ମୁମ୍ବାଇ: ନିକଟରେ ସାଉଥ ସୁନ୍ଦରୀ ନୟନତାରା ପ୍ରସିଦ୍ଧ ଚଳଚ୍ଚିତ୍ର ନିର୍ମାତା ବିଘ୍ନେଶ ଶିବନ (Nayanthara & Vignesh)ଙ୍କ ସହ ବିବାହ ବନ୍ଧନରେ ଆବଦ୍ଧ ହୋଇଥିଲେ। ଏମାନଙ୍କ ପ୍ରେମ କାହାଣୀ କୌଣସି ଫିଲ୍ମ କାହାଣୀଠାରୁ କମ୍ ନୁହେଁ । ଦୁହେଁ ଜୀବନରେ ଏକ ନୂଆ ପର୍ଯ୍ୟାୟ ଆରମ୍ଭ କରିସାରିଛନ୍ତି । ଏହାରି ମଧ୍ୟରେ 'Nayanthara: Beyond The Fairy tale' ର ଟିଜର ଶନିବାର ଜାରି କରାଯାଇଛି । ଯେଉଁଥିରେ ଆମେ ଚଳଚ୍ଚିତ୍ର ନିର୍ମାତା ବିଘ୍ନେଶ ଶିବନଙ୍କ ସହ ତାଙ୍କ ପତ୍ନୀ ନୟନତାରାଙ୍କ ସମ୍ପର୍କ, ସେମାନଙ୍କର ମିଳନ ଏବଂ ସେମାନଙ୍କ ଜୀବନର ଝଲକ ଦେଖିବାକୁ ପାଇବା ।
- " class="align-text-top noRightClick twitterSection" data="">
Nayanthara: Beyond The Fairy tale ଗୌତମ ବାସୁଦେବ ମେନନଙ୍କ ଦ୍ବାରା ନିର୍ଦ୍ଦେଶିତ ଏକ ଡକ୍ୟୁମେଣ୍ଟାରୀ କାହାଣୀ । ନିର୍ମାତାମାନେ ଏପର୍ଯ୍ୟନ୍ତ ଏହାର ରିଲିଜ୍ ତାରିଖକୁ ଗୋପନ ରଖିଛନ୍ତି। ବର୍ତ୍ତମାନ ନିର୍ମାତାଙ୍କ ଦ୍ୱାରା ଫିଲ୍ମର ଟିଜର ରିଲିଜ୍ ହୋଇଛି । ଏହି ସୋ ନେଟଫ୍ଲିକ୍ସରେ ମୁକ୍ତିଲାଭ କରିବ ।
ସାତ ବର୍ଷ ଧରି ଡେଟିଂ କରିବା ପରେ ନୟନତାରା ଏବଂ ବିଘ୍ନେଶ ଶିବନ 9 ଜୁନ୍ 2022 ରେ ମହାବଳେଶ୍ୱର ମନ୍ଦିରରେ ବିବାହ କରିଥିଲେ । ଏହି ବିବାହରେ ଶାହାରୁଖ ଖାନଙ୍କ ଠାରୁ ମଣି ରତ୍ନମ ପର୍ଯ୍ୟନ୍ତ ସମସ୍ତ ତାରକା ଏହି ବିବାହରେ ପହଞ୍ଚିଥିଲେ। ବିବାହ ଫଟୋ ମଧ୍ୟ ନୟନତାରା ନିଜେ ସୋସିଆଲ ମିଡିଆରେ ସେୟାର କରିଥିଲେ। ଏବେ 'Nayanthara: Beyond The Fairy tale'ରୁ ଏକ ନୂଆ ଝଲକ ମଧ୍ୟ ଦେଖିବାକୁ ମିଳିଛି ।
ନୟନତାରା ବର୍ତ୍ତମାନ ଏଟିଲିଙ୍କ ନିର୍ଦ୍ଦେଶିତ ଯବାନଙ୍କ ପାଇଁ ସୁଟିଂ କରୁଛନ୍ତି। ଏହି ଅଭିନେତ୍ରୀ 2023 ମସିହାରେ ପ୍ରେକ୍ଷାଳୟରେ ମୁକ୍ତିଲାଭ କରୁଥିବା ବଲିଉଡ ଡେବ୍ୟୁରେ ଶାହରୁଖ ଖାନଙ୍କ ବିପକ୍ଷରେ ନଜର ଆସିବେ। ଯବାନଙ୍କ ସୁଟିଂ ପରେ ସେ ନିର୍ଦ୍ଦେଶକ ଅହମ୍ମଦଙ୍କ ସହ ଜୟମ ରବିଙ୍କ ଫିଲ୍ମର ସୁଟିଂ ଆରମ୍ଭ କରିବେ ।
