ହାଇଦ୍ରାବାଦ: ବଲିଉଡ ସୁପରଷ୍ଟାର ଅକ୍ଷୟ କୁମାରଙ୍କ ଫିଲ୍ମ 'ଓ ମାଇ ଗଡ ୨' ଫିଲ୍ମର ଟିଜର ରିଲିଜ ହେବା ଦିନ ଠାରୁ ବିବାଦରେ ଛନ୍ଦି ହୋଇଛି । ଫିଲ୍ମରେ ଅକ୍ଷୟ କୁମାର ଭଗବାନ ଶିବଙ୍କ ରୂପରେ ନଜର ଆସିବାକୁ ଥିବା ବେଳେ ଅଭିନେତା ପଙ୍କଜ ତ୍ରିପାଠୀ ତାଙ୍କ ଭକ୍ତ ଭାବେ ନଜର ଆସିଛନ୍ତି । ଫିଲ୍ମକୁ ସେନ୍ସର ବୋର୍ଡ ମଧ୍ୟ ଏଯାଏଁ ସାର୍ଟିଫିକେଟ ଦେଇନାହିଁ । ତେବେ ଯାହାକୁ ନେଇ ଚର୍ଚ୍ଚା ଜୋର ଧରିଛି । ଏହାରି ମଧ୍ୟରେ ବର୍ତ୍ତମାନ ଅଭିନେତା ପଙ୍କଜ ତ୍ରିପାଠୀ ପ୍ରତିକ୍ରିୟା ଦେଇଛନ୍ତି । ସେ କହିଛନ୍ତି, 'ସତ ଖୁବଶୀଘ୍ର ସମସ୍ତଙ୍କ ସାମ୍ନାକୁ ଆସିବ ।'
- " class="align-text-top noRightClick twitterSection" data="">
ସୂଚନା ଅନୁସାରେ, ରିଲିଜ ଟିଜରରେ ଫିଲ୍ମର କିଛି ସିନକୁ ନେଇ ସୋସିଆଲ ମିଡିଆରେ ବିବାଦ ସୃଷ୍ଟି ହୋଇଥିଲା । ଏବଂ ଫିଲ୍ମରୁ ସିନକୁ ହଟାଇବାକୁ ଦାବି ମଧ୍ୟ କରାଯାଇଥିଲା । ସେପଟେ ସେନ୍ସର ବୋର୍ଡ ମଧ୍ୟ ଫିଲ୍ମକୁ ସାର୍ଟିଫିକେଟ ନ ଦେଇ ରିଭ୍ୟୁ କମିଟିକୁ ପଠାଇଛି । କାରଣ ଆଦିପୁରୁଷକୁ ନେଇ ହୋଇଥିବା ପୁନରାବୃତ୍ତି ଚାହୁଁନାହିଁ ସେନ୍ସର ବୋର୍ଡ । ଏଣୁ ସେନ୍ସର ବୋର୍ଡ ଫିଲ୍ମ ରିଲିଜକୁ ବର୍ତ୍ତମାନ ସୁଦ୍ଧା ସାର୍ଟିଫିକେଟ ଦେଇନାହିଁ । ତେବେ ବର୍ତ୍ତମାନ ପଙ୍କଜ ତ୍ରିପାଠୀ ଏହି ପ୍ରସଙ୍ଗରେ ମୁହଁ ଖୋଲିଛନ୍ତି । ସେ କହିଛନ୍ତି, 'ଏପର୍ଯ୍ୟନ୍ତ ଏ ବାବଦରେ କହିବା ପାଇଁ ଅନୁମତି ଦିଆଯାଇ ନାହିଁ । ଏହା ବ୍ୟତୀତ ତାଙ୍କ ଚଳଚ୍ଚିତ୍ର ବିଷୟରେ ପଙ୍କଜ ତ୍ରିପାଠୀ କହିଛନ୍ତି ଯେ ଗୁଜବ ପ୍ରତି ଧ୍ୟାନ ଦିଅନ୍ତୁ ନାହିଁ । ଅଗଷ୍ଟ 11ରେ ଫିଲ୍ମଟି ପରଦାରେ ରିଲିଜ ହେଲେ ସମସ୍ତଙ୍କ ସାମ୍ନାରେ ସତ୍ୟତା ଆସିବ । ସବୁ ଭ୍ରମ ଦୂର ହୋଇଯିବ।'
ସୂଚନା ଥାଉ କି, ନିକଟରେ OMG-2ର ଟିଜର ରିଲିଜ୍ ହୋଇଥିଲା । ଏଥିରେ ଦେଖାଯାଇଥିବା ଶିବଙ୍କ ଅଭିଷେକ ସିନ୍କୁ ନେଇ କିଛି ଲୋକ ଆପତ୍ତି କରିଥିଲେ । କହିଥିଲେ ଯେ ଏହି ସିନ ଦ୍ୱାରା ସେମାନଙ୍କର ଭାବାବେଗ ଆଘାତ ପାଇଛି । ଏଣୁ ଫିଲ୍ମର ଏହି ସିନ୍କୁ ହଟାଇବାକୁ ଦାବି କରିଛନ୍ତି । ଫିଲ୍ମକୁ ଏମିତି କିଛି କରାନଯାଉ ଯାଦ୍ବାରା ସନାତନ ଧର୍ମର ଲୋକଙ୍କ ଧାର୍ମିକ ଭାବନାକୁ ଆଘାତ ପହଞ୍ଚିବ ବୋଲି ମତ ରଖିଛନ୍ତି ୟୁଜର୍ସ । ସେପଟେ ମହାକାଳ ମନ୍ଦିର ପୂଜକ ମଧ୍ୟ ଫିଲ୍ମକୁ ନେଇ ନିର୍ଦ୍ଦେଶକଙ୍କୁ ଚେତାବନୀ ଦେଇଥିଲେ । ସେ କହିଥିଲେ, 'ଯଦି ଫିଲ୍ମରେ କିଛି ବିବାଦୀୟ ସଂଳାପ ବା ଦୃଶ୍ୟ ଥାଏ । ତେବେ ରିଲିଜ ପୂର୍ବରୁ ତାକୁ ହଟାଇ ଦିଆଯାଉ । ନଚେତ ବିରୋଧର ସମ୍ମୁଖୀନ ହେବାକୁ ପ୍ରସ୍ତୁତ ରହୁ ।''
ଏହା ମଧ୍ୟ ପଢନ୍ତୁ: ମହାକାଳେଶ୍ୱର ମନ୍ଦିର ପୂଜକଙ୍କ ଚେତାବନୀ, ବିବାଦ ହେଲେ ବିରୋଧ ପାଇଁ ପ୍ରସ୍ତୁତ ରୁହ
ଅନ୍ୟପଟେ 'ଓଏମଜି ୨'ର ପ୍ରଥମ ଗୀତ ରିଲିଜ ହୋଇଛି । ଏହା ଏକ ଶିବ ଭଜନ, ଯେଉଁଥିରେ ପଙ୍କଜ ତ୍ରିପାଠୀଙ୍କ ସହ ଅକ୍ଷୟ ଭଗବାନ ଶିବଙ୍କ ଅବତାରରେ ନଜର ଆସିଛନ୍ତି । 'ଓଞ୍ଚି ଓଞ୍ଚି ୱାଦି' ଶୀର୍ଷକ ଏହି ଗୀତକୁ କବୀର ଶୁକ୍ଲା ଏବଂ ହଂସରାଜ ରଘୁଭନ୍ସି ଗାଇଛନ୍ତି ଏବଂ ଡିଜେଷ୍ଟ୍ରିଙ୍ଗ୍ସ ଏହାକୁ ଲେଖିଛନ୍ତି । ରାହିଙ୍କ ଦ୍ୱାରା ଏହା ରଚନା କରାଯାଇଛି। ତେବେ ଫିଲ୍ମରେ ପଙ୍କଜ, ଅକ୍ଷୟଙ୍କ ବ୍ୟତୀତ ଅଭିନେତ୍ରୀ ୟାମି ଗୌତମ ଏବଂ ଅରୁଣ ଗୋଭିଲ ମଧ୍ୟ ନଜର ଆସିବେ । ଏହି OMG-2 ଅଗଷ୍ଟ 11ରେ ରିଲିଜ୍ ହେବ । ଯାହା ସନ୍ନି ଦେଓଲଙ୍କ ଗଦର-2 ସହ କଡା ଟକ୍କର ଦେବ।
