ହାଇଦ୍ରାବାଦ: ବିକି କୌଶଲ ଏବଂ କ୍ୟାଟ୍ରିନା କୈଫ ବଲିଉଡର ଅନ୍ୟତମ ଦମ୍ପତି । ପ୍ରାୟତଃ ଉଭୟ ସେମାନଙ୍କର ଫଟୋ ସେୟାର କରିଥାଆନ୍ତି । କ୍ୟାଟ୍ରିନା କୈଫ୍ ପୁଣି ଥରେ ତାଙ୍କ ସ୍ୱାମୀଙ୍କ ସହ ରୋମାଣ୍ଟିକ ଫଟୋ ସେୟାର କରିଛନ୍ତି । ଗତ କିଛି ଦିନ ହେବ କ୍ୟାଟ୍ରିନା କୈଫ ମୁମ୍ବାଇରୁ ବାହାରେ ରହିଥିଲେ । ତେବେ ଏବେ କ୍ୟାଟ୍ରିନା ଫେରିବା ପରେ ରବିବାର ସ୍ବାମୀ ତଥା ଅଭିନେତା ବିକିଙ୍କ ସହ କ୍ବାଲିଟି ଟାଇମ ଅତିବାହିତ କରିଛନ୍ତି । ସୋସିଆଲ ମିଡିଆରେ ଅଭିନେତ୍ରୀ ଉଭୟଙ୍କ କିଛି ଫଟୋ ସେୟାର କରିଛନ୍ତି।
କ୍ୟାଟ୍ରିନା ନିଜ ଇନଷ୍ଟାଷ୍ଟୋରୀରେ ଉଭୟଙ୍କ କିଛି ଫଟୋ ସେୟାର କରିଛନ୍ତି। ପ୍ରଥମ ଫଟୋରେ, ବିକିଙ୍କୁ କଳା ସ୍ଲିଭଲେସ୍ ଟି-ସାର୍ଟ ପିନ୍ଧିଥିବାର ଦେଖିବାକୁ ମିଳିଛି। ଅନ୍ୟଟିରେ ବିକି ତାଙ୍କ ପତ୍ନୀ କ୍ୟାଟ୍ରିନାଙ୍କୁ କିସ୍ ଦେଉଥିବାର ନଜର ଆସିଛନ୍ତି । ଏହି ଫଟୋ ସେୟାର ହେବା ପରେ ଅନେକ ଫ୍ୟାନ୍ସ ଏବଂ ତାରାକା ଲାଇକ କରିବା ସହ ପ୍ରତିକ୍ରିୟାରେ ଲାଲ୍ ହାର୍ଟ ଇମୋଜି ଏବଂ ଫାୟାର ଇମୋଜି ଦେଇଛନ୍ତି । ସୂଚନା ଥାଉ କି, କ୍ୟାଟ୍ରିନାଙ୍କୁ ବିବାହ କରିବା ପରେ ବିକି ଜୁହୁର ଏକ 4 BHK ଆପାର୍ଟମେଣ୍ଟକୁ ସ୍ଥାନାନ୍ତର ହୋଇଥିଲେ, ଯାହାର ମାସିକ ଭଡ଼ା 8 ଲକ୍ଷ ଟଙ୍କା ।
କଫି ୱିଥ୍ କରଣ ଶୋ'ରେ କ୍ୟାଟ୍ରିନା କହିଥିଲେ ଯେ, ସେ ଜୋୟା ଅଖତରଙ୍କ ପାର୍ଟିରେ ବିକିଙ୍କୁ ଭେଟିଥିଲେ ଏବଂ ସେତେବେଳେ ସେମାନଙ୍କ ମଧ୍ୟରେ ଡେଟିଂ ଆରମ୍ଭ ହୋଇଥିଲା । ପରେ ବିକିଙ୍କ ସହ କ୍ୟାଟ୍ରିନା 9 ଡିସେମ୍ବର 2021ରେ ରାଜସ୍ଥାନର ସିକ୍ସ ସେନ୍ସ ଫୋର୍ଟ ବାରୱାରାରେ ବିବାହ କରିଥିଲେ । ପରିବାର, ସାଙ୍ଗସାଥୀ ଏବଂ ସମ୍ପର୍କୀୟଙ୍କ ଉପସ୍ଥିତିରେ ଉଭୟ ପରସ୍ପରକୁ ସାତ ଜନ୍ମର ସାଥୀ କରିଥିଲେ ।
ଏହା ମଧ୍ୟ ପଢନ୍ତୁ: ବିକି-କ୍ୟାଟଙ୍କ ଘରକୁ ଆସିବେ ନୂଆ ଅତିଥି, ବେବି ପ୍ଲାନରେ ଅଛନ୍ତି ଦମ୍ପତି
ସେପଟେ କ୍ୟାଟ୍ରିନାଙ୍କ ୱାର୍କଫ୍ରଣ୍ଟ୍ କଥା କହିବାକୁ ଗଲେ, କ୍ୟାଟ୍ରିନା ସଲମାନ୍ ଖାନ୍ଙ୍କ ସହ ଆଗାମୀ ଆକ୍ସନ୍-ଥ୍ରୀଲର ଫିଲ୍ମ ଟାଇଗର-3ରେ ନଜର ଆସିବେ । ଚଳିତ ବର୍ଷ ଦିପାବଳୀ ଅବସରରେ ଏହି ସିନେମା ରିଲିଜ ହେବ । ସେ ଶ୍ରୀରାମ ରାଘବନଙ୍କ ନିର୍ଦ୍ଦେଶିତ ଚଳଚ୍ଚିତ୍ର ମେରୀ ଖ୍ରୀଷ୍ଟମାସରେ ମଧ୍ୟ ବିଜୟ ସେଥୁପତିଙ୍କ ସହ ମଧ୍ୟ ନଜର ଆସିବେ କ୍ୟାଟ୍ରିନା । ଏଥିସହ ସେ ଫରହାନ ଅଖତରଙ୍କ ଆଗାମୀ ଚଳଚ୍ଚିତ୍ର ଜୀ ଲେ ଜରାରେ ମଧ୍ୟ ଆଲିଆ ଭଟ୍ଟ ଏବଂ ପ୍ରିୟଙ୍କା ଚୋପ୍ରାଙ୍କ ସହ ନଜର ଆସିବେ। ସେପଟେ ବିକିଙ୍କ କଥା କହିବାକୁ ଗଲେ, ବିକିଙ୍କୁ ଆଗାମୀ ଫିଲ୍ମ ସାମ୍ ବାହାଦୁରରେ ଦେଖିବାକୁ ମିଳିବ । ଏହା ବ୍ୟତୀତ ତାଙ୍କୁ 'ଡଙ୍କି' ଏବଂ 'ମେରେ ମେହବୁବ ମେରେ ସନମ'ରେ ମଧ୍ୟ ଦେଖିବାକୁ ମିଳିବ ।
