ମୁମ୍ବାଇ: ବଲିଉଡ ଲୋକପ୍ରିୟ ଅଭିନେତା କାର୍ତ୍ତିକ ଆର୍ଯ୍ୟନ୍ ତାଙ୍କର ଆଗାମୀ କ୍ରୀଡା ଡ୍ରାମା ଚଳଚ୍ଚିତ୍ର ଚନ୍ଦୁ ଚାମ୍ପିଅନଙ୍କ ସହ ପୁଣି ଜଲୱା ଦେଖାଇବାକୁ ଯାଉଛନ୍ତି । ଫିଲ୍ମ ସତ୍ୟପ୍ରେମ କି କଥାର ବକ୍ସ ଅଫିସରେ ସଫଳ ହେବାର କିଛି ଦିନ ପରେ କାର୍ତ୍ତିକ ଏହି ଚଳଚ୍ଚିତ୍ର ସୁଟିଂ ପାଇଁ ଲଣ୍ଡନ ଯାଇଥିଲେ । ସେବେଠୁ ସେ ଫିଲ୍ମ ସୁଟିଂରେ ବ୍ୟସ୍ତ ଥିଲେ । ବର୍ତ୍ତମାନ ଏହି ଫିଲ୍ମରୁ କାର୍ତ୍ତିକ ଆର୍ଯ୍ୟନଙ୍କ ପ୍ରଥମ ଲୁକ୍ ରିଲିଜ ହୋଇଛି ।
ସାଜିଦ ନାଦିଆଡୱାଲା ଏହି ଚଳଚ୍ଚିତ୍ର ନିର୍ମାଣ କରୁଛନ୍ତି ଏବଂ କବୀର ଖାନ ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଉଛନ୍ତି । କାର୍ତ୍ତିକ ଆର୍ଯ୍ୟନ ପ୍ରଥମ ଥର ପାଇଁ କବୀର ଖାନଙ୍କ ସହ କାମ କରିବାକୁ ଯାଉଛନ୍ତି । ଗତକାଲି(ଅଗଷ୍ଟ 1)ରେ ଫିଲ୍ମ ନିର୍ମାତା କାର୍ତ୍ତିକଙ୍କ ପ୍ରଥମ ଲୁକ ରିଲିଜ କରିଛନ୍ତି । ସେପଟେ କାର୍ତ୍ତିକ ଆର୍ଯ୍ୟନ୍ ମଧ୍ୟ ଫିଲ୍ମରୁ ତାଙ୍କର ପ୍ରଥମ ଲୁକ୍ ସେୟାର କରିଛନ୍ତି । କ୍ୟାପସନରେ ଲେଖିଛନ୍ତି, ଯେତେବେଳେ ଭାରତ ଆପଣଙ୍କ ଛାତିରେ ଲେଖାଯାଏ, ତୁମର ଶିରାରେ ଭିନ୍ନ ଭାବନା ଆସିଥାଏ, ମୁଁ ପ୍ରକୃତ ହିରୋ ଭୂମିକାରେ ଅଭିନୟ କରି ଗର୍ବିତ ଅନୁଭବ କରୁଛି, ଯିଏ କେବେ ପଛକୁ ନ ହଟିନାହାନ୍ତି । ଚନ୍ଦୁ ଚମ୍ପିଆନ୍, ପ୍ରଥମ ଲୁକ୍ । ଲଣ୍ଡନରେ ପ୍ରଥମ କାର୍ଯ୍ୟସୂଚୀ ସମାପ୍ତ ହୋଇଛି ।
ବର୍ତ୍ତମାନ କାର୍ତ୍ତିକ ଆର୍ଯ୍ୟନଙ୍କ ଏହି ଲୁକ ସୋସିଆଲ ମିଡିଆରେ ସେୟାର ହେବା ପରେ ଫ୍ୟାନ୍ସ ଏହାକୁ ଲାଇକ କରିବା ସହ ପ୍ରତିକ୍ରିୟା ଦେଇଛନ୍ତି । କାର୍ତ୍ତିକଙ୍କ ଅଧିକାଂଶ ପ୍ରଶଂସକ ଫାୟାର ଇମୋଜି ଏବଂ ଲାଲ ହାର୍ଟ ଇମୋଜି ସହ ଅଭିନେତାଙ୍କ ପ୍ରଥମ ଲୁକ୍ ଉପରେ ଚକିତ ପ୍ରତିକ୍ରିୟା ଦେଇଛନ୍ତି । ଏଥିସହ ଅନେକ ଫ୍ୟାନ୍ସ କାର୍ତ୍ତିକଙ୍କ ପ୍ରଶଂସକମାନେ ତାଙ୍କ ଚଳଚ୍ଚିତ୍ରକୁ ଏକ ହିଟ୍ ବୋଲି ଟ୍ୟାଗ୍ ଦେଇଛନ୍ତି।
ଏହା ମଧ୍ୟ ପଢନ୍ତୁ: 'ଚନ୍ଦୁ ଚମ୍ପିଆନ' ଫିଲ୍ମ ସୁଟିଂ ପାଇଁ ଲଣ୍ଡନ ଗଲେ କାର୍ତ୍ତିକ
'ଚନ୍ଦୁ ଚାମ୍ପିଅନ୍' ଫିଲ୍ମର କାହାଣୀ କ'ଣ?
ଚନ୍ଦୁ ଚମ୍ପିଆନ୍ ଫିଲ୍ମ କ୍ରୀଡା ଡ୍ରାମା ଜଣେ କ୍ରୀଡ଼ାବିତଙ୍କ ବାସ୍ତବ ଜୀବନର କାହାଣୀ ଉପରେ ଆଧାରିତ । ଯିଏ କେବେ ବି ତାଙ୍କ ଜୀବନରେ ହାର ମାନିନାହାନ୍ତି । ଏହି ଚଳଚ୍ଚିତ୍ରଟି ଭାରତର ପ୍ରଥମ ପାରାଲିମ୍ପିକ୍ ସ୍ୱର୍ଣ୍ଣ ପଦକ ବିଜେତା ମୁର୍ଲିକାଣ୍ଟ ପେଟକରଙ୍କ ବାୟୋପିକ୍ ବୋଲି କୁହାଯାଉଛି, ନିର୍ମାତା ଏପର୍ଯ୍ୟନ୍ତ ତାହା ନିଶ୍ଚିତ କରିନାହାଁନ୍ତି । ଏହି ଫିଲ୍ମରେ କାର୍ତ୍ତିକ ଆର୍ଯ୍ୟନ୍ ପ୍ରଥମ ଥର ପାଇଁ ଏକ କ୍ରୀଡା ଡ୍ରାମା ଫିଲ୍ମରେ ଦେଖିବାକୁ ମିଳିବ । ଚନ୍ଦୁ ଚମ୍ପିଆନ୍ ଫିଲ୍ମର ଶୁଭାରମ୍ଭ ଲଣ୍ଡନରେ ହୋଇଥିଲା ଏବଂ ବର୍ତ୍ତମାନ ଫିଲ୍ମର ପ୍ରଥମ କାର୍ଯ୍ୟସୂଚୀ ଲଣ୍ଡନରେ ଶେଷ ହୋଇଛି । ଫିଲ୍ମର ନିର୍ଦ୍ଦେଶକ କବୀର ଖାନ ସାଜିଦ ନାଦିଆଡୱାଲା ଏବଂ ଭର୍ଦା ନାଦିଆଡୱାଲାଙ୍କ ତତ୍ତ୍ୱାବଧାନରେ ଲଣ୍ଡନରେ ପ୍ରଥମ କାର୍ଯ୍ୟସୂଚୀ ପୂରଣ କରିଛନ୍ତି । ଏହି ଫିଲ୍ମ 14 ଜୁନ୍ 2024 ରେ ମୁକ୍ତିଲାଭ କରିବ ।
