ହାଇଦ୍ରାବାଦ: ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ)ର ପ୍ରତିଷ୍ଠାତା ଲଳିତ ମୋଦି ପୁଣି ଥରେ ସୋସିଆଲ ମିଡିଆରେ ଫଟୋ ସେୟାର କରିଛନ୍ତି । ଲଳିତ ମୋଦି କେବଳ ଫଟୋ ସେୟାର କରିନାହାନ୍ତି, ବରଂ ପୁନର୍ବାର ୟୁଜର୍ସଙ୍କ ଟାର୍ଗେଟକୁ ମଧ୍ୟ ଆସିଛନ୍ତି । ପୂର୍ବରୁ ମିସ୍ ୟୁନିଭର୍ସ ସୁସ୍ମିତା ସେନଙ୍କ ସହ ରୋମାଣ୍ଟିକ ଫଟୋ ସେୟାର କରି ସୋସିଆଲ ମିଡିଆରେ ଟ୍ରୋଲର ଶିକାର ହୋଇଥିଲେ । ଏଥର ନିଜ ଫଟୋ ସେୟାର କରି ଟ୍ରୋଲ ହୋଇଛନ୍ତି ।
- " class="align-text-top noRightClick twitterSection" data="
">
ଗତ ଅଗଷ୍ଟ ୨ରେ ଲଲିତ ମୋଦି ଏକ ସ୍କାଏ ଷ୍ଟ୍ରାଇପ ସର୍ଟରେ ସେଲଫି ସେୟାର କରିଥିଲେ । ଏହି ସେଲଫି ସହିତ ଥିବା କ୍ୟାପସନରେ ସେ ଲେଖିଥିଲେ, ଗସ୍ତାଡ୍ରେ ଏକ ସୁନ୍ଦର ମୁହୂର୍ତ୍ତ, ଗ୍ରୀଷ୍ମ ସମୟରେ ଏଠାରେ ମଜା ହିଁ କିଛି ଅଲଗା । ଗସ୍ତାଡ୍ ସ୍ୱିଜରଲ୍ୟାଣ୍ଡର ଏକ ରିସୋର୍ଟ ଟାଉନ୍ । ବର୍ତ୍ତମାନ ଲଲିତ ସୋସିଆଲ ମିଡିଆରେ ଏହି ସେଲଫି ସେୟାର କରିବା ମାତ୍ରେ ୟୁଜର୍ସ କମେଣ୍ଟର ବର୍ଷା କରୁଛନ୍ତି । ଜଣେ ୟୁଜର ସିଧାସଳଖ ପଚାରିଛନ୍ତି, 'ସୁସ୍ମିତା ସେନ୍ ଜୀ କେଉଁଠାରେ' ? ଅନ୍ୟ ଜଣେ ୟୁଜର ଲେଖିଛନ୍ତି, 'ମଜା ତ ଏହି ଲୋକ ପାଖରେ ଅଛି' । ଏଥି ସହିତ, ଅନେକ ୟୁଜର୍ସ ଅଛନ୍ତି ଯେଉଁମାନେ ସୁସ୍ମିତା ସେନ୍ କେଉଁଠାରେ ଅଛନ୍ତି ଲଲିତଙ୍କୁ ପଚାରିଛନ୍ତି ।
- " class="align-text-top noRightClick twitterSection" data="
">
ସୂଚନାଯୋଗ୍ୟ ଯେ, ଗତ 10 ବର୍ଷ ଧରି ଲଣ୍ଡନରେ ରହୁଥିବା ଲଲିତ ମୋଦି ସେହି ସମୟରେ ଚର୍ଚ୍ଚାକୁ ଆସିଥିଲେ, ଯେତେବେଳେ ସେ ଟ୍ୱିଟରରେ ବଲିଉଡର ସୁନ୍ଦରୀ ଅଭିନେତ୍ରୀ ସୁସ୍ମିତା ସେନଙ୍କ ସହ ରୋମାଣ୍ଟିକ ଫଟୋ ସେୟାର କରିିଥିଲେ ଏବଂ ଏହି ଫଟୋ ସେୟାର କରି ଲେଖିଥିଲେ- Dating to each other । ଏହା ପରେ ସୋସିଆଲ ମିଡିଆ ଏବଂ ବଲିଉଡରେ ରାତାରାତି ହଇଚଇ ସୃଷ୍ଟି ହୋଇଯାଇଥିଲା । ଏଥି ସହିତ ସୁସ୍ମିତା ସେନଙ୍କୁ ସୋସିଆଲ ମିଡିଆରେ ଗୋଲ୍ଡ ଡିଗର୍ କୁହାଯିବା ଆରମ୍ଭ ହୋଇଥିଲା । ଏହା ପରେ ଅଭିନେତ୍ରୀ ଜଣକ ତାଙ୍କ ସ୍ପଷ୍ଟୀକରଣରେ ଗୋଟିଏ ପରେ ଗୋଟିଏ ଫଟୋ ପୋଷ୍ଟ କରିଥିଲେ ଏବଂ ୟୁଜର୍ସଙ୍କୁ ଉପଯୁକ୍ତ ଉତ୍ତର ଦେଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
