ହାଇଦ୍ରାବାଦ: ସାଉଥ ସୁପରଷ୍ଟାର ମହେଶ ବାବୁଙ୍କ ଅଭିନୀତ ବହୁ ପ୍ରତିକ୍ଷୀତ ଫିଲ୍ମ 'ଗୁଣ୍ଟୁର କରମ' ରିଲିଜକୁ ଆଉ ମାତ୍ର ୨ ଦିନ ବାକି ଅଛି । ଏହାରି ମଧ୍ୟରେ ସାଉଥରେ ସୁପରଷ୍ଟାରଙ୍କ ଫିଲ୍ମ ରିଲିଜକୁ ନେଇ ଏବେଠାରୁ ସେଲିବ୍ରେସନର ମାହୋଲ ଦେଖିବାକୁ ମିଳିଛି । ସୋସିଆଲ ମିଡିଆରେ ଫ୍ୟାନ୍ସଙ୍କ ଅନେକ ଭିଡିଓ ଏବେ ଭାଇରାଲ ହେବାରେ ଲାଗିଛି । କେଉଁଠି ଅଭିନେତାଙ୍କ ବଡ ବଡ କଟ-ଆଉଟ ଲଗାଯାଇଛି ତ କେଉଁଠି ଫ୍ୟାନ୍ସ ଉତ୍ସାହିତ ଥିବା ଦେଖିବାକୁ ମିଳିଛି । ମହେଶ ବାବୁଙ୍କ ପତ୍ନୀ ନମ୍ରତା ଶିରୋଦକର ପ୍ରଶଂସକଙ୍କ ଏକ ଭିଡିଓ ସେୟାର କରି ଉତ୍ସାହର ସହ ତାଙ୍କ ଫିଲ୍ମକୁ ପାଳନ କରିଥିବାର ଝଲକ ଦେଖାଇଛନ୍ତି । ଏଥିପାଇଁ ସେ ଫ୍ୟାନ୍ସଙ୍କୁ ଧନ୍ୟବାଦ ମଧ୍ୟ ଜଣାଇଛନ୍ତି ।
ନମ୍ରତା ନିଜ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରିଛନ୍ତି । ଯେଉଁଥିରେ ଫ୍ୟାନ୍ସ ଫିଲ୍ମର ଗୀତ 'ଦମ ମସାଲା' ଗାଉଥିବାର ନଜର ଆସିଛନ୍ତି । ସମସ୍ତ ଫ୍ୟାନ ଏକାଠି ମିଶି ଗୀତ ଗାଉଛନ୍ତି । ଏହି ଭିଡିଓ ସେୟାର କରି ନମ୍ରତା ଲେଖିଛନ୍ତି, ''ଏତେ ମାତ୍ରାରେ ଭଲପାଇବା ଦେଇଥିବାରୁ ଧନ୍ୟବାଦ ।'' ସୂଚନା ଥାଉକି, ଏହି ଦୃଶ୍ୟଟି ହାଇଦ୍ରାବାଦର ସୁଦର୍ଶନ ଥିଏଟରରେ ଦେଖିବାକୁ ମିଳିଛି । ଫିଲ୍ମର ଟ୍ରେଲର ରିଲିଜ ସମୟରେ ଫ୍ୟାନ୍ସମାନେ ଫିଲ୍ମକୁ ନେଇ ଉତ୍ସାହିତ ଥିବା ନଜର ଆସିଥିଲେ ।
ସେହିପରି ସୋସିଆଲ ମିଡିଆରେ ଆଉ କିଛି ପୋଷ୍ଟ ମଧ୍ୟ ଭାଇରାଲ ହେଉଛି । ଯେଉଁଥିରେ ଅଭିନେତାଙ୍କ କଟ୍-ଆଉଟ୍ ଦେଖିବାକୁ ମିଳିଛି । ସୂଚନା ଅନୁସାରେ, ହାଇଦ୍ରାବାଦର ସୁଦର୍ଶନ ଥିଏଟର ବାହାରେ ୮୫ ଫୁଟର କଟ-ଆଉଟ୍ ଏବଂ ବିଜୟୱାଡା ସିଟି ରାଜ ୟୁବରାଜ ଥିଏଟର ବାହାରେ ମହେଶ ବାବୁଙ୍କ ୭୫ ଫୁଟର କଟ-ଆଉଟ୍ ଲଗାଯାଇଛି । ସେପଟେ ଜାନୁଆରୀ ୬ରେ ଫିଲ୍ମର ପ୍ରି-ରିଲିଜ ଇଭେଣ୍ଟ ହେବାର ଥିଲା । ହେଲେ ସିକ୍ୟୁରିଟି ସମସ୍ୟା ଏବଂ ଅନ୍ୟାନ୍ୟ ସମସ୍ୟା ପାଇଁ ଏହି ଇଭେଣ୍ଟକୁ ବନ୍ଦ କରିଦିଆଗଲା । ଫଳରେ ଫ୍ୟାନ୍ସ ନିରାଶ ହୋଇଥିଲେ ।
ଏହା ମଧ୍ୟ ପଢନ୍ତୁ: ମହେଶ ବାବୁଙ୍କ ଫିଲ୍ମରେ ରହିବ କିଙ୍ଗ୍ ଖାନଙ୍କ କ୍ୟାମିଓ ! ବଢିଲା ଫ୍ୟାନ୍ସଙ୍କ ଉତ୍ସାହ
କହିରଖୁଛୁ କି, ମହେଶ ବାବୁଙ୍କ ଫିଲ୍ମରେ ରହିବ କିଙ୍ଗ୍ ଖାନଙ୍କ କ୍ୟାମିଓ । ଜାନୁଆରୀ ୭ରେ ଫିଲ୍ମର ଟ୍ରେଲର ରିଲିଜ ହୋଇଥିଲା । ରିଲିଜ ପରେ ୟୁଟ୍ୟୁବରେ ଏହା ୪୦ ମିଲିୟନରୁ ଅଧିକ ଲୋକ ଦେଖିଛନ୍ତି । ତେବେ ଏହି ଫିଲ୍ମ ଜାନୁଆରୀ 12ରେ ବଡ଼ ପରଦାରେ ଆସିବ । ମହେଶ ବାବୁଙ୍କ ଫିଲ୍ମର ବଜେଟ୍ ବର୍ତ୍ତମାନ ୨୦୦ କୋଟି ଟଙ୍କା ବୋଲି କୁହାଯାଉଛି । ଶ୍ରୀନିବାସଙ୍କ ନିର୍ଦ୍ଦେଶନାରେ ନିର୍ମିତ ଏହି ଚଳଚ୍ଚିତ୍ର ‘ଗୁଣ୍ଟୁର କରମ’ରେ ମହେଶ ବାବୁଙ୍କ ସମେତ ମୀନାକ୍ଷୀ ଚୌଧୁରୀ ଏବଂ ଶ୍ରୀଲେଲା ମହେଶ ବାବୁଙ୍କ ସହ ପ୍ରମୁଖ ଭୂମିକାରେ ଅଭିନୟ କରିଛନ୍ତି ।
