ଓ୍ବାଶିଂଟନ୍: ଅଲଗା ହେଲେ କିମ୍ କରଡାସିୟାନ୍ ଏବଂ ପିଟ୍ ଡେଭିଡସନ । ଦୀର୍ଘ 9 ମାସର ଡେଟ୍ ପରେ ଆମେରିକୀୟ ରିଆଲିଟି ଟିଭି ଷ୍ଟାର କିମ୍ କରଡାସିୟାନ୍ (Kim Kardashian) ଏବଂ ହାସ୍ୟ ଅଭିନେତା ତଥା ଅଭିନେତା ପିଟ୍ ଡେଭିଡସନଙ୍କର(Pete Davidson) ବ୍ରେକଅପ୍ ହୋଇଛି । ଅନେକ ଆମେରିକୀୟ ନ୍ୟୁଜ୍ ପୋର୍ଟାଲ୍ ଏବଂ ପତ୍ରିକା ସେମାନଙ୍କ ସୁତ୍ରକୁ ଉଦ୍ଧୃତ କରି କହିଛନ୍ତି ଯେ, କିମ୍ ଏବଂ ପିଟ୍ ଏହି ସପ୍ତାହରେ ଅଲଗା ହୋଇଥିଲେ । କିମ୍ଙ୍କ ମ୍ୟାନେଜର ଏହା ଉପରେ ମନ୍ତବ୍ୟ ଦେବାକୁ ମନା କରିଦେଇଥିବାବେଳେ ପିଟ୍ ଡେଭିଡସନଙ୍କ ପ୍ରତିନିଧି କୌଣସି ପ୍ରତିକ୍ରିୟା ଦେଇନାହାଁନ୍ତି ।
ଗତ ବର୍ଷ ଅକ୍ଟୋବରରୁ ଏହି ଦମ୍ପତି ପରସ୍ପରକୁ ଡେଟିଂ ଆରମ୍ଭ କରିଥିଲେ । ସେହି ସମୟରେ କିମ ଶୋ 'SLN' ଆୟୋଜନ କରୁଥିଲେ । ପ୍ରତିଯୋଗୀ ଭାବରେ ପିଟ୍ ଏହି କମେଡି ସ୍କଚ୍ ଶୋ’ରେ ଭାଗ ନେଇଥିଲେ । ନିକଟରେ ପିଟ୍ ଅଷ୍ଟ୍ରେଲିଆରେ 'ୱିଜାର୍ଡ' ପାଇଁ ସୁଟିଂ ଶେଷ କରିଥିଲେ । 41 ବର୍ଷୀୟା କିମ୍ କରଡାସିୟାନ୍ କାନି ୱେଷ୍ଟଙ୍କ ଠାରୁ ଛାଡପତ୍ର ଘୋଷଣା କରିବା ପରେ 28 ବର୍ଷୀୟ ପ୍ରେମିକ ପିଟ ଡେଭିଡସନଙ୍କ ସହ ବିଭିନ୍ନ ସ୍ଥାନରେ ନଜର ଆସିଥିଲେ । ସେ ମଧ୍ୟ ପିଟଙ୍କ ସହ ସମ୍ପର୍କ ରଖି ଖୁସି ବ୍ୟକ୍ତ କରିଥିଲେ । ଉଭୟଙ୍କ ଅନେକ ଫଟୋ ମଧ୍ୟ ଭାଇରାଲ ହୋଇଥିଲା ।
3 ଜଣଙ୍କୁ ବିବାହ କରିଛନ୍ତି କିମ୍
କିମ କରଡାସିୟାନ୍ଙ୍କର 4ଟି ସନ୍ତାନ ଅଛନ୍ତି ଏବଂ ବର୍ତ୍ତମାନ ପର୍ଯ୍ୟନ୍ତ 3 ଜଣଙ୍କୁ ବିବାହ କରିଛନ୍ତି । ତାଙ୍କର ପ୍ରଥମ ବିବାହ 2000 ମସିହାରେ 19 ବର୍ଷ ବୟସରେ ଡେମନ୍ ଥୋମାସ୍ଙ୍କ ସହ ହୋଇଥିଲା । 2004ରେ ଏହି ଦୁଇଜଣ ଅଲଗା ହୋଇଥିଲେ । ଏହାପରେ, 2011 ମସିହାରେ, ସେ କ୍ରିସ୍ ହମ୍ପାରିସ୍ଙ୍କ ସହିତ ବିବାହ କରିଥିଲେ । ଏହି ବିବାହ ମଧ୍ୟ ଦୁଇ ବର୍ଷରୁ ଅଧିକ ତିଷ୍ଠି ରହିଲା ନାହିଁ ଏବଂ ଉଭୟ 2013 ରେ ଅଲଗା ହୋଇଗଲେ । ଏହା ପରେ କିମ୍ 2014 ମସିହାରେ ଇଟାଲୀରେ କାନି ୱେଷ୍ଟଙ୍କୁ ବିବାହ କରିଥିଲେ । ଏହି ବିବାହରୁ ତାଙ୍କର 4ଟି ସନ୍ତାନ ହୋଇଥିଲେ । ତେବେ, 2020 ମସିହାରେ, ଉଭୟେ ଅଲଗା ହେବାକୁ ନିଷ୍ପତ୍ତି ନେଇଥିଲେ, ଯାହା ପରେ ସେମାନଙ୍କ ଛାଡପତ୍ର ପ୍ରକ୍ରିୟା ଜାରି ରହିଛି ।
