ହାଇଦ୍ରାବାଦ: କରଣ ଜୋହରଙ୍କ ଲୋକପ୍ରିୟ ସେଲିବ୍ରିଟି ଚାଟ୍ ଶୋ' କଫି ୱିଥ କରଣ ସିଜନ ୮ରେ ବର୍ତ୍ତମାନର ନୂଆ ଏପିସୋଡରେ ଖୁସୀ କପୁର ଏବଂ ଜାହ୍ନବୀ କପୁର ନଜର ଆସିବେ । ଶୋ'ର ଲାଟେଷ୍ଟ ପ୍ରମୋ ରିଲିଜ ହୋଇଛି । ଯେଉଁଥିରେ ଉଭୟ ଉଭଣୀ ପ୍ରଥମ ଥର ପାଇଁ ଏହି ଶୋ'ରେ ସାମିଲ ହୋଇଥିବାର ଦେଖିବାକୁ ମିଳିଛି । ଏହି ସମୟରେ ଉଭଣୀ ନିଜ ବ୍ୟକ୍ତିଗତ ଏବଂ ବୃତ୍ତିଗତ ଜୀବନୀ ବିଷୟରେ ଅନେକ ଖୁଲାସା କରିଛନ୍ତି । ଏଥିସହ ନିଜ ଡେଟିଂ ଲାଇଫକୁ ନେଇ ଅଭିନେତ୍ରୀ ଖୁଲାସା କରିଛନ୍ତି ।
କରଣ ଜୋହର ଶୋ'ର ଲାଟେଷ୍ଟ ପ୍ରମୋ ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି । ଏହି ଭିଡିଓରେ କରଣ କପୁର ଭଉଣୀ ଜାହ୍ନବୀ ଏବଂ ଖୁସୀଙ୍କୁ ସ୍ବାଗତ କରୁଥିବା ଦେଖିବାକୁ ମିଳିଛି । ପ୍ରମୋ ପ୍ରାରମ୍ଭରେ କରଣ ଜାହ୍ନବୀ ଏବଂ ଖୁସୀ ଙ୍କ ମଜାମସ୍ତି କରୁଥିବା ନଜର ଆସିଛନ୍ତି । ଏହି ସମୟରେ ଜାହ୍ନବୀ ଦାଦା ଅନୀଲ କପୁରଙ୍କ ମିମିକ୍ରି କରୁଥିବା ନଜର ଆସିଛନ୍ତି । ଏଥିସହ ଉଭୟ ଉଭଣୀ ନିଜ ନିଜ ଡେଟିଂ ଲାଇଫକୁ ନେଇ ମଧ୍ୟ ପ୍ରତିକ୍ରିୟା ଦେଇଛନ୍ତି । ତେବେ ଏହି ପୁରା ଏପିସୋଡ ଜାନୁଆରୀ ୪ ତାରିଖରେ ଡିସ୍ନି ପ୍ଲସ ହଟଷ୍ଟାରରେ ମଧ୍ୟରାତ୍ର ୧୨ଟାରେ ଷ୍ଟ୍ରିମିଂ ହେବ ।
ଏହି ସମୟରେ କରଣ ଜାହ୍ନବୀଙ୍କୁ ପଚାରନ୍ତି କି, ତୁମ ଫୋନରେ ସ୍ପିଡ ଡାଏଲ ଲିଷ୍ଟରେ ଟପ ୩ରେ କଣ୍ଟାକ୍ଟ ନମ୍ବର କାହାର ରହିଛି । ଏହାର ଉତ୍ତରରେ ଜାହ୍ନବୀ କୁହନ୍ତି, ପ୍ରଥମେ ବାପା, ୨ୟ ରେ ଖୁସୁ ଅର୍ଥାତ୍ ଖୁସୀ ଏବଂ ୩ୟରେ ଶିଖୁ ଅର୍ଥାତ୍ ଶିଖର ପହରିଆ । ଏହା କହି ଜାହ୍ନବୀ ବ୍ଲସ କରନ୍ତି । ତେବେ ଏଥିରୁ ଜାହ୍ନବୀ ଶିଖରଙ୍କୁ ଡେଟିଂ କରୁଥିବା ନେଇ ସ୍ପଷ୍ଟ ହୋଇଥିବା ମନେ ହେଉଛି ।
ସୂଚନା ଥାଉ କି, ଜାହ୍ନବୀ କପୁର ଏବଂ ଶିଖର ପହରିଆ କିଛି ବର୍ଷ ପୂର୍ବେ ଡେଟ୍ କରୁଥିଲେ । କିନ୍ତୁ ମଝିରେ ଉଭୟଙ୍କ ମଧ୍ୟରେ ଫାଟ ସୃଷ୍ଟି ହୋଇଥିଲା । ଉଭୟେ ଅଲଗା ରହୁଥିବା ବେଳେ ଗତବର୍ଷ ହାଲୋଏନ୍ ପାର୍ଟି ପର ଠାରୁ ପ୍ରାୟତଃ ଏକାଠି ନଜର ଆସୁଛନ୍ତି । ଅନନ୍ତ ଅମ୍ବାନୀ ଏବଂ ରାଧିକା ମର୍ଚାଣ୍ଟଙ୍କ ଯୋଗଦାନ ବାସରେ ଯୋଗଦେବା ଠାରୁ ଆରମ୍ଭ କରି ସୋନମ କପୁରଙ୍କ ଦିପାବଳୀ ପାର୍ଟି ଯାଏଁ ସବୁ ବେଳେ ଏହି ପ୍ରେମୀଯୁଗଳଙ୍କ ଏକାଠି ନଜର ଆସୁଥିବା ନେଇ ହେଡଲାଇନ ରହିଆସୁଛନ୍ତି ।
ସେପଟେ ଖୁସୀ କପୁର ମଧ୍ୟ ନିଜ ଡେଟିଂ ଲାଇପ ନେଇ ଖୁଲାସା କରିଛନ୍ତି । ଶୋ'ରେ ଖୁସୀ କୁହନ୍ତି, ମୁଁ ଏ ବିଷୟରେ ଆତ୍ମବିଶ୍ବାସୀ ଅନୁଭବ କରୁଛି । ଏହା ପରେ କରଣ କୁହନ୍ତି, ତୁମେ ବେଦଙ୍ଗ ରାଇନାଙ୍କୁ ଡେଟ କରୁଛ ବୋଲି ଅନୁମାନ କରାଯାଉଛି । ଏହି ପ୍ରଶ୍ନର ଉତ୍ତରରେ ଖୁସୀ କୁହନ୍ତି, ତୁମେ ଓମ ଶାନ୍ତି ଓମର ସେହି ସିନ୍ ଜାଣିଛ ଯେଉଁଠାରେ ଏକ ଟିମ ପରସ୍ପରକୁ ଡେଟ କରୁଛନ୍ତି? ବାସ୍ ଏହା କହୁଛି, ଓମ୍ ଏବଂ ମୁଁ କେବଳ ଭଲ ବନ୍ଧୁ । ଖୁସୀଙ୍କ ଏହି ଉତ୍ତର ଶୁଣି କରଣ, ଜାହ୍ନବୀ ଆଶ୍ଚର୍ଯ୍ୟ ହୋଇଥିଲେ । ସୂଚନା ଥାଉ କି, ଦ ଆର୍ଚିସରେ ଖୁସୀ ସହ ତାରକା ବେଦାଙ୍ଗ ରାଇନାଙ୍କ ସହ ନଜର ଆସିଛନ୍ତି । ଏହି ଫିଲ୍ମ ପରଠାରୁ ଉଭୟଙ୍କ ଡେଟିଂ ନେଇ ଚର୍ଚ୍ଚା ଜୋର ଧରିଛି ।
ଏହା ମଧ୍ୟ ପଢନ୍ତୁ: ଉଭଣୀଙ୍କ ଜନ୍ମଦିନ ପାର୍ଟିରେ ରୁମର୍ ବୟଫ୍ରେଣ୍ଡ ସହ ନଜର ଆସିଲେ ଜାହ୍ନବୀ
କହିରଖୁଛୁ କି, ଜାହ୍ନବୀ ଏବଂ ଖୁସୀ ବଲିଉଡ ନିର୍ମାତା ବୋନି କପୁର ଏବଂ ସ୍ବର୍ଗତା ଅଭିନେତ୍ରୀ ଶ୍ରୀଦେବୀଙ୍କ ଝିଅ ଅଟନ୍ତି । ଜାହ୍ନବୀ ୨୦୧୮ରେ ଫିଲ୍ମ 'ଧଡକ' ସହ ବଲିଉଡରେ ଡେବ୍ୟୁ କରିଥିଲେ । ସେପଟେ ଖୁସୀ ୨୦୨୩ରେ 'ଦ ଆର୍ଚିସ' ସହ ବଲିଉଡରେ କ୍ୟାରିଅର ଆରମ୍ଭ କରିଛନ୍ତି । ଏହି ଫିଲ୍ମ ସହ ଶାହାରୁଖ ଖାନଙ୍କ ଝିଅ ସୁହାନା ଖାନ ଏବଂ ଅମିତାଭ ବଚ୍ଚନଙ୍କ ନାତି ଅଗସ୍ତ୍ୟା ନନ୍ଦା ମଧ୍ୟ ବଲିଉଡରେ ଡେବ୍ୟୁ କରିଛନ୍ତି । ଏହି ଫିଲ୍ମ ନେଟଫ୍ଲିକ୍ସରେ ରିଲିଜ ହୋଇଥିଲା ।
