ହାଇଦ୍ରାବାଦ: ବଲିଉଡ ଅଭିନେତା ଅକ୍ଷୟ କୁମାର ଏବଂ ପଙ୍କଜ ତ୍ରିପାଠୀଙ୍କ ଅଭିନୀତ ଫିଲ୍ମ OMG 2ର ବହୁ ପ୍ରତୀକ୍ଷିତ ଟ୍ରେଲର ରିଲିଜ ହୋଇଛି । ଟିଜର ଏବଂ ଗୀତ ସହିତ ଦର୍ଶକଙ୍କ ଦୃଷ୍ଟି ଆକର୍ଷଣ କରିସାରିଥିବା ବେଳେ ଫିଲ୍ମର ନିର୍ମାତାମାନେ ଏବେ ଟ୍ରେଲରକୁ ସୋସିଆଲ ମିଡିଆରେ ରିଲିଜ କରିଛନ୍ତି । ଟ୍ରେଲର ଅଗଷ୍ଟ 2ରେ ରିଲିଜ୍ ହେବାର ଥିଲା କିନ୍ତୁ ନିର୍ମାତାମାନେ ଗତକାଲି ପ୍ରଖ୍ୟାତ କଳା ନିର୍ଦ୍ଦେଶକ ନିତିନ ଦେଶାଇଙ୍କ ସମ୍ମାନାର୍ଥେ ଟ୍ରେଲର ରିଲିଜ ସ୍ଥଗିତ ରଖିଥିଲେ ।
- " class="align-text-top noRightClick twitterSection" data="">
3 ମିନିଟ 12 ସେକେଣ୍ଡର ଟ୍ରେଲରର ଆରମ୍ଭ ପ୍ରଭୁ ଶିବଙ୍କ ଠାରୁ ହେଉଛି । ଯିଏ ତାଙ୍କ ବିଶ୍ୱସ୍ତ ନନ୍ଦୀଙ୍କୁ ପଙ୍କଜ ଓରଫ କାନ୍ତୀ ଶରଣ ମୁନ୍ଦଲଙ୍କୁ ସାହାଯ୍ୟ କରିବାକୁ ତାଙ୍କର ଜଣେ ଦୂତ ପଠାଇବାକୁ କହୁଛନ୍ତି । ଯାହାର ପୁଅ ସ୍କୁଲରୁ ବହିଷ୍କୃତ ହୋଇଛି । କାନ୍ତି କୋର୍ଟରେ ଏକ ମାମଲା ଦାୟର କରିଛନ୍ତି କିନ୍ତୁ ସେ ଉଭୟ ଅଭିଯୁକ୍ତ ଏବଂ ଅଭିଯୋଗକାରୀ । ଓକିଲ ଭୂମିକାରେ ଅଭିନୟ କରୁଥିବା ୟାମି ଗୌତମ କୋର୍ଟରେ କାନ୍ତିଙ୍କୁ ଭେଟିଛନ୍ତି । ଏହି ସମୟରେ ଶିବଙ୍କ ଦୂତମାନେ ତାଙ୍କୁ ସଠିକ୍ ରାସ୍ତା ଦେଖାନ୍ତି ।
ଅମିତ ରାୟଙ୍କ ଦ୍ୱାରା ନିର୍ଦ୍ଦେଶିତ ଏବଂ ଲିଖିତ, OMG 2 ଗତ ମାସରେ ଟିଜର ରିଲିଜ ପରେ ବିବାଦର ସମ୍ମୁଖୀନ ହୋଇଥିଲା । ଟିଜରରେ ଷ୍ଟେସନରେ ଟ୍ରେନର ପାଇଖାନାର ଜଳ ବ୍ୟବହାର କରି ଭଗବାନ ଶିବଙ୍କ ରୁଦ୍ରାଭିଷେକ ଦୃଶ୍ୟ ଦେଖିବାକୁ ମିଳିଥିଲା । ଏହାଦ୍ୱାରା ସେନ୍ସର ବୋର୍ଡ ଅଫ୍ ଫିଲ୍ମ ସାର୍ଟିଫିକେସନ୍ (ସିବିଏଫସି) ଚଳଚ୍ଚିତ୍ର ରିଲିଜ୍ ପାଇଁ ପ୍ରମାଣପତ୍ରକୁ ଅଟକାଇ ଏହାକୁ ସମୀକ୍ଷା କମିଟି ନିକଟକୁ ପଠାଇଥିଲା । ଦୁଇ ସପ୍ତାହରୁ ଅଧିକ ସମୟର ଅପେକ୍ଷା ପରେ, ଚଳଚ୍ଚିତ୍ରଟି କିଛି ପରିବର୍ତ୍ତନ ସହ 'A' ସାର୍ଟିଫିକେଟ୍ ଅନୁମୋଦିତ ପାଇଛି । ଏପରିକି ଫିଲ୍ମରେ ଅକ୍ଷୟ ଭଗବାନ ଶିବଙ୍କ ରୂପରେ ନାହିଁ ବରଂ ଭଗବାନ ଶିବଙ୍କ ଦୂତ ରୂପରେ ନଜର ଆସିବେ ।
ଏହା ମଧ୍ୟ ପଢନ୍ତୁ: 12 ବର୍ଷ ପରେ ଅକ୍ଷୟ କୁମାରଙ୍କ ଏହି ଫିଲ୍ମକୁ ମିଳିଲା 'A' ସାର୍ଟିଫିକେଟ୍
OMG 2 ହେଉଛି OMGର ସ୍ବିକେଲ । ପ୍ରଥମ ଭାଗରେ ଅକ୍ଷୟ ଶ୍ରୀକୃଷ୍ଣ ଭୂମିକାରେ ନଜର ଆସିଥିଲେ । ଏଥିରେ ତାଙ୍କ ସହ ପରେଶ ରାୱଲ ତାଙ୍କ ଭକ୍ତ ଭାବରେ ନଜର ଆସିଥିଲେ । ଏହି ଫିଲ୍ମ ବେଶ ଲୋକପ୍ରିୟତା ହାସଲ କରିବା ସହ ହିଟ୍ ହୋଇଥିଲା । ତେବେ ବର୍ତ୍ତମାନ ଓଏମଜି 2ରେ ଅକ୍ଷୟ, ପଙ୍କଜ ତ୍ରିପାଠୀ ଏବଂ ୟାମି ଗୌତମ ମୁଖ୍ୟ ଭୂମିକାରେ ନଜର ଆସିବେ । ତେବେ ଏହି ଚଳଚ୍ଚିତ୍ରଟି ଭାରତୀୟ ବିଦ୍ୟାଳୟରେ ଯୌନ ଶିକ୍ଷା ପ୍ରସଙ୍ଗରେ ହୋଇଥିବା ଜଣାପଡିଛି । ତେବେ ଚଳଚ୍ଚିତ୍ରଟି ଅଗଷ୍ଟ 11ରେ ରିଲିଜ ହେବ । ଯାହା ସନ୍ନି ଦେଓଲଙ୍କ ଫିଲ୍ମ ଗଦାର 2 ସହ କଡା ଟକ୍କର ଦେବ ।
