ହାଇଦ୍ରାବାଦ: କଙ୍ଗନା ରଣାୱତ ହେଉଛନ୍ତି ବଲିଉଡର ବୋଲ୍ଡ ରାଣୀ । ସେ ପ୍ରାୟତଃ କୌଣସି ନା କୌଣସି ପ୍ରସଙ୍ଗରେ କଥା ହେଉଥିବା ଦେଖାଯାଏ । କଙ୍ଗନା ତାଙ୍କ ବୟାନ ପରି ନିଜ ଚଳଚ୍ଚିତ୍ର ପାଇଁ ମଧ୍ୟ ବେଶ୍ ଚର୍ଚ୍ଚିତ । କଙ୍ଗନା ରଣାୱତ ଦୀର୍ଘ ଦିନ ଧରି ଚନ୍ଦ୍ରମୁଖୀ 2କୁ ନେଇ ଚର୍ଚ୍ଚାରେ ରହିଆସିଛନ୍ତି । କିଛି ସମୟ ପୂର୍ବରୁ, ଏହି ଚଳଚ୍ଚିତ୍ରରୁ ଅଭିନେତା ରାଘବ ଲରେନ୍ସଙ୍କ ପ୍ରଥମ ଲୁକ୍ ପ୍ରକାଶ ପାଇଥିଲା । ଏହା ପରେ ପ୍ରଶଂସକମାନେ କଙ୍ଗନା ରଣାୱତଙ୍କ ପ୍ରଥମ ଲୁକକୁ ଅପେକ୍ଷା କରିଥିଲେ । ପ୍ରଶଂସକଙ୍କ ଅପେକ୍ଷା ଶେଷ ଘଟିଛି । ନିର୍ମାତାମାନେ ଚନ୍ଦ୍ରମୁଖୀ 2ରୁ କଙ୍ଗନା ରଣାୱତଙ୍କ ପ୍ରଥମ ଲୁକ୍ ଜାରି କରିଛନ୍ତି, ଯେଉଁଥିରେ ସେ ରାଣୀ ଭଳି ସୁନ୍ଦର ଦେଖାଯାଉଛନ୍ତି ।
କଙ୍ଗନାଙ୍କ ଲୁକକୁ ସେୟାର କରି ନିର୍ମାତାମାନେ ଲେଖିଛନ୍ତି, 'ସୌନ୍ଦର୍ଯ୍ୟ ଏବଂ ପୋଜ୍ ଯାହା ଅତି ସହଜରେ ଆମ ଦୃଷ୍ଟି ଆକର୍ଷଣ କରେ! ଚନ୍ଦ୍ରମୁଖୀ 2 ରୁ ଚନ୍ଦ୍ରମୁଖୀ ଭାବରେ କଙ୍ଗନା ରଣାୱତଙ୍କର ଚିତ୍ତାକର୍ଷକ ଏବଂ ସୁନ୍ଦର ଚେହେରାକୁ ଉପସ୍ଥାପନ କରୁଛୁ । ନିର୍ମାତାମାନେ ବିଭିନ୍ନ ଭାଷାରେ ଫିଲ୍ମର ପୋଷ୍ଟର ରିଲିଜ କରିଛନ୍ତି, ଯେଉଁଥିରେ କଙ୍ଗନାଙ୍କ ରାଜକୀୟ ଶୈଳୀ ଦେଖିବାକୁ ମିଳିଛି । ଏହା ସହିତ ନିର୍ମାତାମାନେ ଫିଲ୍ମର ରିଲିଜ ବିଷୟରେ ମଧ୍ୟ ଘୋଷଣା କରିଛନ୍ତି । ନିର୍ମାତାମାନେ କହିଛନ୍ତି ଯେ ଏହି ଚଳଚ୍ଚିତ୍ର ଗଣେଶ ଚତୁର୍ଥୀ ଅବସରରେ ମୁକ୍ତିଲାଭ କରିବ।
ଏହା ମଧ୍ୟ ପଢନ୍ତୁ: Kajol B’day: ଦଶମ ପାସ୍ କରିନାହାନ୍ତି କାଜଲ, ଆଜି କୋଟି କୋଟି ଟଙ୍କାର ମାଲିକାଣୀ
ଆମେ ଆପଣଙ୍କୁ କହିରଖୁଛୁ ଯେ, କିଛି ସମୟ ପୂର୍ବରୁ ନିର୍ମାତାମାନେ ଚନ୍ଦ୍ରମୁଖୀ ଚଳଚ୍ଚିତ୍ରରୁ କଙ୍ଗନାଙ୍କ ଲୁକ୍ର ଟିଜର ଭାବରେ ଏକ ଝଲକ ସେୟାର କରିଥିଲେ । ଏହି ଝଲକ ସେୟାର କରିବା ସହିତ ନିର୍ମାତାମାନେ କହିଥିଲେ ଯେ 'ଚନ୍ଦ୍ରମୁଖୀ-୨'ରୁ କଙ୍ଗନାଙ୍କ ପ୍ରଥମ ଲୁକ୍ ଆଜି ଶନିବାର ସକାଳ 11 ଟାରେ ମୁକ୍ତିଲାଭ କରିବ ।
ଏହାକୁ ସେୟାର କରି ନିର୍ମାତାମାନେ କ୍ୟାପସନରେ ଲେଖିଛନ୍ତି, 'ବର୍ତ୍ତମାନ ଅପେକ୍ଷା ଶେଷ ହୋଇଛି । ରାଣୀ ଯିଏକି ଆମ ହୃଦୟରେ ନିଜର ବୋଲ୍ଡନେସ୍, ବ୍ୟୁଟି ଏବଂ ଚରିତ୍ର ସହିତ ବର୍ଷ ବର୍ଷ ଧରି ରାଜ୍ କରୁଛି, ଏବେ ସେ ପୁଣି ଥରେ ଫେରୁଛନ୍ତି । କଙ୍ଗନାଙ୍କ ଫାଷ୍ଟ ଲୁକ୍ ଦେଖିବା ପାଇଁ ଆମ ସହିତ ଯୋଡି ହୋଇ ରୁହନ୍ତୁ କାଲି 11ଟା ଯାଏ ।
ଉଲ୍ଲେଖନୀୟ ଯେ 2005 ମସିହାରେ ପି ଭାସୁଙ୍କ ନିର୍ଦ୍ଦେଶିତ 'ଚନ୍ଦ୍ରମୁଖୀ' ଚଳଚ୍ଚିତ୍ରର ଏକ ସିକ୍ୱେଲ୍, ଯେଉଁଥିରେ ରଜନୀକାନ୍ତ ଏବଂ ଜ୍ୟୋତିକା ମୁଖ୍ୟ ଭୂମିକାରେ ନଜର ଆସିଥିଲେ । ପି ଭାସୁ ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି।
