ହାଇଦ୍ରାବାଦ: ଏଥର କରଣ ଜୋହରଙ୍କ ସେଲିବ୍ରିଟି ଚାଟ୍ ରିଆଲିଟି ଶୋ' କଫି ୱିଥ୍ କରଣରେ ବଲିଉଡ୍ ଅଭିନେତା ଆଦିତ୍ୟ ରୟ କପୁର ଏବଂ ଅର୍ଜୁନ କପୁର ନଜର ଆସିଛନ୍ତି । ଉଭୟ ଶୋ'ରେ ବେଶ ମଜା କରିବା ସହ ଅନେକ କଥାର ଖୁଲାସା କରିଛନ୍ତି । ଏହି ସମୟରେ କରଣ ଜୋହର ଆଦିତ୍ୟ ରୟ କପୁରଙ୍କୁ 'ଆଶିକୀ ୩' ବିଷୟରେ କଥାବାର୍ତ୍ତା କରିଛନ୍ତି । ତାଙ୍କ ବଦଳରେ କାର୍ତ୍ତିକ ଆର୍ଯ୍ୟନ ଏଥିରେ ନଜର ଆସିବା ନେଇ ମଧ୍ୟ ପ୍ରତିକ୍ରିୟା ଦେଇଛନ୍ତି ।
'ଆଶିକୀ ୨' ର ସଫଳତା ପରେ ନିର୍ମାତାମାନେ ବର୍ତ୍ତମାନ 'ଆଶିକୀ ୩' ଆସୁଛି । ନିକଟରେ କାର୍ତ୍ତିକ ଆର୍ଯ୍ୟନଙ୍କ ନାମ ଏହି ଚଳଚ୍ଚିତ୍ରର ମୁଖ୍ୟ ଅଭିନେତା ଭାବରେ ଚୂଡାନ୍ତ ହୋଇଛି । ତେବେ ସୋ' ରେ କରଣ ଆଦିତ୍ୟ ରୟ କପୁରଙ୍କୁ 'ଆଶିକୀ ୩'ରେ ଅନ୍ୟ କାହାକୁ କାଷ୍ଟ କରାଯିବା ଏବଂ ସେ ତୁମର ଫ୍ରାଞ୍ଚାଇଜକୁ ଆଗକୁ ନେବା ବିଷୟରେ ତୁମେ କିପରି ଅନୁଭବ କରୁଛ ? ଏହାର ଉତ୍ତରରେ ଆଦିତ୍ୟ ରୟ କପୁର କହିଛନ୍ତି ଯେ ସେ ଭାବନ୍ତି କାର୍ତ୍ତିକ ଆର୍ଯ୍ୟନ ଏହି ଚଳଚ୍ଚିତ୍ର ପାଇଁ ଉପଯୁକ୍ତ । ଅଭିନେତା କହିଛନ୍ତି ଯେ ମୋର ଫିଲ୍ମରେ ରହିବାର କୌଣସି ସମ୍ଭାବନା ନଥିଲା କାରଣ ମୋର ଚରିତ୍ରର ଦ୍ୱିତୀୟ ଭାଗରେ ମୃତ୍ୟୁ ହୋଇଯାଏ, ଯେଉଁଠାରୁ ସେ ଆଉ ଫେରେ ହିଁ ନାହିଁ ।
ଏହି ସମୟରେ ଅର୍ଜୁନ କପୁର କହିଛନ୍ତି ଯେ, ଏହା ପରେ ସେ ନାଇଟ୍ ମ୍ୟାନେଜର ହୋଇଗଲେ । ଏହା ପରେ ଆଦିତ୍ୟ କହିଛନ୍ତି, ମୋତେ ଲାଗୁଛି ଯେ ଏହା ବହୁତ ଭଲ ଅଟେ । ମୁଁ ମରିଯାଇଛି। ବର୍ତ୍ତମାନ ମୁଁ କେମିତି ଫେରିବି? ମୋର ଆତ୍ମା ଫେରିବ। କରଣ ଜୋହର ଥଟ୍ଟା କରି କହିଛନ୍ତି ଯେ ସେ କାର୍ତ୍ତିକ ଆର୍ଯ୍ୟନଙ୍କୁ ଅସୁବିଧାରେ ପକାଇବେ । ଆଦିତ୍ୟ ଉତ୍ତର ଦେଇଛନ୍ତି, ହଁ, ସେ କାର୍ତ୍ତିକ ଆର୍ଯ୍ୟନଙ୍କୁ ଅସୁବିଧାରେ ପକାଉଛନ୍ତି । ପରେ କରମ କହିଛନ୍ତି, ଏହା ଏକ ଭଲ କାହାଣୀ ।
ଏହା ମଧ୍ୟ ପଢନ୍ତୁ: ଫ୍ୟାନ୍ସଙ୍କ ପାଇଁ ଖୁସି ଖବର, ଆଶିକି-3ରେ ନଜର ଆସିବେ ଏକ୍ସ କପଲ କାର୍ତ୍ତିକ-ସାରା !
ସୂଚନା ଥାଉ କି, ଆଶିକୀ ୨ ରେ ଆଦିତ୍ୟ ରୟ କପୁର ଅଭିନେତ୍ରୀ ଶ୍ରଦ୍ଧା କପୁରଙ୍କ ସହ ନଜର ଆସିଥିଲେ । ଏହି ଫିଲ୍ମ ଏପ୍ରିଲ ୨୬, ୨୦୧୩ରେ ରିଲିଜ ହୋଇଥିଲା । ବକ୍ସ ଅଫିସରେ ଏହି ୧୦୯ କୋଟି କେଲକ୍ସନ କରିବା ସହ ବେଶ ଲୋକପ୍ରିୟତା ହାସଲ କରିଥିଲା । ଫିଲ୍ମର ଗୀତ ନେଇ ଆଜି ବି ଫ୍ୟାନ୍ସ ଦିୱାନା ରହିଛନ୍ତି । ଏଙି ଫିଲ୍ମରେ ଆଦିତ୍ୟ ଏବଂ ଶ୍ରଦ୍ଧାଙ୍କ ଯୋଡିର ମଧ୍ୟ ବେଶ ପ୍ରଶଂସା କରାଯାଇଥିଲା । ତେବେ ବର୍ତ୍ତମାନ ନିର୍ମାତା ଆଶିକୀ ୩ ସହ ପୁଣି ପରଦାକୁ ଫେରୁଛନ୍ତି । ଗଣମାଧ୍ୟମ ରିପୋର୍ଟ ଅନୁସାରେ, କାର୍ତ୍ତିକ ଆର୍ଯ୍ୟନଙ୍କ ସହ ଏଥିରେ ସାରା ଅଲି ଖାନ ନଜର ଆସିବେ ବୋଲି କୁହାଯାଉଛି । କିନ୍ତୁ ବର୍ତ୍ତମାନ ସୁଦ୍ଧା ଅଭିନେତ୍ରୀ କାଷ୍ଟିଂକୁ ନେଇ ନିର୍ମାତା କୌଣସି ଘୋଷଣା କରିନାହାନ୍ତି ।
