ମୁମ୍ବାଇ: ସାରା ଦୁନିଆରେ ବଲିଉଡ ସୁପରଷ୍ଟାର ଶାହାରୁଖ ଖାନଙ୍କ ଫିଲ୍ମ 'ପଠାନ' ଧମାଲ ମଚାଇସାରିଲାଣି । ଫିଲ୍ମ ରିଲିଜର ୨୭ଦିନ ମଧ୍ୟରେ ୧୦୦୦ କୋଟିର ବ୍ୟବସାୟ କରି ଇତିହାସ ରଚିଛି । ଶାହାରୁଖ ଖାନଙ୍କ ଏହି ପ୍ରଥମ ଫିଲ୍ମ ଯାହାକି ୧୦୦୦ କୋଟିର ବ୍ୟବସାୟ କରିଛି । ଏହି ସଫଳତା ପାଇଁ ଫିଲ୍ମ ମେକର ଏବଂ ଶାହାରୁଖ ଖାନ ମଧ୍ୟରେ ଖୁସିର ଲହରୀ ଖେଳିଯାାଇଛି ଏବଂ 'ପଠାନ'ର ୧୦୦୦କୋଟିର ବ୍ୟବସାୟ ପରେ ମେକର ଏକ ଭିଡିଓ ସେୟାର କରିଛନ୍ତି । ଏହି ଭିଡିଓରେ ଫିଲ୍ମର ରିଲିଜରୁ ଆରମ୍ଭ କରି ୧୦୦୦କୋଟି ବ୍ୟବସାୟ କରିବାର ଯାତ୍ରା ଦେଖାଇଛନ୍ତି । ଏହି ଭିଡିଓକୁ ପୋଷ୍ଟ କରି 'ପଠାନ' ର ମେକର ନିଜ ଖୁସିକୁ ଦେଖାଇଛନ୍ତି ।
'ପଠାନ'ର ସୁପରହିଟ ହେବା ପରେ ଏହା କେବଳ ମେକର ଏବଂ ଶାହାରୁଖ ଖାନ ଖୁସିର ଲହରୀ ଖେଳିଯାଇଛି ତାହା ନୁହଁ ବରଂ ଶାହାରୁଖଙ୍କ ପ୍ରଶଂସକ ମାନଙ୍କ ମଧ୍ୟରେ ବି ଖୁସିର ଲହରୀ ଖେଳିଯାଇଛି । ଫିଲ୍ମ ନିର୍ମାତା ୟଶରାଜ ବ୍ୟାନର ନିଜ ଅଫିସିଆଲ ଆକାଉଣ୍ଟରେ 'ପଠାନ'ର ୧୦୦୦ କୋଟି ବ୍ୟବସାୟ କରିବା ପରେ ଏକ ଭିଡିଓ ଜାରି କରିଥିଲେ । ଏହି ଭିଡିଓରେ ଫିଲ୍ମର ରିଲିଜରୁ ଆରମ୍ଭ କରି ୧୦୦୦କୋଟି ବ୍ୟବସାୟ କରିବାର ଯାତ୍ରାକୁ ଦେଖାଯାଇଛି । ଏଥିସହ ଏହି ଭିଡିଓରେ ପଠାନକୁ ନେଇ ପ୍ରଶଂସକଙ୍କ ମଧ୍ୟରେ ଥିବା କ୍ରେଜକୁ ମଧ୍ୟ ଦେଖାଯାଇଛି । ତେବେ 'ପଠାନ'ର ଇତିହାସ ରଚିବା ନେଇ ମେକର ପ୍ରଶଂସକଙ୍କ ସହ ଏହି ଖୁସିକୁ ବାଣ୍ଟିଥିବା ନଜର ଆସିଛି ।
ସୂଚନା ଥାଉକି, ୧୦୦୦କୋଟି କ୍ଲବରେ ଏଣ୍ଟ୍ରି କରିବାର ୫ମ ଫିଲ୍ମ ଶାହାରୁଖ ଖାନ ଫିଲ୍ମ 'ପଠାନ' । ଏହି ଲିଷ୍ଟ ମଧ୍ୟରେ ସବୁଠୁ ଅଧିକ ବ୍ୟବସାୟ କରିଥିବା ଅଭିନେତା ଅମୀର ଖାନଙ୍କ ଫିଲ୍ମ 'ଦଙ୍ଗଲ' କରିଛି । ୧୦୦୦କୋଟି କ୍ଲବର ଟପ୍ ଲିଷ୍ଟରେ ସଂଖ୍ୟା ଦେଖିବାକୁ ଗଲେ 'ଦଙ୍ଗଲ' (୨୦୨୩.୮୧ କୋଟି), ବାହୁବଲୀ-୨ (୧୮୧୦.୫୯ କୋଟି), କେଜିଏଫ-୨ (୧୨୩୫.୧୦ କୋଟି), ଆରଆରଆର (୧୧୬୯ କୋଟି) ଏବଂ ୫ ନମ୍ବରରେ ଶାହାରୁଖ ଖାନ ଫିଲ୍ମ 'ପଠାନ' ୧୦୦୦କୋଟିର ବ୍ୟବସାୟ କରିଛି ।
ତେବେ ହିନ୍ଦୀ ଚଳଚ୍ଚିତ୍ର ମଧ୍ୟରେ ପ୍ରଥମେ ଅଭିନେତା ଆମୀର ଖାନଙ୍କ ଫିଲ୍ମ 'ଦଙ୍ଗଲ' ଯାହା ୨୦୦୦କୋଟିରୁ ଅଧିକ ରୋଜଗାର କରି ଇତିଦାସ ରଚିଥିବା ବେଳେ ଦ୍ବିତୀୟରେ ଶାହାରୁଖ ଖାନ ଙ୍କ ଫିଲ୍ମ 'ପଠାନ' ୧୦୦୦କୋଟିର ବ୍ୟବସାୟ କରିଛି । ଫିଲ୍ମର ଏହି ସଫଳତା ନେଇ ସବୁଆଡେ ସେଲିବ୍ରେସନର ମାହୋଲ ଦେଖିବାକୁ ମିଳିଛି ।
