ହାଇଦ୍ରାବାଦ: କରଣ ଜୋହରଙ୍କ ସେଲିବ୍ରିଟି ଚାଟ୍ ଶୋ' 'କଫି ୱିଥ୍ କରଣ ଶୋ' ସିଜନ ୮ର ଲାଟେଷ୍ଟ ପ୍ରୋମୋ ବର୍ତ୍ତମାନ ରିଲିଜ ହୋଇଛି । ଏହି ଏପିସୋଡରେ ଏବେ ସିଙ୍ଘମ ଟିମ ଅଜୟ ଦେବଗନ୍ ଏବଂ ରୋହିତ ଶେଟ୍ଟୀ ନଜର ଆସିବେ । ଉଭୟ ଏହି ସମୟରେ କାଜୋଲ, ସଲମାନ ଖାନ ଏବଂ ରଣଭୀର ସିଂଙ୍କ ବିଷୟରେ କଥାବାର୍ତ୍ତା କରିଛନ୍ତି ।
କରଣ ଜୋହର ଇନଷ୍ଟାଗ୍ରାମରେ ସେୟାର କରିଥିବା ପ୍ରୋମୋରେ ଅଜୟ ଦେବଗନ ଏବଂ ରୋହିତ ଶେଟ୍ଟୀଙ୍କ ପରିଚୟ ସହ ଏହି ଶୋ' ଆରମ୍ଭ କରୁଥିବା ଦେଖିବାକୁ ମିଳିଛି । ଏହା ପରେ ହୋଷ୍ଟ ଅଭିନେତାଙ୍କୁ ପଚାରିଥିଲେ ଯେ ସେ ଫିଲ୍ମର ସଫଳତା ଉପରେ ଓଭର ରିଆକ୍ଟ କରୁଛନ୍ତି କି ? ଏହାର ଉତ୍ତରରେ ଅଜୟଙ୍କ ବଦଳରେ ରୋହିତ ଶେଟ୍ଟୀ ଦେଇଥିଲେ । ସେ କହିଛନ୍ତି ମୁଁ ଅଜୟ ଏବଂ ସଲମାନଙ୍କ ବିଷୟରେ କହିବାକୁ ଚାହେଁ ଯେ ଯଦି ଫିଲ୍ମ ହିଟ୍ ହୁଏ ତେବେ ସେମାନେ ଭ୍ୟାନିଟି ଭ୍ୟାନରେ ବସି ଚିଲ୍ କରନ୍ତି । ଏବଂ ଯଦି ଫିଲ୍ମ ଫ୍ଲପ୍ ହୁଏ ତେବେ ସେମାନେ ଦୁହେଁ ଭ୍ୟାନ ବାହାରେ ବସି ଚିଲ୍ କରନ୍ତି ।
ଏହା ପରେ କରଣ ଜୋହର ରଣଭୀର ସିଂଙ୍କ ବିଷୟରେ କହିଥିଲେ ଯେ ସେ ଅତ୍ୟନ୍ତ ଏର୍ନାଜେଟିକ, ଅଜୟଙ୍କ ଠାରୁ ସମ୍ପୂର୍ଣ୍ଣ ଭିନ୍ନ, ତେଣୁ ଉଭୟ ଏହାକୁ କିପରି ପରିଚାଳନା କରନ୍ତି । ଏନେଇ ଅଜୟ କହିଛନ୍ତି, ସେ ମୁହଁ ବନ୍ଦ ରଖନ୍ତି କିମ୍ବା ମୁଁ କାନ ବନ୍ଦ କରିଦେଇଥାଏ । ଏହା ପରେ କରଣ ପଚାରିଥିଲେ ଯେ ଅଜୟ ଆପଣ ପାର୍ଟିକୁ ଯାଆନ୍ତି ନାହିଁ, ଅଭିନେତା କହିଛନ୍ତି ଯେ ତାଙ୍କୁ କେହି ନିମନ୍ତ୍ରଣ କରନ୍ତି ନାହିଁ । ତାପରେ କରଣ ପଚାରନ୍ତି, ବିମାନ ବନ୍ଦରରେ ପାପାରାଜି ଆପଣଙ୍କୁ ଘେରି ନାହାଁନ୍ତି କି ? ଅଜୟ ଉତ୍ତର ଦେଇ କହୁଛନ୍ତି, ମୁଁ ତାଙ୍କୁ ଆଦୌ ଡାକେ ନାହିଁ ।
ଏହା ମଧ୍ୟ ପଢନ୍ତୁ: ମହଙ୍ଗା ପଡିଲା ପାନ ମସଲା ବିଜ୍ଞାପନ, ଶାହାରୁଖ-ଅକ୍ଷୟ-ଅଜୟଙ୍କୁ ସରକାରୀ ନୋଟିସ
କରଣ ଜୋହର ମଧ୍ୟ ଅଜୟ ଦେବଗନଙ୍କୁ କାଜୋଲଙ୍କ ବିଷୟରେ ବି ପ୍ରଶ୍ନ କରିଥିବା ଦେଖିବାକୁ ମିଳିଛି । କରଣ ଅଜୟଙ୍କୁ ପଚାରନ୍ତି ଦେବଗନ ଘରେ ସାଧାରଣ କାରଣ କଣ ଯେତେବେଳେ କାଜୋଲ ତୁମ ସହ କଥାବାର୍ତ୍ତା କରନ୍ତି ନାହିଁ । ଏହା ଉପରେ ଅଭିନେତା ହସି ଉତ୍ତର ଦେଇ କହିଛନ୍ତି, ମୁଁ ମଧ୍ୟ ସେହି ଦିନକୁ ଅପେକ୍ଷା କରିଛି ଯେବେ ମୋ ସହ ସେ କଥା ହେବେ ନାହିଁ । ପ୍ରୋମୋ ଶେଷରେ କରଣ ପଚାରଛନ୍ତି, ଫିଲ୍ମ ଇଣ୍ଡଷ୍ଟ୍ରିରେ ଏପରି କେହି ତୁମର ଶତ୍ରୁ ଅଛନ୍ତି କି ଯାହାକୁ ଆପଣ ଦେଖିବାକୁ ମଧ୍ୟ ପସନ୍ଦ କରୁନାହାଁନ୍ତି । ଯଦି ହଁ, ସେ କିଏ ? କରଣ ଆଡକୁ ଇଶାରା ଦେଇ ଅଜୟ କୁହନ୍ତି, 'ଏକ ସମୟ ଥିଲା ଶତ୍ରୁ ଆପଣ ଥିଲେ ।'
