ହାଇଦ୍ରାବାଦ: ବଲିଉଡ ଦେଶୀଗାର୍ଲ ପ୍ରିୟଙ୍କା ଚୋପ୍ରାଙ୍କ ଭାରତ ଗସ୍ତ ଏବେ ଚର୍ଚ୍ଚାର ବିଷୟ ହୋଇଛି । କାରଣ ଏସଏସ ରାଜାମୌଲିଙ୍କ ଫିଲ୍ମରେ ତାଙ୍କର ସାମିଲ ହେବା ନେଇ ଚର୍ଚ୍ଚା ବହୁତ ଦିନ ଧରି ଚାଲିଛି । ନିକଟରେ ଅଭିନେତ୍ରୀଙ୍କୁ ହାଇଦ୍ରାବାଦ ବିମାନବନ୍ଦରରେ ଦେଖିବାକୁ ମିଳିଥିଲା । ଏହି ସମୟରେ କଳ୍ପନାଜଳ୍ପନା ବଢ଼ିବାକୁ ଲାଗିଲା ଯେ ପ୍ରିୟଙ୍କାଙ୍କୁ ରାଜାମୌଲିଙ୍କ 'SSMB29' ଏହି ଫିଲ୍ମରେ ମହେଶ ବାବୁଙ୍କ ବିପକ୍ଷରେ କାଷ୍ଟ କରାଯାଇପାରେ ।
ପ୍ରିୟଙ୍କା ଚୋପ୍ରା ଚିଲକୁର ବାଲାଜୀଙ୍କ କରିଛନ୍ତି ଦର୍ଶନ
'SSMB29' ନଜର ଆସିବା ଚର୍ଚ୍ଚା ମଧ୍ୟରେ ବର୍ତ୍ତମାନ ପ୍ରିୟଙ୍କା ତାଙ୍କ ଭାରତ ଗସ୍ତ ସମୟରେ ହାଇଦ୍ରାବାଦ ନିକଟସ୍ଥ ପ୍ରସିଦ୍ଧ ଚିଲକୁର ବାଲାଜୀ ମନ୍ଦିର ପରିଦର୍ଶନ କରିଛନ୍ତି । ଅଭିନେତ୍ରୀ ତାଙ୍କ ପବିତ୍ର ଯାତ୍ରାର ଫଟୋ ସୋସିଆଲ ମିଡିଆରେ ସେୟାର କରି ନୂଆ ଅଧ୍ୟାୟ ଆରମ୍ଭ ବୋଲି ଲେଖିଛନ୍ତି । ଯାହା ପରେ ସେ ରାଜାମୌଲିଙ୍କ ଫିଲ୍ମରେ ନଜର ଆସିବା ନେଇ ତାଙ୍କ ପ୍ରଶଂସକ ଏବଂ ଗଣମାଧ୍ୟମ ମଧ୍ୟରେ ଆଲୋଚନାର ବିଷୟ ପାଲଟିଛି । ସେ ଏହି ପୋଷ୍ଟରେ ରାମ ଚରଣଙ୍କ ପତ୍ନୀ ଉପାସନା କୋନିଡେଲାଙ୍କୁ ଧନ୍ୟବାଦ ମଧ୍ୟ ଜଣାଇଛନ୍ତି, ଯିଏ ତାଙ୍କୁ ମନ୍ଦିର ଦର୍ଶନ କରିବାକୁ ପରାମର୍ଶ ଦେଇଥିଲେ ।
ସୋସିଆଲ ମିଡିଆରେ ଚିଲକୁର ବାଲାଜୀ ଗସ୍ତ ବିଷୟରେ ବିସ୍ତୃତ ଭାବରେ ବର୍ଣ୍ଣନା କରି ପ୍ରିୟଙ୍କା ଏକ ପୋଷ୍ଟ ସେୟାର କରିଛନ୍ତି, ଯେଉଁଥିରେ ସେ ତାଙ୍କ ଜୀବନର ଏକ "ନୂତନ ଅଧ୍ୟାୟ" ଆରମ୍ଭ କରୁଛନ୍ତି ବୋଲି ଉଲ୍ଲେଖ କରିଛନ୍ତି । ଏହି ବକ୍ତବ୍ୟ କ’ଣ ହୋଇପାରେ ସେ ବିଷୟରେ ସେ ଆଉ କୌଣସି ବିବରଣୀ ଦେଇ ନାହାନ୍ତି, ଯାହା ଫଳରେ ସେ ରାଜାମୌଲି ଏବଂ ମହେଶ ବାବୁଙ୍କ ସହ ତାଙ୍କ ଫିଲ୍ମରେ କାମ କରିବା ହିଣ୍ଟ୍ ଦେଇଥିବା ଚର୍ଚ୍ଚା ହେଉଛି । ଇନଷ୍ଟାଗ୍ରାମରେ ପ୍ରିୟଙ୍କା ଲେଖିଛନ୍ତି, "ଶ୍ରୀ ବାଲାଜୀଙ୍କ ଆଶୀର୍ବାଦରେ ଏକ ନୂତନ ଅଧ୍ୟାୟ ଆରମ୍ଭ ହେଉଛି । ଆମେ ସମସ୍ତେ ଆମ ହୃଦୟରେ ଶାନ୍ତି ଏବଂ ଆମ ଚାରିପାଖରେ ସମୃଦ୍ଧି ଏବଂ ପ୍ରାଚୁର୍ଯ୍ୟ ପାଇବା ଉଚିତ । ଈଶ୍ୱରଙ୍କ କୃପା ଅସୀମ । ଓମ୍ ନମୋ ନାରାୟଣାୟ । ଧନ୍ୟବାଦ ଉପସାନା କାମିନେନିକୋନିଡେଲା ।''
ଏହା ମଧ୍ୟ ପଢନ୍ତୁ: ରାମଲାଲାଙ୍କ ଶରଣରେ ପ୍ରିୟଙ୍କା ଚୋପ୍ରା, ସପରିବାର ସହ କଲେ ଦର୍ଶନ
'SSMB29' ଷ୍ଟାରକାଷ୍ଟ
ମହେଶ ବାବୁ ଏକମାତ୍ର ନିଶ୍ଚିତ ଅଭିନେତା ଯିଏ 'SSMB 29'ରେ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ । ପ୍ରିୟଙ୍କା ଚୋପ୍ରା ଏବଂ ପୃଥ୍ୱୀରାଜ ସୁକୁମାରନ୍ ମଧ୍ୟ ଏହି କଳାକାରଙ୍କ ସହ ଯୋଗ ଦେଇପାରନ୍ତି ବୋଲି ଅନୁମାନ କରାଯାଉଛି । ଏନେଇ ନିର୍ମାତା କିମ୍ୱା ତାରକା ଘୋଷଣା କରିନାହନ୍ତି । କିନ୍ତୁ ବର୍ତ୍ତମାନ ହାଇଦ୍ରାବାଦରେ ଥିବା ପ୍ରିୟଙ୍କା ଫିଲ୍ମର ସୁଟିଂ ଆରମ୍ଭ କରିବେ ବୋଲି କୁହାଯାଉଛି ।ସୂତ୍ର ଅନୁସାରେ, ପ୍ରିୟଙ୍କା ଏସ୍ ଏସ୍ ରାଜମୌଲିଙ୍କ ସହ ଛଅ ମାସରୁ ଅଧିକ ସମୟ ଧରି ଆଲୋଚନା କରୁଥିଲେ ଏବଂ ଏହା ଜଣାପଡୁଛି ଯେ ଆମେ ତାଙ୍କୁ ଖୁବ୍ ଶୀଘ୍ର ପରଦାରେ ଦେଖିବୁ । ରିପୋର୍ଟ ଅନୁଯାୟୀ, SSMB29 ରାଜମୌଲିଙ୍କ ଏହା ବିଗ ବେଜଟ ଫିଲ୍ମ ବୋଲି କୁହାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
