ହାଇଦ୍ରାବାଦ: ଭାରତୀୟ ସୁପରଷ୍ଟାର ପ୍ରଭାସ ବର୍ତ୍ତମାନ କେଜିଏଫ୍ 2 ନିର୍ଦ୍ଦେଶକ ପ୍ରଶାନ୍ତ ନୀଲଙ୍କ ପରବର୍ତ୍ତୀ ଚଳଚ୍ଚିତ୍ର 'ସାଲାର' ପୁରା କରିବାରେ ବ୍ୟସ୍ତ ଅଛନ୍ତି । ଏହାପରେ ସୁପରଷ୍ଟାର ତାଙ୍କର ପରବର୍ତ୍ତୀ ଚଳଚ୍ଚିତ୍ରଗୁଡ଼ିକର ସୁଟିଂ ଆରମ୍ଭ କରିବେ । ନିକଟରେ ଏକ ଚର୍ଚ୍ଚା ହୋଇଥିଲା ଯେ, ପ୍ରଭାସଙ୍କ ଅଭିନୀତ ନିର୍ଦ୍ଦେଶକ ସନ୍ଦୀପ ରେଡ୍ଡୀ ଭଙ୍ଗାଙ୍କ ପରବର୍ତ୍ତୀ ଚଳଚ୍ଚିତ୍ର ସ୍ପିରିଟ୍ରେ ଅଭିନେତ୍ରୀ କିଆରା ଆଡଭାନୀଙ୍କୁ ଦେଖିବାକୁ ମିଳିବ । ଶୁଣିବାକୁ ମିଳିଥିଲା ଯେ ଏହି ପ୍ୟାନ ଇଣ୍ଡିଆ ସ୍ତରରେ ରିଲିଜ ହେବାକୁ ଥିବା କବିର ସିଂ ଫେମ୍ ନିର୍ଦ୍ଦେଶକଙ୍କ ପରବର୍ତ୍ତୀ ଚଳଚ୍ଚିତ୍ର ପାଇଁ ଅଭିନେତ୍ରୀଙ୍କୁ ଅନୁରୋଧ କରାଯାଇଥିଲା । ଯାହା ପରେ ଅଭିନେତ୍ରୀ ଏହି ଚଳଚ୍ଚିତ୍ରର ଏକ ଅଂଶ ହେବାକୁ ରାଜି ହୋଇଥିଲେ। କିନ୍ତୁ ବର୍ତ୍ତମାନ ରିପୋର୍ଟ୍ସ ମୁତାବିକ, ଅଭିନେତ୍ରୀ କିଆରା ଆଡଭାନୀ ଏକ ସରକାରୀ ବିବୃତ୍ତି ଜାରି କରି ଏହି ରିପୋର୍ଟକୁ ଅସ୍ୱୀକାର କରିଛନ୍ତି।
- " class="align-text-top noRightClick twitterSection" data="
">
ଅଭିନେତ୍ରୀଙ୍କ ଦ୍ବାରା ଜାରି ବିବୃତ୍ତିରେ କୁହାଯାଇଛି, 'ସନ୍ଦୀପ ରେଡ୍ଡୀ ଭଙ୍ଗାଙ୍କ ନିର୍ଦ୍ଦେଶିତ ପ୍ରଭାସଙ୍କ ଫିଲ୍ମକୁ ନେଇ ଜାରି କରାଯାଇଥିବା ରିପୋର୍ଟ ଏବଂ ଗୁଜବ ଉପରେ କିଆରା ଆଡଭାନୀଙ୍କ ମୁଖପାତ୍ର ଭାବରେ ଆମେ ଏହି ଗୁଜବକୁ ଦୂର କରିବାକୁ ଚାହୁଁଛୁ । କିଆରାଙ୍କୁ ଏହି ଚଳଚ୍ଚିତ୍ର ପାଇଁ ନା ହି ଅନୁରୋଧ କରାଯାଇଛି ନା ଏହି ବିଷୟରେ କୌଣସି ଆଲୋଚନା ହୋଇଛି । ଆମେ ଆନୁଷ୍ଠାନିକ ଭାବରେ ଏହି ସମ୍ବନ୍ଧରେ ଅପଡେଟ ଘୋଷଣା କରିବୁ ଏବଂ ସମସ୍ତଙ୍କୁ ଜଣାଇବୁ । ତେଣୁ ଏହି ଗୁଜବର ଅଂଶ ନହେବା ପାଇଁ ସମସ୍ତଙ୍କୁ ନିବେଦନ କରୁଛୁ ।
ସୁପରଷ୍ଟାର ପ୍ରଭାସଙ୍କ ଏହି ଫିଲ୍ମକୁ ନେଇ କେବଳ କିଆରା ଆଡଭାନୀ ନୁହଁନ୍ତି, ରଶ୍ମିକା ମନ୍ଦନାଙ୍କ ନାମ ମଧ୍ୟ ପ୍ରକାଶ ପାଇଥିଲା। ଏହା ବ୍ୟତୀତ ଅଭିନେତ୍ରୀ କରୀନା କପୁର ଖାନଙ୍କୁ ନେଇ ମଧ୍ୟ ମିଡିଆ ରିପୋର୍ଟରେ ମଧ୍ୟ ଖବର ପ୍ରକାଶ ପାଇଥିଲା। ତେବେ ନିର୍ମାତାମାନେ ଏପର୍ଯ୍ୟନ୍ତ ସୁପରଷ୍ଟାର ପ୍ରଭାସଙ୍କ ବିପକ୍ଷରେ ଏହି ଚଳଚ୍ଚିତ୍ରର ମୁଖ୍ୟ ଅଭିନେତ୍ରୀଙ୍କ ନାମ ଚୁଡାନ୍ତ କରିନାହାଁନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
