଇଥିଲେ । ପୂରା ପରିବାର ଏଠାରେ ଉପସ୍ଥିତ ଥିଲେ । ବିବାହ ପ୍ରସ୍ତୁତି ମଧ୍ୟରେ ଶ୍ରୀଦେବୀଙ୍କ ମୃତଦେହ ତାଙ୍କ ରୁମର ବାଥରୁମରୁ ମିଳିଥିଲା । ପରେ ସୂଚନା ମିଳିଥିଲା କି, ଶ୍ରୀଦେବୀଙ୍କର ହୃଦ୍ଘାତରେ ମୃତ୍ୟୁ ହୋଇଛି ।
ଜାହ୍ନବୀ କପୁରଙ୍କ କାମ ବିଷୟରେ କହିବାକୁ ଗଲେ, ନିକଟରେ ଅଭିନେତ୍ରୀ ଫିଲ୍ମ 'ବବାଲ'ର ସୁଟିଂ ଶେଷ କରିଥିଲେ ଏବଂ ଅଭିନେତ୍ରୀଙ୍କ ଫିଲ୍ମ 'ଗୁଡ ଲକ୍ ଜେରୀ' ଜୁଲାଇ 29 ରେ ମୁକ୍ତିଲାଭ କରିଥିଲା । ତାଙ୍କୁ ବବାଲରେ ବରୁଣ ଧାୱନଙ୍କ ସହ ଦେଖିବାକୁ ମିଳିବ।
